اللي زوجها يسبها ...

[water melon]

lel2saf ma 3indi 3arabi eb hal computer
7abibty 3aleich eb qiyam el lail id3y rabbich inna yfarij hammich o ysaakhra lich o el7imdella 3ala kil 7al chthy raylch wala ashy2 thanyaa mithil el shirb o o o
o i7naa ma3ach nad3eelich allah ysakhra lich
remember that any one in this life has a problem but not every one knows our god

 

[dalprincess]

حبيبتي زين سويتي ... لازم تحطين حق الريال حد .. لان اذا سبد وشافج ساكته بيصير عنده شي عادي ... واهم شي الاحترام بين الزوجين ... خليه يعرف انه السب شي جايد وفيه خراب بيوت .. وخلج جاده لاتردين الا لمن يعطي كلمه حق ابوج انه ماراح يعيدها ... وخلي ابوج او اهلج يكونون بالصوره احسن

 

[camilia]

انا عن نفسي مستحيييل اطلع من البيت... والله اخليه يلاقي اغراضه برة البيت المهم مو انا اللي اطلع ...يغلط بحقج وتطلعين من البيت؟؟ لا ابد والله ماسويها

 

[zoba]

شوفي حبيبتي انا بقولج سالفة واحد من اهلي ومرته وهالحجي على لسان الريال مو المره

هالريال متزوج من زمان وعنده عيال ويحب مرته حيل بس بروحه يقول ان تصير بينهم وايد مشاكل وجذي, ساعات الغلط منه ساعات الغلط منها بس مشاكلهم تعدي ويردون سمنه على عسل لان الحب والاحترام متبادل

بس اهو بروحه يقول انا لمن اعصب العن اسلاف اسلاف المره وامسح فيها القاع يعني يطيح حظها مو بس يسبها
بس شنو
يقول المره ماااااترد علي اب ولا حرف ولا تقول ولااااا شي جنها طوفه
حلو
وتخليه على راحته بالعكس عقبها تكلمه عادي ولا جنه صار شي
اتييله عقبها اب جم يوم وهو مزاجه رايئ ومستانس وتكلمه تقوله حبيبي انا زوجتك شلون تكلمني جذي .. انا ام عيالك وجذي تقولي بأحلى اسلوب عندها وبدون اعصاب

منييي اهو بروحه يحس ويستحيييييي من نفسه ويقعد يعتذر لها وحتى يقول انه يتحسسسسسف لما يغلط عليها ومع الوقت ومع العشره صار مايغلط عليها كثر اول شوفي هذا كلام ريال مو كلام حريم

الشطاره مو انج تروحين بيت اهلج ولا تردين على ريلج لء الشطاره لما تمسكين اعصابج ولسانج وتردين عليه بالوقت المناسب عشان يحس بغلطته

نصيحتي لج ردي بيت ريلج وخليج معاه عادي وحتى لو عادها مسكي روحج شوي واخذيه بالهداوه
ترا الريال مايمشي بالعنااااااد يمشي بالكلمه الحلوه والاسلوب الحلو
والله يصلح بينكم يارب​

 

[فاتو-القطوه]

@@ من صجج بس عشان هالسبب تتركين البيت والله نصيحه لج من اخت لاتعودين الريال على هالشي تره ماراح ينفع والله عن تجربه اكلمج احسن شي تسوينه انج تسكتين وبعدين اذا تبين الصج تره ثلاث ارباع الرياييل هذي طريقتهم ولي تقووولج لا هذي ماتحب تطلع مشاكلها انا ابصملج بالعشر ان الاغلبيه جذي من الرياييل وبعدين نصيحه مني دام هذا الشي الوحيد الي موزين بريلج ساعديه ان يعدل نفسه موهادتله البيت وطالعه يمكن كلامي حاد انا اسفه بس والله ابيلج الخير قظبي ارظج ومسكي بيتج وريلج وفهمي وقت مايهده انا كنت اعاني من هالمشكله وااااايد بعد اول الايام كنت ارد عليه وحسيت ان مانفعت معاه تدرين ليش لان اهو لمن يعصب اي كلمه يقولها مومن قلبه فيدري يقناعت نفسه ان حتى كلامي وردي مومن قلبي تدرين ان الحين اكثر كلمه يقولي ياها ان اهووو يعشقني بس لاني انا استحمله ولان مافي اطيب من قلبي وانا قاعده احس من داخلي ان صج قاعد يعدل نفسه صج ليلحين مرات يخورها بس لوارجع حق ايام قبل الحين واايد احسن وادعوولي ان انشالله للاحسن بعد.ر شي بقوله ياقلبي ان ان سبج سكتي عنه واهو راح يحس من نفسه بعيد الشر عنج وعن البنات كلهم انشالله ان في رياييل ميره وسكيره ولي عصبوو اول شي يسووونه يكفنون حريمهم ولا راح خانها.انا احمد ربي ان ريلي بس مشكلته لسانه ادري حدي طولت الموضوووع اعذروني

 

[makeup story]

ماتووصل انج تهدين بيتج حقريييه لين اهو يعرف غلطته

 

[vevo]

شوفي يا قلبي محد يرضى بالاهانه والسب اكبر اهانه بس لا تهدمين بيتج عشان مشكله صج انها كبيره بس انتي تقولين انها صارت 4 مرات يعني انتي في بدايه مرحله الزواج عشان البنيه ردي وحاولي تغيرين من طبعه بالكلمه الحلوه و التفاهم لا تفتحين معاه الموضوع لين يهدا عقب بالكلمه الحلوه بيتغير بس هذا ما يجي بيوم وليه يبيله صبر انا الحمد الله ما سبني زوجي ولا مره بس كان فيه تصرف يكرره في بدايه حياتنا كنت ما احبه لكن بالتدريج بينت له هالشي وخاصه بعد ليله حلوه يكون المزاج عال الحين لنا 4 سنين متزوجين و الحين ما قام يسوي اي شي يضايقني ولا انا فهمنا بعض وترا بس السنه هذي قربنا حيل من بعض و فهمنا بعض والحين محد فينا يسوي شي يضايق الثاني كل شي صار واضح بس ولا مره تركت البيت والحين صرنا نذكر هذيك المواقف ونضحك عليها.

 

[كـلا كـلا]

حبيبتي والله انتي

مالج الا ربج
صدقيني ادددددعي قد ما تقدرييييييييييين
واهم شي بوقت القيام
وبيقين ان الله اهو اللي بيحل مشاكلج
وبيخلي ريلج يترجاااج تردين

مرة وحده ريلها طردها من الدار قالها ريحتج خايسة قومي نامي عند عيالج ولا تقربين يمي!!!
فجأة جذي
جان تروح دار عيالها وتمسك سيادتها وتصلي ركعتين ودعت (اللهم يا جبار اجبر كسري) ورددتها ليييييما نامت
ماوعت الا هذا اللي يهزها شوي شوي وهي نايمة يقولها تعالي نامي يمي ماني قادر انام من غيرج حبيبتي والقصة واقعية تراااا

وفي دعاء ثاني قالته بس نسيته خل تقعد الوالدة واسألها عنه وبحطه لج هني

ونصيحة بطلي مسجات طرارة على قولتج لان شكله ريلج مستانس بهالطريقة

 

[ladybird-143]

انا مع بمبره وام الخييير والغاليه نونو
قعدي وحقريه اهو بيطخ اما بتراددينه بيزيد ولاتتطلعييييييييييييييييييييين من بيتج والله مع الوقت بيزهق وماراح يردج

 

[ladybird-143]

سمعي كلام حرم بدر وزوبا .. حبيبتي مالج شغل بالي يقولج طلعي برا البيت صيري احسن منه وانتي رفعي من صورتج واحترامج جدامه عن طريق انج تسكتين علشان اتبينيله انه تربيتج احسن من تربيته ووريه انوثتج وقسما بالله انه ولا مره سبيت ريلي المراه حلاتها بانوثتها انا مرات يسب بس سب خفيف ابجي بس ماارد عليه والله دقيقه يطخ ولما ارادده بس ما اسبه يعني اعاتبه يزييييد حيل .. خليج ابيتج وحلي مشاكلج مع ريلج وبس

 

[LaSt WoMeN]

أهم شي اذا صار بينكم خلاف و شفتيه معصب ما تزيدين الطين بلة ..
يعني ما تثيرين غضبه و لا تنرفزينه زيادة علشان ما يوصل لدرجة انه
يسبج أو يمد ايده عليج لا سمح الله ..
انا بصراحة اشوف ان تصرفج صح لما هديتي البيت بس في حالة اذا كان سابج سب قوي ..
مع انني مادري منو الغلطان فيكم بس السب لازم ينحط له حد ..
لازم يفكر مرة ثانية قبل لا يسبج ألف مرة
و اعيد و ازيد .. لا تنرفزينه لما يعصب ..
و بعدين ليش تنطرون تتزاعلون و تصارخون بعدين تتفاهمون ؟؟؟؟؟؟
تفاهموا من الأول و خلاص !
و ترى الدنيا ما تسوى و لا تتعودين تهدين بيتج على كل شي
ترى الريال يتعود و ما تهمينه بعدين

 

[بتبوتااا]

امممم بصراحه انا مو معاج انج تهدين بيتج علشان سبج في الف طريقه وطريقه
ممكن كنتي تسكتين وتزعلين وتبوزين بس مو تشيلين قشج وتطلعين!
والله يسهل عليكم انشالله

 

[أغلى حبيبه]

لازم من اول شي كل واحد يحترم نفسه

شنو ماخذج من الشارع يسبج وتسبينه

الحمدالله ماعندنا هالسوالف

 

[ربي يفرج لي]

والله يابنات انا زوجي يسبني كل ماعصب حتى وانا عرووس صارلي اسبوعين عنده سبيني وقالي كلام والله ماينقال وكنت احاول اني اتفاهم معاه لما يعصب يزيد بسب ومع الايام عرفتله انه اذا عصب اصكر اذوني ومااسمع له والله كلانه يحر ويذبح لكن صبرت وانا عروس وادعولي اني اصبر بعد انا مليت وحاولت كذا مرة اني اطلب الطلاق بس خايفة من شماتت العالم كلها لي وفكرت اني اصبر ومااهد له البيت لانة في امور الانة في امور اكبر من جذي لكن اصبري وردي لزوجج وانا اختج وماعليج من الناس محد يدوم لج الا وجج وانا اكتبلج ومتحسرة على زوجي ومعاملته لكن الحمدالله عسى ربي يسخرهم لنا