اللي ساكنه عند الحموله وتأكل وتشرب معاهم حياج عندي مشكله!!!!!

[شادن33]

السلام عليكم
شلوووونكم بنات

طبعا هذي مو مشكلتي هذي مشكله بنت عروووس حلوووه أطلبت مني اعرضها على أحلى كويتيات وتبي مشور تكم ورأيكم السديد >>>> اهم شي رايكم السديد


السلام عليكم

بالبدايه انا بنت ناس محافظه ماكو اختلاط بالزواره الكائنات الحيه الانثويه بصووووب والكئانات الحيه الذكوريه بصوب ثاني

ربي كتبلي قسمتي ونصيبي مع عايله مكس عادي
وبسكن وياهم بجناح غرفه وصاله صغيييييييييره وحمام بسس
وغيري اربع حريم حموان انا الخامسسسسه !! كلهم بشقق لان عندهم يهال انا عروسسس توني واصلا اهما ماكو مطببببخ

المشكله وين ؟

الاكل

وحده من حريم حمواني تصير رفيجه اختي بالدوام وكل سوالفها برمضان ماطبخ تحت اكل ويا خالتي وحمواني والبنات

الريوق نفسس السالفه !! الغداااا نفسسس السالفه !! العشا تقول ينحط بحافظات والي يبي يقعد وياكل وبالزواره لا شي رسسسسمي

مناسبات مع بعضض تسولف عن ترقيه ريلها تقول سويت بوفيه وحمواني وحريمهم وخواتهم والنسايب موجودييييييييييييين ومدري شنو وتوريهم الصووور السالفه سلطه يعني


انا بنت محجبه صح بسس ماحط حتى كونسليررر مو متبرجه يعني !! الا مناسبات وجذي

خجوله بالاكل دايما احس نفسي ماكل زين فيني وسواس
وفعلا ماعندي اتيكيت اكل يعني عايشه حياتي اكل بقفشه مو ايدي طبعا ماعرف اقطع لحم ودياي اي احد يمي اقوله يقطعلي

سوالف ماعرف دايم لاسولفت مع ناس غريبه اطلع بمظهر الساذجه

واخاف ياخذون فكره عني اني خبله ؟

لبسي كشخه بسسس مو برا البس عباه وحجاب بس ببيتهم لازم اكشخ وفشله جينز وجذي وفي غرب !!

وسواسي طبيعي للي نفس وضعي ؟ شلون اتاقلم اكل ويا شباب

شلون تاقلمتو تاكلون ببيت حمولتكم خصوصا الخلط

ياربي خايفه ينقدون


.................................................. .....
يلا لا تبخلون عليها بالردووود السنعه

وماتقصرون:eh_s(7):

 

[ناتشوو]

رفع

 

[قلب الزعابي]

انا نفسج عايلتنا محافظه وايد
وتزوجت واحد هم مكس هههه
فالبداية كنت وايد استحي
لدرجه اكل بروحي
وماشاالله وايد صبيان فالبيت
وكنت يوم اكل أخاف اطلع صوت ولو بالغلط خخخخخ والحين بكمل سنتين
احس الحمدلله قدرت أتأقلم شوي شوي
خلج علي طبعج ولا تدققين وايد وابعدي الوساس وكوني علي طبيعتج
مع الايام بتتعودين حبوبه
وموفقه

 

[Tom ♥ Jerry]

,



خل تلبس دراعه .. آو عبايه
عادي ترا مآفيها شي

وبعدين سالفه الآكل تقول حق ريلها يقطع لها
آو الحين تتعلم شلون تقطع شوي شوي لمآ تتعلم


بعدين الوضع غريب عليها لآنه توها متزوجه
و كلنا كنا ننحرج آول الايام .. بس تمر الايام بتلاحظ نفسها انها انسجمت وياهم

 

[عذبة السجآيآ]

خليها تتعلم وتتدرب شوي شوي على الكلام والاخذ والعطا مع الحمولة
وبخصوص اللبس تلبس شي راهي ولاهو مترصص عالجسم وتكون محتشمه اكثر

والاكل تاكل بالراحه وتتعود شلون تقص اللحم والدجاج او تكون قاعده يم زوجها واهو يقطع لها

الامور زينه بس تهدي نفسها وتتوكل على الله ان شااءلله

 

[دلوعة أبوهآ]

كل شي بالبدآيه صعب
مع الوقت بتتعود وتتأقلم ..

والبنات ماقصروآ

 

[يغار الحلا]

شوفي حبيبتي كل شي في البدايه صعب لو ما كان مختلط بيكون صعب ومختلط بعد صعب

اولا شيلي الوساس منج

لازم تكون عندج ثقه بنفسج

ملابسج من الحين اختاري لج ملابس كشخه وفضفاضه ومريحه ترتاحين فيها

الاكل

حزه الاكل كل واحد تحصلينه منشغل بروحه لا توسوسين اكلي عادي ماعرفتي قطعي الدجاج اللي بالعظام باطراف اصابعج وخليج واثقه من عمرج عادي مافيها شي ايدج نظيفه وانتي قاعده تقطعين حج روحج هذا بخصوص اللي فيهم عظام اما اذا قطعه مافيها لا حاولي تتدربين شلون تقطعين
وانتي هناك بتلاحظين كل واحد له طريقة واهم شي النظافه والرقه يعني مو بدفاشة وتوسخين عمرج وقلت لج عادي تستخدمين ايدج مرات

بخصوص السوالف اهم شي انج تكونين مستمعه زينه فالبدايه خخخ يعني تعرفين هم شو جوهم وتشاكرينهم عالخفيف لين ماتتعودين عليهم

ولا تجلسين تخلين الوسواس يكون اقوى منج صدقيني والله بتتعبين وايد
خليج واثقه من عمرج احترتي بشي سالي خواتج وسالي اي حد وخلاص انهي الموضوع لا توسوسين وايد لانه يتعب حيل ويبين عليج مو واثقه وبالتالي يبان على تصرفاتج ومابترتاحين ولا بيرتاحون معاج

انا نفسج كنت موسوسه والحمد لله الحين وايد ارتحت يوم حاولت اني اثق بنفسي واصترف بطبيعتي

والله يوفقج

 

[حياتي وأنا كيفي]

اوكي ردود البنات مبنيه على رضا الحموله
و المعروف ان رضا الناس غايه لا تدرك
بس انتوا نسيتوا شي اهم بوااااااجد
رضااااااا الله
الاختلاط مهما تلطفين فيه مرفوض بالشرع
فالاكرملج والاحسنلج انج تاكلين بشقتج وتوضحيلهم وجه نظرج
و اذا بالاسبوع بتزورينهم ما له داعي زينه ومكياج وانتي تدرين البيت كله رجال
و خلج حبيبتي على عبايتج استر لج
وعوديهم كشختج بشقتج فقط
هذا اللي انا اشوفه
مو معناة اذا اغلب العوايل الحين خلط خلاص هذا يخلي الحرام حلال لا
انتي صح حتى لو كنت الوحيده بالعالم
راعي ربج بالاول علشان الله يوفقج معاهم و ثقي بنفسج تحترمج الناس

 

[^^ANA^^]

حياتي وانا كيفي


راااايج سليييييم ميه بالميه


.،

 

[مــســك]

اوكي ردود البنات مبنيه على رضا الحموله
و المعروف ان رضا الناس غايه لا تدرك
بس انتوا نسيتوا شي اهم بوااااااجد
رضااااااا الله
الاختلاط مهما تلطفين فيه مرفوض بالشرع
فالاكرملج والاحسنلج انج تاكلين بشقتج وتوضحيلهم وجه نظرج
و اذا بالاسبوع بتزورينهم ما له داعي زينه ومكياج وانتي تدرين البيت كله رجال
و خلج حبيبتي على عبايتج استر لج
وعوديهم كشختج بشقتج فقط
هذا اللي انا اشوفه
مو معناة اذا اغلب العوايل الحين خلط خلاص هذا يخلي الحرام حلال لا
انتي صح حتى لو كنت الوحيده بالعالم
راعي ربج بالاول علشان الله يوفقج معاهم و ثقي بنفسج تحترمج الناس

يا سـلاااااااام كلامج درر :rerrerek:


انا استغرب من البنات .. الي عايشين بيئه محافظه .. ولما تتزوج .. تصير مثل حمولتها الي يبون ..!!


لا غلط .. ليش ما تآثرين عليهم .. ليش تخلينهم اهم الي يآثرون عليج ..


انا ساكنه مع حمولتي .. الرجال يآكلوون مع بعض .. والحريم يآكلووون مع بعض ...



مو حلوو الاختلآط آبدن ...

 

[L A T T E]

ملابسج من الحين اختاري لج ملابس كشخه وفضفاضه ومريحه ترتاحين فيها

انا اتفق معاج بهالنقطة، وأنصح صاحبة الموضوع انها تخيط دراريع جنهم نفانيف، او بالاصح نفانيف جنهم دراريع

الحين الهبة بالوسيع بس الراقي، تختار الوان هادية راقية

بهالطريقة بتكون استوفت شروط العباية من حيث الحشمة واللبس الوسيع والمحترم. وتكون كشخت عند الحمولة :eh_s(15):

 

[You FOR Me Only]

مع حياتي وانا كيفي

رايها رووعه

 

[ملكة الفرس]

صراحه عجبني رد حياتي انا و كيفي
انا محد كثري يعاني من هل الشي ولا حتى نسايبهم يقعدون معاهم خلط و من نفس الصينيه يأكلون

لكن انا من نفسي حطيت حد لهل الشي و ما اكل معاهم و فهمت ريلي انه هذا الشي ما يرضي ربنا و انا أشوفه غلط

 

[لمساتـي]

انا مع راي الاخت حياتي انا وكيفي

عين العقل

 

[شادن33]

اوكي ردود البنات مبنيه على رضا الحموله
و المعروف ان رضا الناس غايه لا تدرك
بس انتوا نسيتوا شي اهم بوااااااجد
رضااااااا الله
الاختلاط مهما تلطفين فيه مرفوض بالشرع
فالاكرملج والاحسنلج انج تاكلين بشقتج وتوضحيلهم وجه نظرج
و اذا بالاسبوع بتزورينهم ما له داعي زينه ومكياج وانتي تدرين البيت كله رجال
و خلج حبيبتي على عبايتج استر لج
وعوديهم كشختج بشقتج فقط
هذا اللي انا اشوفه
مو معناة اذا اغلب العوايل الحين خلط خلاص هذا يخلي الحرام حلال لا
انتي صح حتى لو كنت الوحيده بالعالم
راعي ربج بالاول علشان الله يوفقج معاهم و ثقي بنفسج تحترمج الناس

ماشالله

هذا رايي بعد :rerrerek:

 

[لذه السكر]

انا الوضع عندي عادي لان عايلتي مكس مع ان دينين وحريم خوالي يقعدون بعبيهم نقعد بنفس الصاله بس الحريم بصوب ورياييل بصوب

ريلي مكس من امه بس عادي عالغدا اقعد يم ريلي واحاول ما يكون جدامي ريايل خالتي او حماتي جدامي وعقب الغدا هم يمه وما اسولف ولا اكلم احد او اذا شفت حمواتي تيمعو يسولفون اروح يمهم

لا اتخيلين ان الوضع طووووووووول الوقت مكس حته لو فري تيي اوقات الحريم لهم سوالف عروس ومكياج ووووو مايبون رياييل

ولا انتي مجبورة تسولفين وتضحكين مع الكل

اللبس لبسي عباتج عادي او فصلي نفانيف وسااع

عودي نفسج لان هذي راح تصير حياتج للابد او انج تعودينهم انج معزوله من البدايه .. راح يزعلون ويتشرهون اول شي بعدين عادي يصير

 

[الجمال العربي]

حرام يختج الاختلاط والتضحك مع الحموان

احتسبي الاجر لله وراح الله يرفع عنج ويرزقج بويت لج بروحج

 

[reem alflla]

خل تحط بشقتها توست وجبن وهالخرابيط وتقزرها عليهم وثلاجه صغيره واذا تبي طباخ بيت ختروح بيت اهلها

ولا خل تندمج مع وضعهم شووي شووي

 

[بانانا]

ويع اكره شي بالدنيا تسكنين عند حمولتج وتاكلين وتشربين معاهم
انا كانت هذه معاناتي اول سنه زواج بعدين الحمدلله طلعت بشقه بروحي
والله تحسفت انا وريلي على اول سنة زواج قعدنا عند اهل الريل ماكو خصوصيه الاكل والشرب معاهم ماتقدرين تسولفين مع ريلج الا كلهم قطو اذونهم
والله حبيبتي لو انا منج اقعد بشقتي ماانزل واكل اكل مطاعهم او يصعدون الغدا فوق
وريلج خل يقولهم ماتحب تاكل بحجابها تحب تاخذ راحتها
وكيفهم اذا بيزعلون مايشوفون شر
اهم شي راحتج

 

[PuPa^^SWeeT]

يمكن اهم جوهم اسري



انتي خلج هادية مو شرط اتسولفين وايد


ولا اتكونين ساكتة


شفتي سالفة اتعرفينها ردي وياهم


ماتعرفينها سكتي



الاكل سهل اخذي شوكة و سجين و قصي اكلج مو شرط بايدج


اهم حمولتج يعني بايدج ؟؟؟



و خلج عباية ولا دراعة واسعة



و ميك اب لاتحطين مو شرط



خلج هادية اذا انتي طبعج جذي



الاكل اذا ببيت حمولة اعتقد الاغلب يتغدى ويا الحمولة



مافيها شي



و همن عالاكل لاتسولفين وااايد


انتي توج ماتعرفينهم علشان اتحاتين شلون بسولف وياهم



عرفي مودهم


و سوالفهم و طريقتهم



حبيتي اتصيرين وياهم اوكي


ما حبيتي انتي اكلي و صعدي


و العشا اسهل منها مافي طلبو من برة



و الريوق خلي عندج ثلاجة صغيرة و طاولة صغيرة من ايكيا و حضري اكلج عليها




انتي مكبرة الموضوع




اذا مو عاجبج خير شر


و في امكانية تطلعين بشقة بروحج طلعي



ترتاحين و اتريحين