اللي سمعوا قصتي مع حبيببي اللي احبه سنين, وتركني ووتزوج, تبون تعرفون اخر التطورات؟؟؟!

[رتو الكيوت]

عادي حياتي تعيشين وتاكلين غيرهاا !

هاذي الدنياا كل يوم تنصدمين من احد : )

الغيره والامراض منتشره بين هالبشر حتى لو اقرب قريب الله يكفينا شرهم انا وخواتي بسس

انتي تعلمتي درس وخلاص بس سؤال هي شلون رضت تاخذ فضله احد شنو هالنفس الدنيئه الي فيها ؟

ع العموم تاكدي انها مو مرتاحه بحياتهاا ان كانه تانيب ضمير او معاير من ريلها بواقه الرقاله !

اصبري انتي بسس وبتشوفين الدنيا شلون تكفخهم عدل وتاخذ حقج

الي عليج تسوينه تعيشين حياتج وتقربي لربج وكوني حذره خلاصص الناس معد منها امان !

عينهم بس على الي عند غيرهم مايطالعون الي عندهم حسبي الله ونعم الوكيل


الله يعوظج

 

[engnera]

انا قريت روابط قصصج بسالج رفيجتج من عايله كبيره الي رضت امه النسره فيه؟

 

[أزهار الربيع]

لاحول ولا قوة الا بالله

الله يصبرج على مابلاج ياقلبي

حبيبتي حاولي تشيلينهم من تفكيرج وابدي حياة جديده وامل جديد وان شا الله ربي يعوضج بزوج وصديقة احسن واخير منهم

 

[شابوره بالعسل]

صباح الخير ..

حبيبتي انا اقولج شي وهذا مو كلامي هذا كلام ربج ..
الخبيثون للخبياااااااات

واهي خبيثه وطاحت بواحد من طينتها وصدقيني ماراح تطول عشرتهم مع بعض ..
مادري شقولج صراحه ,, لاني فعلا حاسه فيج .. بس ادعي ربج انه يبرد على قلبج ..
والله رفيجتي مرت بموقفج بس مو انه تزوج رفيجتها كانت تحط اللقمه ماتحس بطعمها كانت تبجي بجي .. كانت ماتحط راسها عالمخده الا تفكر نفسج شلون علاقته معاها وشلون تلبس له وشلون وشلون وشلون بس تدري اهي صدمتها انها درت انه متزوج وعنده بنوته وصارله سنه خاش عنها .. دموعها غرقت المخده بس الحين وكلت امرها لله .. وبس تدعي ان الله يبرد على قلبها صارت اخف من قبل بواااااجد وتحاول تشغل نفسها وتقولي الحين اذكره بس ابتسم انه فتره بحياتي وماحاول اعطيه مجال اكبر من فكري ..
وكلي امرج لله .. وقولي حسبي الله ونعم الوكيل .. والله انه حقج بيوصلج لحد عندج ومنغير ماتدورين على اخبارهم الله ماراح يخيب رجاج .. ترا كلنا نقدر على المضره بس الله كفيل فيهم ..

 

[فديته يخرب بيته]

يمااااااااااااا انا فجيت حلجي وانا اقرى رفيجتج امبيييييه لأ شفيها هالدنيا مالها امان حسبي الله عليها الخبيثة

غلطانة والله انا منج العن خيرها وافضحها عند اهلها شالوقاحة شهالقلة الحيا معقوووولة في ناس جذي ؟!!

نصيحة لاطوفينها لها لأ كلش السالفة ماينسكت عنها شنو تبي سعادتها على تعاستج شالرفيجة الـ ....

بعدين شالنفس الدنية الي عليها شلون تاخذ واحد رفيجتها كانت تكلمه وتحبه وتطلع وياه الناس مجرد تخيل ماتتخيل هذي بعد طبقت الوصخة والله انها جليلة اصل وذات

الـــــــلــــــــه يعيييينج ويصبر قلبج بس والله نصيحة لاطوفينها لها ماتستاهل تسكتين عنها يمااااا والله قلبي عورني وانا اتخيل انها وياه وانتي تشوفيهم لأ صج حرة قلب طلعي حرة هالهم الي عيشتج فيه من عينها

 

[السهم الصويب]

شلون رفيجتج ماتدرين انها تزوجت ؟ !!!

وايد استغربت من هالنقطة ؟

ما سوت حفله ماكو ملجه ما كو عرس ما سمعتي من أحد ما سافرت

اهلها ما سألوا عنج ؟ وينها 3 شهور وعلى قولتج انتي وحده منهم وتنامين عندهم

مادري تخططين حق عيد ميلادها يعني انتي وياها على تواصل وماتدرين انها تزوجت ؟

 

[أو عبوش]

اهو خاين........... لما تزوج غيرج
واهي خاينه.......... بوم خذت اللي تحبينه


ادري بيصير فيج شك بكل الناس.. وبتحسين ان الامان مفقود بهالدنيا

لان اقرب الناس لقلبج غدرو فيج


بس خليج قويه وتعدي هالازمه

واحمدي الله اللي فكج من خاين+ وخاينه

وطلعهم لج على وجههم الحقيقي

اهتمي بنفسج وخلي ثقتج اكبر بنفسج

وتذكري دايم الخبيثون للخبيثات.... وبتشوفين ان زواجهم مراح يستمر ..... ان الله عطاج عمر... انشالله


وهم تذكري الطيبون للطيبات.... وانشالله ربي يرزقج اللي يعوضج عن هالنجس ويحبج ويحترمج

 

[الأماكن]

حسبي الله و نعم الوكيل عليهم ... كسروا قلبج ... الله لا يوفقهم

صدقيني الله ماراح يوفقهم

صج الدنيا مالها أماااان

الله يصبرج و يعينج

والله انصدمت من قصتج

​

 

[يا صغر الفرح في قلبي]

مشكووورين كل البنات اللي رديتوا علي واللي دعيتوولي فديتكم ما تقصرووووووووووووووون

بس بجاوب على جم استفسار

اللي يقولون شلون مادريتي ,,ولا سمعتي نها سوت عرس والا سافرت ,, هذا اللي صار رفيجة عمري متزوجه من 3 اشهر وانا ما ادري !!!!!!!!!!!!!!!


واهي ماسوت عرس ولا سافرت بس ملجه محفوفه والكل استغرب اشلون انا مو موجوده ,, والظاهر موصيه اهلها محد يعلمني بعد ,,,

وخلال هالفتره كل ما اكلمها اقول لها شفيج ما فيج تقولي انا ضايق خلقي انا فيني اكتئاب اقول لها ليش خير شفيج؟ تقول مو وقته بعدين بقووولج ,, وتقاول على روحها وتقول انا من ضيقة الخلق والهم شكثر اطيح مريضه وهالحجي !!!!!!


ولما قلت لها انزين ليش ما واجهتيني ؟ ليش ما قلتيلي انج تزوجتيه ؟؟؟؟؟؟؟تقول تبيني اجرحج؟؟ مو انا اللي اجرح رفيجتي!!!!!

واللي يضححك انها قامت تقولي فلانه اللي قاللت لج الخبر ليش تكرهج جذي؟؟ قلت لها ليش؟ تقول لو تحبج جان ما قاللت لج .!!!!!!!!!!!!!!!!!!!!!!!!!!




انا مادري شقول ولا شحجي ولا شقول لها الصراحه الكلمات ما توفيها حقها ومو عارفه شتصرف معاها او حتى معاه اهوو


,.. بس اللي انا مستغربته منها شي واحد ان عقب ما انا عرفت الحقيقه كانت حريصه انها ماتقطع علاقتها فيني !!!!!!! هذا الشي اللي انا مو لاقيتله تفسير ,, يعني لو وحده غيرها جان عقب ما باقته حرصت انها تقطع اي رابط لها معاي اول شي لان مالها ويه وثاني شي لان تغار على عريس الغلفه من الحبيبه السابقه

 

[DIOoOoO]

عن جد مو قادرة اقول شي .....بس ادعيلج ان يااااارب يرزقج بالريال الي يحبج ويعوضج وتشوفين الدنيا فيه والذرية الصالحة منه آمين انشالله وكل بنات المسلمين ...

 

[فوضة والا موضة]

انا مستغربة من شغله .شلون رفيجتج وماعزمتج على عرسها .حتى لوماحضرتي عرسها على الاقل رحتي باركتيلها موللدرجة

 

[واقعية حـلـم !]

هم الأثنين ما يستاهلونج


احمدي ربج انه نجاج منهم و فكج من شرهم الحين احسن من بعيد


انصحج تقرين كتاب نسيان لاحلام مستغانمي مثل ما قالت الاخت الي قبلي و بعد كتاب الحب بذكاء لدكتور فيل


الله يبرد على قلبج و يجبر بخاطرج قادر يا كرررريم


حبيبتي انا حاسة فيج و الله



قلبي معاج



الله يعووووووضج خير يا رب

 

[ريماس77]

حسبي الله عليها ((خاويني وأخاويج وآخذ ريلج وأخليج))
ناس والله ماتستحي عادي ترا عندها لاانها عديمه احساس آآآآآآآآآآآآآخ حاسه فيج لاني مريت بتجربتي مع زوجي ان وحده قريبه علي تبي تاخذه بس ماقدرت مالت عليهم

 

[دانة الدنيا1]

في حلقة مفقوده بالقصه واهي 1- شلون عرفها ومن وين ؟ 2- ليش تركج وراح لها ووين كنتي بفتره معرفتهم فبعض؟ اذا على قولتج اهي 24 ساعه معاج ؟ 3- شلون رفيجة عمرج ولا رحتي عرسها او خطبتها وا ملجتها ؟ 4- شلون ماعرفتي الا من اعتراف منها ليش ماتعرفين اسمه الكامل ؟ يعني لما رفيجتج تزوجت اكيد بتعرفين من خذت شلون مافطنتي انه زوجها كان حبيبج ؟؟؟!!! سوري صرت المحقق كونان بس انا ماحب امشي السوالف من غير ما تدش عقلي
الله يصبرج لكن في شي انا مو قادره استوعبه بالقصه او انه في شي انتي ماقلتيه خله القصه ناقصه بس ربي يعوضج خير ان شاءالله وترى اذا هذي القصه كامله فالخبيثون للخبيثات واهما طاحو على بعض ويستاهلون بعض كفوهم

 

[pretty sarona]

الطيبون للطيبات , وهذول ناكرين العشرة ,, رفيجتج انكرت و حبيبج نكر ,, و اثنينهم لايقين حق بعض ,, الله يعوضج خير انشاء الله ,, مردهم بيردون لج و دموعهم على خدهم ,, زواجهم ما يتم

 

[روحي زوجي]

انتي اللي وصلتي نفسج لهالشي

وكلامج هذا (واللي من كثر ما اوثق فيها كانوا اهلي يخلوني انام في بيتها )

ترا حتى انتي خنتي اهلج من وراهم وقمتي تتكلمين فشلون ماترضين على صديقتج واللي نفس مستواج ماتخونج ؟؟؟

الله يهديج استغفري ربج وادعيه انه يرزقج بولد حلال يستر عليج

 

[در الغرام]

قبل اي شي اختي بسأل سؤال وجاوبيني وبصراحه هل بينكم علاقه رسمية خطوبه مثلا وانفصلتوا والا شو

 

[يا صغر الفرح في قلبي]

في حلقة مفقوده بالقصه واهي 1- شلون عرفها ومن وين ؟ 2- ليش تركج وراح لها ووين كنتي بفتره معرفتهم فبعض؟ اذا على قولتج اهي 24 ساعه معاج ؟ 3- شلون رفيجة عمرج ولا رحتي عرسها او خطبتها وا ملجتها ؟ 4- شلون ماعرفتي الا من اعتراف منها ليش ماتعرفين اسمه الكامل ؟ يعني لما رفيجتج تزوجت اكيد بتعرفين من خذت شلون مافطنتي انه زوجها كان حبيبج ؟؟؟!!! سوري صرت المحقق كونان بس انا ماحب امشي السوالف من غير ما تدش عقلي
الله يصبرج لكن في شي انا مو قادره استوعبه بالقصه او انه في شي انتي ماقلتيه خله القصه ناقصه بس ربي يعوضج خير ان شاءالله وترى اذا هذي القصه كامله فالخبيثون للخبيثات واهما طاحو على بعض ويستاهلون بعض كفوهم

اي والله صح المحقق كونان
وعلى قولتج في حلقه مفقوده بالقصه اي والله عدل كلامج في حلقاااات مفقوده مو بس حلقه ,, انا بنفسي ما ادري متى عرفها ومتى كانت علاقتهم هل يوم تركني والا يوم كان معاي ,, بس اغلب الظن انه يوم كان معاي ,, وتركني عشانها الله لايوفقه لا اهو ولا اهي


اختي انا جاوبت على بعض الاستفسارات بالردود اللي فوقج ,, ومافي احد 24 ساعه مع احد
ومو كل شي اقدر اقوله في شغلات احب احتفظ فيها لنفسي ,,,
وفعلا انا ما دريت انها تزوجت الا توني وحسبي الله ونعم الوكيل فيهم

 

[reem.q8]

امبيه صج صج صدمه الله يصبرج حبيبتي مادري شقولج : (

 

[شووقة]

شنو خلصوو الرياييل باقت حبيبج منج حسبي الله عليهم صدقيني والله ماراح يتهنون بحياتهم وراح تشوفين
والله يكون بعونج والله يرزقج بالزوج الصالح وراح تنسينه هذا الوسخ الغدار
والله اني انقهرت منها رفيتج هذي وااي منها شلون قلبها طاوعها تسوي جذي الله ينصرج منهم
والله يعوضج حبيبتي