اللي رايحة تايلاند مع اطفال ياريت تساعدني

[كوكي العسل]

السلام عليكم ورحمة الله وبركاته

خواتي اللي رايحة تايلاند ياريت ترشحلي افضل منطقة من هالمناطق

بتايا و بوكيت وشنغماي

يعني لعائلة واطفال شنو الاحلى وشلون طريقة الوصول لهالمناطق من بانكوك؟؟

 

[كروان الكويت]

شوفي حبيبتي بوكت بطيارة من بانكوك لانها جزيرة وحلوة حق الاطفال فيها اماكن سياحية لهم انا ناوية اخذ عيالي بس خن اولد

 

[كوكي العسل]

جزاج الله خير اختي

 

[أحلى همبه كويتية]

حبيبتي حق الصغار
بوكيت ومثل ما تفضلت الأخت اللي قبلي قالت
اهي لازم بطيارة بينها وبين بانكوك ساعة تقريبا

فيها رحلات حلوة وايد وخصوصا البحرية
وبوكت زو ( حديقة الحيوان )
واعتقد فيه سفاري بس مارحت
جيمس بوند
فيه رحلة حق جزيرة كلها اسماك ملونه ( سنوركلنق) حق اليهال ممتعه انا وديت عيالي بس كانت من ضمن رحلة البي بي ايلاند

عندك بعد رحلة المساء للفانتزي شو عجيييييييييييييييييييييييييييييبه لا تطوفينها

وايد شغلات


شنغماي حلوة وهادية
فيها رحلات للفيله راح يستانسون فيها العيال والكبار



باتايا
مارحت لها
بس ما ينصحون العوايل ترروم وتبات هناك

روحي يوم من الصبح وردي المغرب
بينها وبين بانكوك تقريبا 3 ساعات بالتكاسي



ورحلة سعيدة واي مساعدة حاضرين​

 

[أتعـداك]

أب أب

 

[مسكـ الامارات]

بوكت وشنغماي لكن بتايا ماتنفع

 

[لحن القصيد]

بوكيت هادية وحلوه وفيها اماكن حلوه وشنغماي هادية وحلوه وفيها اماكن للتسوق وبتايا انا جلست فيها اربع ايام حلوه بصراحه وفيها اماكن سياحيه وحدائق ومولات

 

[DANA 22]

بوكيت حلوه وبانكوك حق اليهال .. اذا تفكرين في بتايا حجزي في المنتجعات الي عالبحر وااايد حلوه

 

[رقة انوثه]

بتايا ماتصلح فيها اماكن حلوووة لكن مثل الاخت الي قالت لج روحي الصبح وردي المغرب لان بالذات في الليل ماتصلح

 

[أم سيف وسلطان]

بالتوفيق

 

[مجبوس]

نفس كلام البنات بوكت وشنغماي
انا رايحتلهم وبروح مره ثانيه
ان شاء الله

 

[nas nas]

مرحبا اختي انا خبيره في مناطق تايلند من الشمال الي الجنوب لاتروحين للشمال ماتسوي عنوه بس بانكوك هي الي فيها الترفيه اما الشمال كله حق الاجانب والي يستمتعون بالاثار وحب المغامرات بس في شارع واحد بالليل يفتح ومايسوي
شوفي في منطقه اسمها جام وبعدها وهن جام بارك حلوه والمنطقه بحر وفنادق عالميه وانصح تروحين لها يوم الجمعه والسبت لانه يكثر فيها السواح وكل رواد البحر متسترين مافي اجانب كلهم تايلندين وانسي تشوفين عرب ولاخليجي واحد وعندهم جام بارك واوتلوك اما بوكت حلو واغلب الخليجين يتواجدون في باتونج بيتش بس في اشياء كثيره حلوه

الحين بوصيك علي منطقه الخليجين ناسينها cha-am هذا اسمها تبعد عن بانكوك بالسياره ساعتين ونص اذا انتي والاهل تحبون الاسماك وشغلات بحري راح تعجبك وفيها بارك والاعابهم جديده وخطره وفيها اوتلوك ياحبيله

وشواطها حلوه ونظيفه متعه اللعب فيها حتي انتي تقدرين تتسبحين بملابسك عادي كلهم يتسبوح بملابسهم ههههه عيب الي تتفصخه في الاماكن العامه سواء للمره ولا للرجل :eh_s(8):

 

[M!SS.LOBY]

ارشح بتايا