اللي زوجها راعي دوانيه وتحب تبدع له بالطبخ تتفضل هني ...ممكن مساعده

[منى قلبها ابيض]

صباحكم قشطه


شلونكم شخباركم شعلومكم


انا زوجي راعي دوانيه ودايمن يتجمعون ربعه ومنو يطبخ انا المقروده :krkrkr: ومرات اطلب من حريم لان حدي عليميه الحين ما شاء الله ما افارق المطبخ قولو ما شاء الله بنات ابي طبخات حلووه حلوو وسهله ولذيذه مثل حمسات والمعكرونيه والعيوووش والحلوو والسلطات ...

وانشاءالله بنزلكم الطبخات عن قريب ــــــــــ

 

[ام هزاع]

رد: اللي زوجها راعي دوانيه وتحب تبدع له بالطبخ تتفضل هني ...

انا نفس الحاله زوجي وربعه بينهم دورية وتعالي شوفي المجاكر بين الحريم وكل واحد يهايط بطبخ مرته .. كل شي اعرفه سويته ابي شي جديد وابدااااااااع ...

مشكووووووره خوش موضوع ونبي همة الطباخات السنعات

 

[منى قلبها ابيض]

رد: اللي زوجها راعي دوانيه وتحب تبدع له بالطبخ تتفضل هني ...

سلطة الزهره عجيبه ...

1 فلفل بارد شرايح
2 خيار شرايح ضعيفة
2 جزر شرايح ضعيفة
ربع ملفوفة شرايح ضعيفة
نص زهرة مقلية وردات صغار
علبة بطاط عيدان ( قواطي)
الصلصة
1 علبة روب +2 م مايونيز+ نعناع ناشف + شوية خل ابيض+ ليمون وملح وفلفل اسود

خلطي انواع الخضار واخر شي خطي البطاط القواطي وصبي الخلطه من فوقها
ترى واااايد لذييذه وتشبع صراحه



ــــــــــــــــــــــــــــــــــــــــــــــ



معكرونيه بالمشروم والفلفل الحار والجرجير



معكرونيه اي نوع تفضلينه

طبعا " تغلي بالماي مع الملح لين تستوي تالي حطيها بالمشخال



حمسي بصل صغار وفلفل اخضر بارد وفلفل احمر وفلفل اصفر وفلفل حار وحطي قوطين مشروم وبهاراتج وكركم وشويه ماجي وفلفل اسود وفلفل احمر لما تستوي حمستج حطي قفشيتن كبار مايونيز حدها لذيذه وزينها بشدة جرجير ـــــــــــ

 

[منى قلبها ابيض]

رد: اللي زوجها راعي دوانيه وتحب تبدع له بالطبخ تتفضل هني ...

انا نفس الحاله زوجي وربعه بينهم دورية وتعالي شوفي المجاكر بين الحريم وكل واحد يهايط بطبخ مرته .. كل شي اعرفه سويته ابي شي جديد وابدااااااااع ...

مشكووووووره خوش موضوع ونبي همة الطباخات السنعات

ام هزاع :ggdw::ggdw: هلا والله نورتي ... حده مجاكر :j013:


ابي خبراتج ام هزاع تكفين تراني توني بدايه بالطبخ لا تخليني

 

[منى قلبها ابيض]

رد: اللي زوجها راعي دوانيه وتحب تبدع له بالطبخ تتفضل هني ...

هذي الاكله عزيزه على قلبي حيل ــــــــ


فتة الباذنجان

باذنجان مقطع مربعات صغيره ومقلي
بطاط مقطع مربعات صغيره ومقلي
+ علبة ( حمص ) نخي نحطهم مع بعض
علبه ذره نحطهم على بعض
نحط فوقهم الصلصه

الصلصة : علبة روب + ملعقتين ميونيز + ذدرة ملح + ذدرة فلفل اسود خل ونشربه بالليمون يم يم

اخر شي خبز مقطع مربعات صغيره ومقلي نحطه فوق الصلصه ونرش شوية سماق مع جزر مبشور ..

 

[منى قلبها ابيض]

رد: اللي زوجها راعي دوانيه وتحب تبدع له بالطبخ تتفضل هني ...

هذي الحلو "عش السرايا" سهل ولذيذ حيل ....

نصف توتست بايريكس طبقتين تالي نشربه بالشيره نسوي مهلبيه ونحط ماي ورد وهيل وزعفران وعقب نصبه فووق التوست ونزينه بالفستق

 

[sad_angel]

رد: اللي زوجها راعي دوانيه وتحب تبدع له بالطبخ تتفضل هني ...

حبيبتي جربي تحملين كتب طبخ من الانترنت كتاب ام شهد روووووووووووووووووعة وكتاب هدى الحشاش كل الاجزاء حلوة وكتاب ام ريما بعد حلو
يوووووووووووه حاسة فيج نفس المعاناة لا ويتنافسون بعد منو يحط شي غريب رجال اخر زمن

 

[ام هزاع]

رد: اللي زوجها راعي دوانيه وتحب تبدع له بالطبخ تتفضل هني ...

هلا حبيبتي من عيووووني ..........

راح ابدي معاج بسلطة الالوان انا مسميتها جذيه ... خخخخخخخخخخ بس روووعه


المقادير :

بطاط
بيدجان
فلفل بارد الوان اخضر واصفر واحمر ..
بقدونس
الصلصه الايطالية الشفافه اكيد نعرفينها ..


الطريقه :
قطعي البطاط طوال والبيدجان بعد نفس الشي وقليهم بالزيت وخليهم بره ..
بعدين قصي الفلفل الالوان طوال
حطيهم فوق بعض

بعدين اخذي شدة البقدونس وحطيها بالخلاط وصبي عليها الصلصه الايطاليه .....

عقب حطيها عالبطاط والبديجان والفلفل البارد وحركيها وقدميها وبالعااااافية

ماراح تندميييييييييييييييييييييييين والكل بيتعجب من طعمها



وعواااااااااااافي مقدما

 

[منى قلبها ابيض]

رد: اللي زوجها راعي دوانيه وتحب تبدع له بالطبخ تتفضل هني ...

حبيبتي جربي تحملين كتب طبخ من الانترنت كتاب ام شهد روووووووووووووووووعة وكتاب هدى الحشاش كل الاجزاء حلوة وكتاب ام ريما بعد حلو
يوووووووووووه حاسة فيج نفس المعاناة لا ويتنافسون بعد منو يحط شي غريب رجال اخر زمن

حبيبتي تكفين ما اعرف ساعديني بالروابط دزيهم لي واللي تعرف تسوي عيش الابيض ومرقة باميا تكتبه لي بالتفصيل لاني باجربسويها وبسوي سلطة وطبق حلوو مع فاكهه ــــــــــ

 

[منى قلبها ابيض]

رد: اللي زوجها راعي دوانيه وتحب تبدع له بالطبخ تتفضل هني ...

يمنع وضع روابط لمنتديات أخري



مشرفة القسم ( جارة القمر )​

 

[ام هزاع]

رد: اللي زوجها راعي دوانيه وتحب تبدع له بالطبخ تتفضل هني ...

منى

الحلو شكله روووووووووووووووووعه وسهل حييييييييييييييل مايبيله شي


تسلم يمناااااااااااااااااج

 

[ام هزاع]

رد: اللي زوجها راعي دوانيه وتحب تبدع له بالطبخ تتفضل هني ...

هذي اكله عجيبه بعد وفتق :


كرواسون الدجاج بالكريمه :

المقادير :

دجاجه مسلوقه منزوعة الجلد وعقب تقطعينها نفس المسحب ..

عدة الحمسه : يعني كل شي تبين تحمسينه مع الدجاج حطيه كيفج انا طبعا باالاضافة للبهارات والماجي احط بصل صغار وشوووووية ثوم وجزر مبشور وفلفل بارد ومشروم بس مو دايما ...

عقب جيبي الميني كرواسان الساده ووحشيها بالحمسة وصفيها بالبايروكس

سوي هالخلطة : ربع جبن كرفت . علبة قيمر كي دي دي . و3 قفشات مايونيز وصبيها فوق الكرواسون ... وحطيها بالفرن ليما تحمش من فوووق

وبالعااافية

 

[الاخلاص]

رد: اللي زوجها راعي دوانيه وتحب تبدع له بالطبخ تتفضل هني ...

هاكم ودعواتكم لي بالشفاء والشفاء لامي

يمنع وضع روابط لمنتديات أخري


مشرفة القسم ( جارة القمر )​

 

[ام هزاع]

رد: اللي زوجها راعي دوانيه وتحب تبدع له بالطبخ تتفضل هني ...

الاخلاص

الله يجزاج الجنة ويشافيج ويشافي اميمتج يااااااااااااااااااارب

 

[منى قلبها ابيض]

رد: اللي زوجها راعي دوانيه وتحب تبدع له بالطبخ تتفضل هني ...

هذي اكله عجيبه بعد وفتق :


كرواسون الدجاج بالكريمه :

المقادير :

دجاجه مسلوقه منزوعة الجلد وعقب تقطعينها نفس المسحب ..

عدة الحمسه : يعني كل شي تبين تحمسينه مع الدجاج حطيه كيفج انا طبعا باالاضافة للبهارات والماجي احط بصل صغار وشوووووية ثوم وجزر مبشور وفلفل بارد ومشروم بس مو دايما ...

عقب جيبي الميني كرواسان الساده ووحشيها بالحمسة وصفيها بالبايروكس

سوي هالخلطة : ربع جبن كرفت . علبة قيمر كي دي دي . و3 قفشات مايونيز وصبيها فوق الكرواسون ... وحطيها بالفرن ليما تحمش من فوووق

وبالعااافية

ام هزاااااااااااااااااااع ام هزاااااااااااااااااااع ام هزاااااااااااااااااااع :ggdw::ggdw:

ام هزاااااااااااااااااااع ام هزاااااااااااااااااااع ام هزاااااااااااااااااااع :ggdw::ggdw:

احس هالاكله طعمها لا يقاوم :eh_s(6):

حبيبتي مشكوووووووره انشاء الله كل ما طبختي لزوجج ولا أي طبخه طبختيها وحلوه لا تحرمينا مشاركتج _03BA: ـــــــــ

 

[جارة القمر]

تفضللوا طلبكم

http://www.q8yat.net/showthread.php?t=399400

http://q8yat.net/showthread.php?t=469921


طبعا هالموضوع عن رمضان بس في شغلات وايد حلوه

http://www.q8yat.net/showthread.php?t=365877&highlight=%CE%DD%C7%ED%DD


تطبيقات العضوات للأكلات بالمنتدى

http://www.q8yat.net/showthread.php?t=247949


http://q8yat.net/showthread.php?t=329403&highlight=%DA%D2%ED%E3%E5

http://q8yat.net/showthread.php?t=155011&highlight=%DA%D2%ED%E3%E5


http://www.q8yat.net/showthread.php?t=383744&highlight=%D3%E1%D8%C7%CA

http://www.q8yat.net/showthread.php?t=431454&highlight=%D3%E1%D8%C7%CA


http://q8yat.net/showthread.php?t=231712&highlight=%DF%D1%E6%C7%D3%C7%E4


http://www.q8yat.net/showthread.php?t=389893&highlight=%D3%E1%D8%C7%CA

http://q8yat.net/showthread.php?t=257318&highlight=%C7%E1%D5%C7%CC


http://www.q8yat.net/showthread.php?t=439117


http://q8yat.net/showthread.php?t=400439&highlight=%C7%E1%D5%C7%CC

http://q8yat.net/showthread.php?t=461241&highlight=%C7%E1%D5%C7%CC

http://www.q8yat.net/showthread.php?t=401565&highlight=%D3%E1%D8%C7%CA


http://q8yat.net/showthread.php?t=323549&highlight=%C7%E1%D5%C7%CC

http://q8yat.net/showthread.php?t=453940&highlight=%C7%E1%D5%C7%CC

http://www.q8yat.net/showthread.php?p=12577730&posted=1#post12577730


http://q8yat.net/showthread.php?t=335516&highlight=%C7%E1%D5%C7%CC

 

[توتاتوتا]

موضوع حلو متابعتكم

 

[قطعة ألماس]

زوجي يموت بالفطاير ويحب ابدع له بالكب كيك والله يا بنات كنت انغث من تخمير العجينه والبض واللوعه


الحين صرت اسويله واتفنتق طحين ارامكو قمه بس احط ماي على الطحين واصبه بأي قالب وتعالو شوفو العجين عوار قلب



وابي طريقة لقيمات بالبطاط اللي تعرف؟؟؟

 

[منى قلبها ابيض]

قطعة الماس انا ما اعرف للفطاير والعجين توني اتعلم والقيمات انا اعرف نا يحطون قرع وناس تحط بطاط طول رمضان مرت حماي تسويها تحط بوكبوس عرفتيه نسيت اسمه بس لقيماتها عوار قلب ــــــــ

ام هزاع سويت الكرواسون عجيب لذيذ حيل بنات منو تعرف طريقة البشمل المضبوطه ابي اسويها باجر ــ






بنات جربو هالسلطه عجيبه



ملفوف ابيض شرايح ضعيفه
خيار مخلل صغار
ذره
نخي
جزر شرايح
الصلصه البرتقاليه عرفتوها
مع ليمون وملح
وفووقها حطو الخبز المحمص الجاهز وخطوه الصلصه لذيذه حيل .....

ـــــــــــــــــــــــــــــــــــــــــــــــــــ

امس عشاي كان ربيان طري مع عيش ودقووس واجار وفلفل ما شاء الله لحسو الصحن عليهم بالعافيه

 

[عاشقة الفهد]

موضوع عجيب نفعنا كلنا بصراحه
وانا بعد من ربعكم زوجي راعي دوانيه عساها دايمه يارب
اما الكروسان ذقته عند وحده عجيب