اللي زوجها يسبها ...

[مي الحلوة]

انا اقول من يسبج تسكتين وتزعلين وتحقرينة جذى راح يحس بتأنيب الضمير ويقول وآعلية مسكينة وما تستاهل بس ما ترضين بسرعةطولى بزعلة علشان ما يعيدها مرة ثانية وبعدين قعدى انتى وياة وتناقشى بالموضوع وقولى انت ما ترضى اسبك ولازم تعاملنى مثل ما اعاملك واهم شى بين الازواج الاحترام اذا راح شبقى بعد
الله يوفقج,,,,,,,,,,,,,,,

 

[na6a6eya]

السلام عليكم و رحمة الله و بركاته

انا بالدوام الحين و عندي كي بورد عربي ان شاء الله يكوون تواصلي معاكم احسن و اوضح


انا يا بنات و لله الحمد ما قط طلعت من بيتي كلش غير هالمرة لان طفح الكيل عندي

يا ما قالي كلام ييسم البدن وصبرت وقعدت بالبيت

لكن توصل لمرحلة السب !! خاصه انها مو اول مرة و منبهته عليها من قبل و اتفقنا ان مايعيدها لانها تأذيني اكثر من اي شي ثاني

و مع هذا القاه يرد ويعيدها؟! حتى لو كان بينا سوء تفاهم هذا مايبرر بذاءة اللسان

اهوا عند نففسه اني اهنته بالسالفه اللي صارت بينا

لكني تاسفتله وبينتله اني غلطانه و موقصدي هالشي


شنو يبي مني اكثر من جذي ؟!!


عالاقل انا اعتذرت

اهوا اللي سبني ولا راضي يعتذر

والله يا بنات حاسه بغغغغغغغغغغصه


و طول الطريج للدوام بس ادعي ربي يفرج همي

و امي امس مناحه
حرام عليج بنتج تعيش بدون ابو

شدعواا

عيل تعيش اب بيت تشوف فيه الام والابو يتساببون !!!\



و بالنسبة للهجر في البيت ارد و اقول يا بنات

ان هالشي ماراح يهزله طرف


راح يطلع طووووول اليوم برة البيت و يستانس مع ربعه دواويين وطلعات

و انا محكورة بالبيت حتى بيت اهلي ماراح يرضالي اروح

لان طلعاتي بشوره دايما

فبالنهايه محد بياكلها غيري واهوا .. ولا عالباااااااال


الهجر بالبيت حق شخص يحب و يحس


مو زوجي للاسف



الحين يا بنات اتوقع ان الوالد بيقابل زوجي و بيكلمه زوجي بالموضوع

بقول حق ابوي يوضحله اني غلطانه ومعترف بغلطي على السالفه الاساسيه
لكن بخليه يوضح بعد ان انا السب عندي مو مقبول

و انتظر اعتذار
و وعدددددددددددددد انه مايعيد هالشي مرة ثانيه



اذا صارت هالامور راح اوافق ارجع البيت


بس خوفكم مايعتذر هني عاد شسوي !!

لا يمكن اطيح نفسي له


لا تقولون بين المره و زوجها ماكو كرامه لاء !! بينهم كرامة ونص بعد !!


انتظركم تفكرون معاي بحل


ابي قلبه يحن علي

ميته من الحره انه حاقرني ولا فباله


خاصه انه قالي اذا طلعتي من البيت بكيفج تردينله بكيفج بما معناه اني ماراح اردج !!


اليوم بودي بنتي الطبيب ان شاء الله و ابي استغل هالموقف لصالحي لانه اهو اللي بيودينا


نصحوني شسوي ؟؟

 

[na6a6eya]

 

[sHa6o0ra]

الله يهديه ويسخره لج

 

[na6a6eya]

مشكوره شطوره

 

[april_q8]

اختب بمبره اسفه اني اقولج انج غلطانه شنو الريال ما يدري شيقول ؟؟ اذا ما يدري لازم مع مرته يدري اهم شي الإحترام حبيبتي

و اختي زين سويتي لا تسكتين لأنه اذا سكتي مره ما راح يتوب خل يحترم نفسه

 

[na6a6eya]

مشكوره ابرل

بس الدقه انه حاقرني و مطنشني و انا اللي قلبي يطبخ احاتي يخليني معلقه لين ارد انا بنفسي مذلوووله والله لا يمكن يصير لو شنو


فكرت بفكره بشاوركم فيها خواتي و ابي رايكم حسيت ماكو اهتمام زايد بموضوعي والله اعلم بالنار اللي انا فيها


بنروح بعد شوي الطبيب نودي البنيه

فكرت برجعتنا من الطبيب اقوله اني محتاجه اغراض من الشقه

اذا اعتذرتلي و حسستني انك حاس ان اللي سويته بحقي غلط انا مستعده ارد معاك الحين

اما اذا منت معتذر مني فباخذ اغراضي و بروح عند اهلي مرة ثانيه


شرايكم؟؟ شوركم و هدداية الله يا بنات

استغفر الله شالحظ اللي خلاني اطر الاعتذار طراره حسبي الله ونعم الوكيل

 

[الاسطورية]

اول ماتزوجنا كان يسبني تدرين شنو يحر الريال لاتكلمينه اياااام واي اول شي ماكو احد يسويله اكل ثاني شي يحتر يشوفج حاقرته ولاتسامحينه على طول

انا مره سبني سبه قويه تركتله البيت انا اقول اذا السبه قويه المفروض المره تترك البيت اذا قوويه من قلب جنج بنت شوارع مموبنت عايله ماكو مره تتحملها لازم تادبينه
الريال الي يسب ماينسكتله وانا ماسكت الحين تغير وماقام يسبني لاني طلعتله قرون لما سبني ماتتوقعين شنو سويت لووووووول بدعت

 

[na6a6eya]

الله يعافيج يا الاسطوريه علميني شنو سويتي والله لا ادعيلج من قلبي

لاني اب بدايه الموضوع كنت شابه نار و بنفسي اقوول اني سويت الشي الصح

ومع الوقت وردود البنات وحنة اهلي بديت اشك بصحة قراري و اخق وانا مابي اخق و يروح كل اللي سويته عالفاضي


ابي اظل على قوتي لكن يكون في مجال للاصلاح واني ارضى ابي الاعتذار يطلع منه غصب طيب شلون

تكفين جاوبيني و مشكوره

 

[بنت الحزن]

و لا انا اقول المفروض ما تهدين بيتج بس المفروض هم ما تسكتين علي السب المهم الحين انتي طلعتي خلي ابوج يوقفه عن حده علشان لا يعيدها مره ثانيه

 

[na6a6eya]

اختي بنت الحزن اشكر لج ردج على موضوعي

مساع مت من الصياح

دقيت على ابوي و مع السوالف ياب طاري الموضوع قالي شنو صار عليكم قلتله ماكو ماصار شي

قالي حاولي تحلين الموضوع مع زوجج اهو فيه مميزات زينه واحنا مالنا خلق المشاكل !!

متخيليين يا بنات؟؟ لا اهل انسند عليهم و لا ريل سنع

مالي الا ربي سبحانه العالم بحالي


حسبي الله ونعم الوكيل

 

[DELY]

الله يهدي سركم يا رب و يصلح ما في بينكم

 

[نزف]

اقوول من صجج تهدين البيت علشاان سبج؟؟؟؟؟
خليه يسب وتنشق بطنه سكتي عنه وحقريه مرد السب والصياح بيرد عليه موحايشج شى بالعكس قعدي وسكتي والله بتكبرين بعينه وبتاخذين الاجر علي صبرج عليه ترا مو بس الريال اللي يسهر ويسكر ويسربت اهو اللي تصبر عليه المره حتي اللي يسب بذااءة اللساان والعياذ بالله من بذاءة الخلق

انتي مالج الا الصبر ولما تشوفينه حمقاان ويسب استغفري بقلبج وقوولي يارب تلهمني الصبر علي بلواي ويستحسن انج تقومين عن المكان اللي هو فيه لايعصب بعد ويحذفج بالطفايه والا يهبدج بشي قريب منه الرياييل لااعصبوا يصيرون عميان مايشوفون جدامهم وبعدييييييييييين عقب لاااشفتيه طخ وهداااا سويله قلاص عصير ليمون وضحكي بويهه وتفاهمي معاه باللين واذاا انتي غلطانه اعتذريله واخذى مابخاطره وحاولي باسلوبج المخملي ههههههههههه تفهمينه غلطته بدون صراااااااخ وهواش
وعسا ربي يتمم عليج ويهدي لج بوعيالج
بس نصيحه لاتهدين البييييييييت قعدي وقضبي ارضج

:eh_s(15)::eh_s(15)::eh_s(15):

فديت امي الغاليه :eh_s(17):


جزاج الله كل الخير :eh_s(7):

 

[na6a6eya]

مشكورين بنات على التفاعل


مادري شلون تقدرون تقعدون اب بيت واحد مع شخص قلل من احترامكم؟

الله يعطيني قوة اعصابكم؟؟


عن نفسي احس كرهته خلاص


صارت تطورات مو قادره اذكرها لان نفسيتي تعبت

واحس خلاص عافته نفسي

و اذا برجعله فعشان بنتي فقط لا غير


حسبي الله عليه حساب يكفي فيه

 

[na6a6eya]

عالاقل ادعولي يا بنات

احتاجه من جد

 

[اوووسه]

الله يفرج همج يارب
فرشي سجادتج وصلي وادعي ويارب عساه يحس بغلطته و
يرجع لج ويعتذر ويدور على رضاج يارب

 

[غزلان.2007]

الحترام واجب بين الزوجين وايضىصار في مسبات هذا معناه الشيطان دخل بينكم وراح يدخل حياتكم الزوجيه من هالباب فنصيحه لاتفتحون الباب لشيطان

 

[& ياملحي كيوووت &]

اعووووووذ بالله
حسبي الله ونعم الوكيل

 

[طفوش]

والله يااختى ليش حيل منجرحه من سبته لك انتى بنفسج قلتى لحظة غضب ولاتلومينه على الكلام اللى يطلع فى لحظة غضب...يعنى اول شئ تلأسف لك ماطنشج وثانى شئ لما سبج كان بينه وبينج يعنى موقدام الناس او الحموله او احد غريب اوقريب بالطريقه هذه تفشل وتنجرحين مالومج...
وحبيبتى اخذى لك فره فى المنتدى وشوفى مشاكل البنات تشيب الراس الله يكون فى عونهم اللى داقرها واللى يخونها واللى متزوج عليها وسوالف صج تقهر حتى بعض المرات ابى اقول رايي فى موضوع ماعرف شنو اكتب من هول ماشوف


قولى الحمدالله على كل شئ وحاولى تدورين حل لمشكلتج يعنى اذا سبج قولى اله يسامحك او اسكتى بالطريقه هذه راح يتفشل مره بعد مره وماراح يتكلم


انتى تبين تتطلقين الله يهداك وبنتك شنو تسوين فيها تشتتينها معاك بينك وبينه وان ان شاء انتى ظامنه اللى تبين تاخذينه انه يكون كامل والكامل وجهه سبحانه شئ اكيد راح تاخذين واحد كله علل من اوله لى اخره وتندمين وتمنين اللى يسبج ...

 

[na6a6eya]

مشكورين بنات


اختي طفوش اهوا ماتعذرلي ترا على مسبته

امس دزيتله مسج اقوله عالاقل اعتذرلي يقولي ماغلطت عشان اعتذر!! يعني عادي يسب بنظره

و اليوم دزيتى مسج اقوله اعتذرلي ماقدر ارجع البيت وانت غالط بحقي اموووت قلبي مايستحمل يقولي لي رديتي البيت اقولج


بالله عليج شفتي مهانه اكثر من جذي اطر منه الاعتذار طراره؟

والله اني دعيت عليه لين قلت بس وماراح ادعيله لاني اكرهه و ماحبه عقب اللي سواه فيني

خلي المسبه طااافت و عدت


لكن فوووق هذا عنده ماغلط ومايبي يعتذر و اطر منه الطراره شالذل و شالمهانه


مشكلتي ماتقل عن مشكله ولا وحده من البنات اللي اعرضوها بهالقسم


حسبي الله و نعم الوكيل