اللي سبق وسوت عملية اطفال الانابيب اخترتي بنج موضعي ولا عام ؟ مع ذكر السبب

[ملاك-77]

انا بالسحب والترجيع بنج من الخوف اللي مو طبيعي فيني هههههه

 

[kankona]

انا بعد بالسحب و الترجيع بنج كامل ما اقدر على عوار البطة

 

[مشغول وشاغلنى]

مزنه ويييييييييييييييييييييييينج.............

لايكون هونتي انا متابعه الموضوع والظاهر اني باخذ بنج كامل حتي بالترجيع ان شالله........!!!!!!

انتيشنو نويتي عليه....؟؟؟؟

 

[MaNaNa]

​

السلام عليكم خواتي الكويتيات
شدني موضوعكم وايد لاني بسوي الحقن المجهري بعد جم يوم ادعولي
حددددددي خايفه هذي اول مره بس قالي الدكتور منصور العرف ان العمليه وايد سهله والبنج ما يطول
الي جربت عنده تفيدني الله يعافيكم وخرعتوني ليش الارجاع يعور بعد؟؟
والبطه لازم بستخدمونها بدون جل؟؟؟ لاني يوم سويت تلقيح صناعي حطوها لي بدون جل قالو الجل يأثر بس ذبحني عوارها ما تحملتها مع ان قياسها صغير حيل

الي تقدر تساعدني جزاها الله الجنه والذريه الصالحه

 

[bint_al8omar]

انا سويتها عند الدكتور ناهض بمستشفى المواساة وحاليا ناطره النتيجه والله يستر
السحب بنج عام ماراح تحس بشي ليمن يقعدونج بس ثاني يوم بتحسين بعوار خفيف مكان السحب والابر والحمدالله سهالات
اما الارجاع طبعا بدون بنج لانه اسهل من السونار العادي حتى بوز البطه ماراح تحسين بعوار ولا شي بس يمكن تحسين بأنج مو مرتاحه وكلها دقايق وانتي خالصه
عسى الله يوفقج ويرقج ويرزق كل بنت ناويه تسويها والله لايخسر التعب

 

[MaNaNa]

حبيبتي تسلمين على الدعاء والله يثبتلج أجنتج ويرزقنا ويرزقج الذريه الصالحه والدعاء المستجاب كل بنات هالمنتدى ويارب انه سميع مجيب الدعاء

عاد كنت بروح حق ناهض وترددت استخرت على منصور العرف والله كريم
شكله فاهم بس مستعيل اشوي مافهمتي بالضبط شنو راح يصير
بس بسط الموضوع حيل قالي كانه بنج اشعه الصبغه

 

[Miznah]

ررررررررررفع بنات في احد حمل منكم؟

 

[غزل بنات]

حبيبتي اكبر خوافه بالدنيا انا ماعتقد في وحده تخاف اكثر مني بالسحب بنج عام طبعا وقعدت عادي عوار بالبطن خفيف وبعد ساعتين تكرمين استفرغت

وغدا شري عادي حياتي صارتي بالارجاع ماطلبت شي بس بدون مبالغه شفتي السونار الداخلي يمكن يعور اكثر من الارجاع انا كنت خايفه صدموني لما قالو

خلصووو نقدت علي نفسي اني خايفه بعدين حلوه لحظة الارجاع لاتنحرمين منها لما يورونج شلون تم بالجهاز وعقب يقولون لج سمي وبحطونهم شعور حلو

 

[درة أهل الطولات]

موضوع مفيد لا يوقف

 

[kitty eyes]

والله حبيبتي على حسب شطارة الدكتور

انا لا بالسحب ولا بالارجاع اخذت بنج

بالسحب كان موضعي واحلى شعور انج تشوفين البويضات وهي تنسحب وتحسبين معاهم كم بويضة طلعت

تحسين بنغزات تقدرين تتحملينها

وبالارجاع ولا تاخذين ولا شي

لان ما راح تحسين بأي شي

والله يكتب لج اللي فيه الخير

 

[bint_looda]

احس شعور الخوف اقوا من العوار وهذا الي يخلي البنج مفيد عسى الله يرزقج الجميع

 

[Miznah]

والله حبيبتي على حسب شطارة الدكتور

انا لا بالسحب ولا بالارجاع اخذت بنج

بالسحب كان موضعي واحلى شعور انج تشوفين البويضات وهي تنسحب وتحسبين معاهم كم بويضة طلعت

تحسين بنغزات تقدرين تتحملينها

وبالارجاع ولا تاخذين ولا شي

لان ما راح تحسين بأي شي

والله يكتب لج اللي فيه الخير

مشالله تبارك الله .. عند منو سويتيها ؟

 

[درة أهل الطولات]

موضوع مفيد

 

[لينا]

هلا حبيبتي .. والله بقول لج تجربتي سوت حقن مجهري ثلاث مرات
الاولى بنج بالسحب والترجيع الاجنه ماطلبت بس والله تعبت حييييييييل
والثانيه قلت لازم اقول لدكتور يحط لى بنج بالترجيع والحمدالله ماحسيت بشي
اما الثالثه سويتها بمصر قلت ماني قايله لدكتور يحط لى بنج اذا رجع الاجنه بتحمل
بس والله الله لايوريج اللى حسيت فيه وربي شفت المووت بعيوني منشدة العواااااار لان صار معاي تضخم بالمبيض وتحسفت وقلت ياليت اخذت بنج بعد ترجيع الاجنه
وانا ما ابي اخوفج واستعيني بالله وكثري الاستغفار وكثري من عصير التفاح والماي
والفواكه والعنب والخس واهم شي عصييييييييير التفااااااااااح ومن ترجعين الاجنه نامي على ظهرج ولا تتحركين
وعسى ربي يقومج بالسلامه ويرزقج بالذريه الصالحه وكل محتاجه يارب

 

[ملكة الأمل]

نبي تجارب اكثر لايووقف

 

[bint_looda]

^^^^

 

[kitty eyes]

مشالله تبارك الله .. عند منو سويتيها ؟

انا سويتها عند الدكتور فاطمي - الفريق البلجيكي اللي برويال حياة

كلمة ممتاز شوية عليه

والله يرزقج

 

[جنان ام عزوز]

الله يسهل عليناا

ولايضيع تعبناا وياجرناا ويرزقنااا بالذريه الصالحه

 

[أمونـه الحمادي]

حبيبتي انا لما سويت سحب البويضات عطوني بنج كامل بس بالترجيع بدون بنج
وان شالله اذا بسوي مره ثانيه راح اطلب بنج بالترجيع لأن تحسين بشوي الم يعني البنج احسن

 

[ملكة الأمل]

السحب والترجيع ببنج ..لآني خوافة حيل