اللي سافرو ماليزيا يدخللللللللون مسرعه ارجو المساعده

[تيلي توبيس]

مرحبا ا اللي مسافرين ماليزيا انا انشاءالله مسافره ماليزيا اول العيد بس ابي اعرف هل اسوي فيزا هناك وشلون اذا بسوي فيزا ؟ واحسن مكان اخذ منه شريحه نقال ؟ وابي اسأل عن تأمين الفنادق شلون واخر سؤال شلون عن التكاسي انا ماحجزت من اهنى لانه بيطلع اغلي شلون علي التاكسي اذا مثلا قلته ابيه يوديني مكان معين عادى لما اخلص القي تاكسي الله يخليكم ساعدوني ويعطيكم الف عافيه

 

[أم عبد الله]

حبيبتي ان شاءالله الله يكتب لج وتروحين وتردين بألف سلامة
انا توني راجعة ولله الحمد صار لي يومين من رجعت وهذي المرة ٥ ماشاءالله
ماليزيا ماتحتاج فيزا بس بالطيارة يعطونج أوراق تعبينهم وعن نفسي من أوصل اشتري خط هوت لينك كل سنة من مجمع الفندق انا اسكن في فندق البيرمد سن وي لاغون فهناك أكو شركات الهواتف ويطلبون جوازك علشان يتسجل الخط باسمج
اما عن التكاسي احن تعاملن مع شركة او مؤسسة تقدرين تقولين وصار لنا سنتين معاهم والله استقبلونه من المطار والسيارت باصات يعني ميني باص لانه كنا قروب والله ارخص من التكاسي ونروح المكان اللي نبيه وقبل لا نخلص بساعة نتصل على الباص وايي لنا
وابشرج الديرة صايرة نار نار والله حتى الاكل غالي حسبي ميزانيتج عدل اغلى من كل سنة حسب خبرتي وصار معان نزلة معوية الله يكفيكم الشر بس اخذي احتياطج لانه وليدي اطلعت روحة ربي سلمة لي

اي استفسار من عيوني

 

[تيلي توبيس]

بعد عمرى ماقصرتى حمدلله علي سلامتج شلون جووووهم هناك وابي اسال عن شغله فنادقهم فيها تكيييف واي ريلي مايحب الحر ولا الرطوبه اخاف يعكر مزاااجي انا زوجى بس مسافرين حبيت اعرف شنو احسن مكان وارخص حق الهديا ارخص وين ؟؟؟؟؟ ممكن رقم المكتب اللي تعاملتى معاه حق التكاسي بصراحه مابي احد ينقعنا واي ماحب النطره ابي احد يستقبلنا هناك لان بس نوصل مطار كولمبور بنروح علي طول طيران الداخلي حق جزيره لنغاوى وبعدها بينججج ومشكوره وايد ماقصرتي

 

[تيلي توبيس]

لانى اول مره اروح انا وريلي وماعرف شي ((((((((((((((((((((

 

[أم عبد الله]

حبيبتي تروحون وترجعون بألف سلامة بخصوص الفنادق كلها مكيفة بس الجزر انا ولا مرة رايحة وإذا وصلتي العاصمة كوالالمبور الجو حلو أرحم من الكويت عادي تطلعين بعز الظهر وبخصوص المحلات شوفي في مجمع اسمة (كاف) روحي هناك وراح تلقين في محل كبير تحت اوتلت استوكات الماركات وخصوصا حق اليهال الأولاد والبنوتات الصغار من غاب واولد نيفي وايد وايد وبسعر خرافي بصراحة شلت عدل مدل وفي بلايز بناتية حق الهدايا يعني تشترين ٣ قطع يطلع خمسين رنغت يعني ٤ دنانير وشوي وعندك بعد منطقة أول مرة أروح لها اهي اسمها ملكه فظيعة بس رطوبة خياس عفوا على التعبير بس روعة في المناظر
وعندج في كوالالمبور يالغالية لازم تروحين مصنع الكاكاو فظيع وعندج مصنع الجلود خليني اقولج على شغلة الظاهر هذا المصنع يصنع حق ماركة هرمز للشنط أي أي لانه حاط موديلات معروضة جم حبة بس ما اكو غيرهم والجدل طبيعي مليون ٪ وانا اشتريت تدرين على جم يا أختي طبعا اهي تنباع بالفين دينار وصاعد توصل لي ٥ الاف دينار انا شريتها بالكويتي ب إمية وخمسين دينار والله ماصدقت طارت عويناتي يعني بالماليزي ألف وثمان مائة رنغت فرصة لا تعوض ولا اكو جديد لا بس المعروض وثقيلة من ةون الجلد اخذتها سودة لون ملكي وعندج ياطويله العمر لازم تروحين مصنع الشاي والقهوة عندهم مسحوق الشاي الاخضر للرجيم عجيب خيالي وفيه عندهم عرض عليه علبتين وعليه المقياس بالكويتي حول الثلاثين دينار وعندهم القهوة البيضاء حلوة وتنفع هدايا وإذا رحتي مول سن وي لاغون البيراميد أختي لازم تشترين هذا الشئ لان الكيلو منه بالكويت على ٢٥ دينار وهو الشاي الابيض تخيلي العلبة فيها ربع كيلو ب١.٥ كويتي متخيلة بالرنغت ١٨ ومسوين عرض علبتين ب١٨ رنغت ببلاش المحل في الطابق fg2 ويصير صوب القسم العربي راح تشمين عنده رائحة مش ولابد لانه يحط بيض في الشاي الأخضر هههههه والله هذا اخذته هدية استانسوا عليه ولا احد صدق السعر هذا اللي على بالي الحين اي اي روحي الصيدلية وعندهم منتج كوري فظيع للتبييض للوجه اخذي المجموعة كاملة والله انا فرق على والكل شهد لي واخذي عندهم فكس للاطفال برائحة الفراولة فظيع لليهال وبعد عندهم في مجمه الklcc إللي كله ماركات في محل يبيع ماسكرا عجيبة غريبة وسعرها حوالي ١٩ دينار بس تسوي رموشج كانج مركبة صناعي وعندج الملابس الداخلية فظيعة والله لج وبعد البخور الكمبودي في شارع العرب لازم لازم لازم تشترين منه واهو هدية سنعة وانا تحسفت ماشريت وايد وسعر التولة ب خمسين رنغت كمبودي درجة أولى وانا ما انصح انج تسكنين في شارع العرب كلش ملش انا بس زرت هناك للتسوق طارت عيوني من الاشكال فحفاظا على زوجك روح بعيد وتعال سالم وعندك الشنط صناعتهم واي واي شعد ولا شخلي ولا شخربط وعندك الصنادل واو وعندك ماركة فيجي عندها اشياء حلوة وساعات وشنطها فظيعة وهو يتكون من قسمين قسم عملي وقسم راقس كان جذي في مولنه ولا شفت احلة منه في المولات الثانية عندة ساعات واكسسوارات فظيعة وعندهم اكسسوارات ماشفت مثلها بصراحة وعندك محل اسمة كيدز مسوي عروض فضيعة لملابس الاطفال وللنساء في محل رائع فطيع في مجمع سن وي لاغول عنده قمصان طويلة لنا يالمتحجبات والله اشترينة من شرا غير طبيعي اهو في الطابق lg1 ويصير مجابل محل بولو يعني يمه محل يكون علة الزاوية بس اهو مجابل بولو ومن بعد إلدو إذا ماكنت غلطانة فظيع فظيع
هذا اللي اذكرة وبخصوص الرقم شوي واجيبة لج

 

[أم عبد الله]

رجعت لج أختي شوفي اسم محل الملابس إللي قلت لج عنه اهو MESSAGE اسعار فطيعة بالنسبة للكويتي طبعا هذا المحل في مول صن وي لاغون بيرمد في الطابق lg1 والمحل الثاني عندج محل شنط وشحاطات واسعره فظيعة ويصلح لج وللهدايا هو ( نوس) جذي ينطقونة nose في نفس الطابق وعندج بعد محل nichii عنده ملابس حلوه عملية للدوام وفي اشياء تصلح للهدايا بس تأكدي من الشغلة مو مضروبة يعني وعندج بعد F.O.G محل استوكات تحصلين فيه بلاوي وبنفس الطابق بعد وعندج محل اسمة Padini هذا إللي فيه منتجات Vicci بنفس الطابق بعد محل parkson فيه ماركات للشنط مثل ck . dkny وماركاتهم بعد عندهم اكسسوارات فظيعة وملابس اطفال وبجايم حلوة وعندج بعد محل jusko ارخيص وكويس وعنده ماركات الشنط من صناعتهم وشوفي شنط ماركة بولو فظيعة تصلح للهدايا وشوفي البواكه مالتهم والشحاطات والملابس الداخلية فظيع وعندج بعد محل Carlo Rino محل شنط من صناعتهم انا اخذت منه ٦ شنط خخخخخخ وعطوني عضوية وخصم بالعضوية كلما اشتريت منهم والحلو فيه الشنطة والبوك والشحاطة أو الجوتي عزج الله

اسم شركة السيارات Kong Travel & Tour Service
الاسم الاول Maggie وهاذي تعاملنه معاها محترمة جدا جدا ارقامها
019-2682263
016-2100212
012-6792388

الاسم الثاني: AH KONG
019-2382633

احن اتصلن عليهم من مطار الامارات لانه كان الترانزيت بالامارات وعطيناهم رقم الرحلة والساعة والخطوط للطيران وطرشن لهم مسج بعد للتأكيد

في شغلة مهمه اختي اهم ناس اغبياء ولله الحمد والشكر والله ما ادري احن مصرقعين مانقدر نتحمل ونصبر ولا اهم امخديين يعني من تطلبين شئ وزاد عليه شئ ثاني تخربطوا وتخسبقوا وطلع طلبج غلط x غلط واتعصبين وتتنرفزين يعني مثلا مطاعم الجبات السريعة لا تقولين اسم الوجبة لا تروحين فيها على مايستوعب اهم امرقمين الوجبات فقولي الرقم احسن لج واضمن لي
أي شئ ثاني من عيوني حبيتبي

 

[حـلا و ذوق]

التكاسي عموما رخيصة .. وعادي تحصلينهم باي مكان

احنا كنا نتعامل مع تكسي وايد حليو وامين كنا نخلي اغراضنا عنده بالسيارة حتى ونغيب بالنص ساعه .. و ودانا جنتج تقريبا اكثر من ساعتين من كوالالمبور وثاني يوم جانا و ودانا المطار ... بسعر عيزنا كل التاكسي يعطونا سعره بس حق روحه !! تخيلي

اسمه سيفا ان شاء الله ماغيره لان عندي اياه من 2008
0146361565

وهذا ثاني بعد خبل ودمه خفيف بس ان مايودينا اماكن جبال ومرتفعات لان سيارته ماتصلح اسمه جون
0163641587

والشرايج رخيصة وتلقينها حتى بالدكاكين ..

بخصوص الفنادق انا اللي سكنته فيه مكيف وانصحج به من افضل الفنادق و افضل المواقع بشارع العرب اسمه الملينيوم ..

بالنسبة للمجمعات للصوايغ .. عندج مجمع تايم سكوير عندهم محلات حتى البديات والتيشيرتات على دينار

ورحلة موفقة

 

[*سوسو ستار*]

حبيبتي التكاسي عندهم رخيييييصه حيل بس سكني بأماكن تكون قريبه من كل شي مثل في كوالا سكني بشارع العرب اسمه بوكيت بنتانج وفي بيننانغ سكني بمنطقة باتو فرنجي والتكاسي تحصلينهم بكل مكااااااااااااان والفنادق مكيفه اكيد انا حاليا بكوالا واكثر مجمعاتهم رخيصه وتصلح للهدايا بعد مثل عندج بيبي بلازا وتايم سكوير والسوق الصيني بس ماعجبني ريحه وزحمه ومافي شي سنع