اللي ساكنين بشقة ، ارجو المساعدة شنو الحل

[كويتية صغيرة]

:klhfl:

مشكورين وايد
اخواتى جزاكم الله خير

جاري التنفيذ

اول شي قلت
باخذ ركن من الصالة بسويه كبتات مسكرة ..... واحد منهم بخليه لأغراض المطبخ

اما الأوتى و المنشر فراح يظل الوضع بغرفهم
:0bee2e8d89: بعد شسوي ما باليد حيلة

و المخزن بخفف من الأغراض و اللي ما استعمله حاليا راح أوديه بيت اهلي
_03BA:

جاري التنفيذ

تعرفون نجار شغله زين و مضمون و سعره معقول
يليت تفيدونى و اكون شاكرة ، بسوي بغرفة كل واحد خزاين كبيرة
و ما عندي خبرة بالنجارين

 

[كويتية صغيرة]

:eh_s(16)::080402ask_prv:

:eh_s(1):

 

[روحي زوجي]

الله يوسع عليج ببيت ملك ان شاء الله اختي النجار انتي روحي عنده ويتفاهم معاه ريلج وماادري انتي باي منطقه علشان افيدج بس اهم شي انج تفصلين البنت عن الولد الله يفرج لج



ادعولي بولادة طبيعيه وطفل سليم

 

[++The DuchesS++]

لازم تطلعين بشقه اكبر على الاقل مطبخ اكبر يشيل الدثره
والغسيل والاوتي بغرفه البنت عادي ينحطون على جنب
مو شرط الغسيل كله بيوم واحد قسموه على يومين
يعني تنازلي عن شي مقابل شي بعد شنو تسوين

 

[om_3esa]

مالج الا تدورين شقه ثانيه يمكن تلقين بالعقيله اهناك اجارتهم مايتعدون 340 و كبار

 

[همسات ليالي]

والله نفس حالتي

 

[ترتر زري]

أنا كنت نفس حالتج بس بنتي ماعندها غرفه وأغراضها بالممر والمطبخ صغير وماكله هوى بس متمسكه بالشقه عشان القرب وأجارها رخيص

بس الحمد لله طلعت بشقه أكبر والحمد لله مطبخي عوووود وبنتي صار عندها غرفه وصالتي عوده وغرفة الخدامه معقوله داخل المطبخ مع الحمام وبقرطبه صج الأجار 380 بس أرتحت والحمدلله

 

[عشقي ضنيني]

الله يوسعها عليج

حاولي تقسمين الغرفه مثل ما قالوا البنات
هذا الحل الوحيد

اقمسيها بجبسن بورد واصبغيها
يا قوة الله
هذا المقدور عليه
والله يوسع عليج وعلينا

 

[مشغوله و محتاسه]

حبيبتى ألحين الشقق نار اقل شي 450 او 500 اذا 4 غرف
امى مسكينى يعنى تبي تساعدنى فضت لي غرفة ببيت اهلي و قالتلي حطى فيها اللي تبين
قمت حطيت كل كتبي و اغراض المكتب و ألعاب اليهال + الملابس الشتوية و الصيفية لليهال

الله يعينكم و يعطي الوالدة الف عافية


اهو الايجارات حسب المنطقة طبعا ..

انا بسعد العبدالله و ماخذين دور كامل ب 300 ..


الايجارات نار و الله بالمناطق الداخلية و الشقق .. احنا بنعمه و الدور مكفي و مرات من الفسق اقول ضيق ... خل اشوف حالج و احمد ربي


عسى الله يوسع عليج

 

[كويتية صغيرة]

يابنات

علشان تتضح الصورة .... انا مشكلتى ابي يم بيت أهلي بالعاصمة و انا عارفة الأجارات بالعاصمة ألحين اذا 4 غرف او اكثر ...... و شقتى قريبة من بيت اهلي و الشقة جديدة و نظيفة و هذا اللي مصبرنى لكن الضيق سبحان الله الغرف نتفة كل غرفة 4 في 4

سبحان الله على الإنسان...... كلما فكرت و تناقشت مع أحد يستغرب مني ... يقوللي الله 3 غرف و ماتكفيكم ؟ انتو عددكم شوية و ماعندكم يهال وايد عيل اللي عندهم 4 او 5 يهال شنو يسوون ؟ فعلا راجعت نفسي ليش 3 غرف ماتكفيني ؟ عيل الأجانب شلون عايشين
:0bee2e8d89:

فعلا في مشكلة احس عندي سوء تنظيم و ماعندي خبرة بصراحة بسوالف الديكور و تقسيم البيت و عمري ماتعاملت مع نجارين او صباغين.

بنات

قريت هنيه اكثر من اخت تقوللي حطى جبس بورد ؟ شنو يعنى ؟ ممكن يتحرك على عجلات ؟ يعنى لوحة متحركة والا شنو

ببالي فكرة ودي اخذ رايكم

غرفة المخزن انا حاطة ارفف حديد كبيرة و مرتبة فيها كل الاغراض من شنط سفر الى كفرات الى مواعين و غيرة .... انا ودي هذي الأرفف كلها اشيلها اخليها بالصالة ...... بس شلون اغطيها لان شكلها موحلو لازم تتغطى ...... يصير جبس بورد اللي تقولون عنه ؟ ابي عازل متحرك و طويل علشان يغطى لان الأرفف لي السقف يعنى ابي شي عالي


عندكم خبرة بنات و اكون شاكرة ادري اذيتكم معاي سامحونى على الازعاج
ماتقصرون جزاكم الله خير
:tek:

:klhfl::tek:

 

[روحي زوجي]

غطي الارفف بستاير من السقف الى الارض بس ستاير حلوه علشان الصاله تطلع مرتبه ومايبين ان اللي ورى الستاير الا دريشه مو اغراضج

 

[كويتية صغيرة]

اختى روحي زوجي
اسفة تونى اقرا

الله يسهل عليك وتولدين بالسلامة ان شاء الله و يرزقك ان شاء الله بالذرية الصالحة

و يارب كل اخت ردت علي او لم ترد علي
ان يعطيها كل اللي بخاطرها و يوفقها في حياتها

في ستاير يابسة شوي ؟ مابي خام شكله بصير يضحك شلون بثبته بالسقف ؟
رحت ادور
لقيت العوازل اللي تتصفط جنها خشب عرفتوها .... يعنى شكلها حلو بس قصيره مو الي السقف يعنى ماتغطى كل شي

شنو جبس بورد؟

 

[روحي زوجي]

الجيبس بورد مجرد عازل مثل الطوفه بس تثبيته مو سهل اذا كنتي تبينه ثابت اما متحرك مستحيل احد يسويلح لحد السقف بس الستاير ليش تقولين قصيره انتي راح تفصلين والتفصال يحدد لج اي خام تبينه تدرين بشقتي الاولى كانت عندي ستاير من الطوفه الى الطوفه من السقف الى الارض كانت عاديه بس لونا حلو واذكر كان عرض الغرفه 4 امتار كنت مخليتها عل عرض الطوفه انسب لج الستاره لان الجبس بورد ماضنتي يرضى فيه صاحب البيت لانه يبيله تلحيم وشغل نجاره والجبس بورد مايغطي الصوت يغطي الصورة بس

 

[& مــشــايــخ &]

شدعوا شدعوا

تحطين اغراضج بالصاله وتحشرين عمرج انتي وعيالج

ولا حتى جبس بورد ليش؟

انتي كل مشكلتج غرفة المخزن استغني عنها عشان تتوسعين وراح اقولج الحل والي مطبقته في شقتي عشان تستفيدين

اول شي عيالج كل واحد سرير وكبت وكوميدنه بسسسسسسسسسسس تواليت لا انا مسويه حق بناتي المنظره بنص الكبت وبناتي موذاك الزود

يقعدون عالتواليت ويتسنعون توهم صغار طلعت الغرفه اوسع والمنشر ينحط عندهم واجيك على ملابسهم اول باول مو كل شي ينلبس ينغسل مرات ينزلون ملابسهم مافيها اي شي بس يدوبك اخليها برا شوي تتهوا وبعدين ارد اصفطهم واحطهم بالكبت

وولدي هم غرفته نفس الشي كبت وسرير وكوميدينه وطاولة الاوتي والستاند اللي تعلق عليه الملابس بغرفته اول كان الاستاند المتحرك وبعدين

طقيت معلاق بالطوفه تعلق عليه الخدامه الملابس المكويه ليما تخلص وبعدين تشيلهم وتعلقهم بكبتاتهم ولما تخلص تسكر الطاوله وتخشها ورا كبت ولدي

والاوتي تشيله داخل درج من ادراج ولدي وولدي ترا صغير وغرفته ماتتقفل ابد

وحاطه بالصاله بوفيه مال طاولات الطعام جان تعرفينه احط فيه مواعيني الكشخة والمطبخ رحت الضجيج وشريت لي كبت المونيوم صغير تقدرين تقولين ادراج وفادتني حيييييييييل منها ماتاخذ مساحه ومنا شالت دثره شكثر وصج المطبخ زحمه بس شسوي

ووعندي مخزن صغييييييييييييييييييييييييييير حطيت فيه رفوف حديد خذيتها جاهزه من تروفاليو خزنت فيها باقي الاغراض والعيش والشكر والسوالف

اما التخزين ملابس الشتا والصيف والذي منه فعند بيت امي الله يعينهم علينا شنسوي بعد

اهم شي الصاله حبيبتي ترا انتم ماتقعدون طول اليوم بغرفكم النوم كثر ماتقعدون بالصاله لاتسوين زحمه فيها

وموفقه ان شاء الله

اي نسيت اقول الخدامه تنام بغرفة بناتي عالارض

 

[حروف من ذهب*]

حبيبتي سوي جرد للاغراض لان عندج ولد وبنت والاغراض هذي كلها الله يعين بس احس مبالغه
شوفي ممكن تفصلين كبت كبير وتخلينه بالصاله يشيل كل اغراضج حتي الماجله يعني تخصصيلها رف من الكبت والاوتي ومشر الاوتي خليه بدار بنتج وخلي غرفه لولدج وخلي مشر الغسيل فيه وعلمي الخدامه اذا راح للمدرسه تشر الغسيل عشان ما تزعجه كلا داخله عليه وبجذي وزعتي شغلج في شقتج

 

[كويتية صغيرة]

مشكورين خواتى و جزاكم الله خير