اللي راح يكون معانا دوم بيصير رشيق اليوم ( تم الاقفال )

[jolie_q8]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

بونجور

انا صداع ذابحني توني ماخذه بنادول

تريقت شرايح جزر+ فلفل بارد + خس +خياره

ونسكافيه ديكاف

والغدا سلطه + مولخيه

والحين صدااااااااااااع

سارا << عليج بالعافيه حبيبتي انا امس واليوم مسويه فقع << بس ما كليت منه !! خاشتلي جيس بسويه باجر حقي

منينا << اشلونج حبيبتي

نيو مام << ما يفيدج الكتكات خشيه مكان ما توصلين له والا عطيه احد

حنتوشه << مبروك النزول حبيبتي

ام الحلوين << سلامة بنتج ماتشوفون شر

 

[om el7elwen]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

حبيبتي جولي الشر ماييج مشكورة حبيبتي الصداع موسم انا صراحة ماينفع معاي البندول لان فيني صداع نصفي واذا انت نفسي اخذي حبة اسمها زومك من الصيدلية وماتشوفين شر

 

[الطموحه]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

مساااااااء الخير حق اللي بالكويت والدول المجاورة
وصبااااااح الخير للدول حق اللي بامريكا والدول المجاوره
هههههههههههههه
انا الحين قاعدة اكل الشوربة او اشرب الشوربه <<لاني اقوم بهالعملين:eh_s(3):


jolie_q8
اشكرج على الافادة بس انا ما اتريق الا نسكافيه مع حليب قليل الدسم
خلالالالالالالالالاص اقطع الحليب من اليوم


New Mum
افا عليج نحن في رسم الخدمة :eh_s(6):
وان شاء الله تنعمين بنومة قريرت العين وهانيه دووم ان شاء الله


سارة ستايل
هالمغريات ازعجتني انا كمان
اليوم صديقاتي يتريقون بالجامعة وانا تريقت معاهم عصير كيوي بالاناناس وبعدين وزوووني قالولي اكلي معانا الفرايز ((اول شيء تعوذت من ابليس وسكت بعدين نسيت اني اسوي رجيم والله نسيت ما ادري ليش ؟؟؟ بعدين حنووووا على ,,, والطامه اني كليت بس يمكن شوية <<< يعني مو متاكدة:eh_s(6): ))


Maneena Manaana
الله يهداج ,,,, شمقعدج من الفير ؟؟؟ ردي نامي لان ان قعدتي بتاكلين وتدورين الاكل ,,, ردي ناميلج ساعتين وثلاث وبعدين قومي سوي شوربتج
ونومه العوافي


حنتوشه
مبرووووووووووووك حبيبتي والله يتمم عليج وتوصلين للوزن اللي تبينه ان شاء الله

 

[@ الرسامة @]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

حنتوشة
مبروووووووووووووووووووووووووووووك



بنات انا اليوم حدي مشغووووووولة


باجر باذن الله ورشتي


وحبيت ادش واسلم

واذكركم

ترى مابقى شي على موعد المسابقة




يالله



دعواتكم لي


مع السلامة

 

[الطموحه]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

الرسامة
الله يعينج و ربي يوفقج ان شاء الله
لا تحاتين بس شدي حيلج وان شاء الله الورشة بتعجب المدرسات والناظرة
ويمدحونج فيها ويكرمونج :eh_s(15):
اللهم أأأأأأأأأأأأأأأاميييييييييييييييييييييييييين
شوفي يا الرسامة ترى ما يردج الا كيبوردج
تامرين انا والبنات برسم الخدمة
اذا تبييين نلون أو نلزق او نقوم بالاعمال الشاقة <<<منها نساعد ومنها نسوي رياضة:eh_s(6):

 

[chocola]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

انا كان مفروض احط وزني السبت بس نسيت كان السبت اللي طاف 74.7 اليوم الاثنين 73.9 .الحمدالله العوض ولا القطيعة

 

[jolie_q8]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

:eh_s(20): hi

whats up!

 

[dima]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

مسااااااااااااااااااااااء الخييييييييييييييير انا توني قاعده من النوم لوووووول

جولي اعجبتني واتس اب لوووووووووووووووول كل هذا من الشوربه

بقوم اتغدا غداي اليوم الله يسلمكم تركي مع خضار مفيوحه و عيش ابيض و السناك كاكاو كرامل

 

[jolie_q8]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

:eh_s(9): :eh_s(9):


هاهاهاها

شفتي اشلون !

بالعافيه ديما ...


الرسامه << موفقه

بنت الديره << اشلون يومج !!


منمن << اين انتي واشلون الشوربه وياج!

 

[Maneena Manaana]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

لوول جولي طاح حيلي وانا اقصقص بهالخضار

شوربتي عالنار تطبخ قلت استغل الفرصة واشووف شلونكم وشخبااركم

طبعا ما رديت نمت خخخخخ اكتشفت انه صديقتي الصدوقة بالمسنجر فقعدت اقرق معاها لين صار موعد تقعد الشباب ...المهم وصلت ولدي الحضانه وولدي الثاني عندهم عطله بس في دي كير بنفس المدرسته فدخلته فيها خخخخخ اونس له وأريح لي

جني قلت قصة حياتي ... المهم بعدين رحت الجمعيه شريت عدة الشوربة وشريت فاكهة وخضار وبطاط كبييير ورديت البيت...دقت الماما لول قعدت اقصص الخضرا واقرق عشان ما اضيع وقت عشتو وقتي من ذهب...لوول تقوول لي شريت لج بجامات.. عشان احتمال اتيينا.. عاد انا اقوول لها من صجج.. مابي بجاامات عندي طفحة وانا اصلا مابي لأني نازله بس اهي ما تدري وحراام بعدين شسوي فيهم بكونوون خبااخب ( يحليلي مصدقة عمري) بس بعدين قلت بجامه حلااتها تخبخب ... المهم خلصت الشوربة وحطيتها عالنار ..طبعا سويت نص المقدار لأن الجدر خخخخخ وعقب 3 ايام اسوي النص الثاني لان بالايام الاولى لازم نشرب واايد من الشوربه بس بالاياام الاخير على الاقل كوب واحد ...
اييي قبل لا اقصقص الخضار اكلت لي 5 فراولاات وبلوبري... والحين قاعده اكل نص بطيخة..وبس هذا يومي سو فار...بنطر الشوربه تطبخ شوي وبعدين بطلع

جولي... شلون راسج عسى اشوة؟؟ مسويه تحليل دم؟؟؟ اخاف حديدج ناقص

بنت الديرة... شلون شوربتج وشكليتي فروتس؟؟

ديووم.. صح النوم .. بس عندي سؤال خخخخ الريوق شسويتي فيه؟؟؟ ( تحسين وحده تمووت عالاكل)

رسامتنا.... الله يعينج ان شاء الله ويوفقج بالورشه

حنتوشه وجوكليت وكل البنات اللي ضعفوا... مبروووك وان شاء الله كل اسبوع على هالحال وأحسن

فلفووولة وينج؟؟؟؟؟؟؟؟؟

نيومام.. ما عندي حقج سالفه لول ايي ايي قلت حق ريلي عن الككاو جان اقول من صجها وعلاامات الدهشه تعلو وجنتيه...جان اراويه صورتها هههههههههه

 

[dima]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

الله يعافيج جولي

منمن الله يسلمج ما جربت ريوقهم كلش حدي اقوم حق الغدا لووول

 

[New Mum]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

سلامتج جولي ما عليج شر إنشاء الله لازم مع الرجيم ايلج صداع اكلي بنادول و ما عليج غلا العافيه
بنت الديره شكرا شكرا و لطي بالمثل يا فتاتي
منينا منانا سامحكي الخالق جذي خليتيني ام شريره اهيه نتيفة كيت كاتما يصير اكل و بنتي تخزني ناطره الرد مو تنسيني و بليز قوليلي شحطلها كريم

 

[New Mum]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

سلامتج جولي ما عليج شر إنشاء الله لازم مع الرجيم ايلج صداع اكلي بنادول و ما عليج إلا العافيه
بنت الديره شكرا شكرا و لكي بالمثل يا فتاتي
منينا منانا سامحكي الخالق جذي خليتيني ام شريره اهيه نتيفة كيت كات ما يصير اكل و بنتي تخزني ناطره الرد مو تنسيني و بليز قوليلي شحطلها كريم

 

[Maneena Manaana]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

يعني حبكت تاكلين وهي عندج؟؟؟ حتى لو نتيفة.. كل يوم نتيفة = كتكات كامل بالاسبوع... بعدين لما تعطينها لحم والاكل اللي فيه حديد كل الحديد يرووح مع الككاو بعدين يصير فيها نقص حديد... وتعالي عاد عاابلي...
وان شاء الله نطريني اليوم المسا يعني الفيير بتوقيتكم

 

[ساره ستايل]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

الرسامه :
بالتوفييييييييييييييييييييييييييييييق

ام الحلوين : سلامة ابنيتج ماتشوف شر انشالله

جولي : ونااااااسه ما زفيتيني عالفقع
خالتي تقول لي اكلي كل اللي تبينه قبل لا ايبونلج اكلج (قصدها الدايت كير )

ديمه - نيوم مم - منينا : شخباركم
بما انكم on line

 

[ساره ستايل]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

اي صج

رحت موعدي بالدايت كير
ولا ياااحلوها د.امل
اتهبل نفس حلوة وويها حلو والاهم : جسمها رشاااااقه ماشالله
نفس جسمي بالضبط :eh_s(20):


وقالوا لي الاربعا يوصلني الاكل
ومن الاربعا خلااااااااااااااااااااااص ماكو تخربط كلللللش:eh_s(9):
ويااااارب انزل عدل هالمرة بصحه وعافية

 

[dima]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

هلا والله ساره انا زينه الحمدالله انتي شلونج ؟؟

 

[الطموحه]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

jolie_q8
ها شلون الصداع؟؟؟ عيل الحل الثاني كثري من الماي<<< نجرب فيج ههههه
اليوم يالغاليه بعد ما طلعت من الجامعة مريت مركز سلطان اول ما فكرة اني اروح له تذكرتج :eh_s(8): ويوم دخلت رحت سييييييييييييييدة حق الاناناس والفواكة اتصلت على امي وقلت لها شعندكم فاكهة قالت كل خير قلت يمه عندكم تفاح ؟جان تقولي اي قلتلها لالالالالالالا تفاح اخضر... ههههههه لاني ادري ما ياكلون التفاح الاخضر فشريت تفاح اخضر واناناس مقصص والحين قاعدة آكل الاناناس :eh_s(15):
وما مريت بمكان الكاكاو او البطاط قلت لالالالالالا بعدين
ايييييييييييييي رحت صوب العصييييييير ... وشريت لي عصير يحتوي على 11 كالوري بس العصير مسموح بهالرجيم؟؟؟؟ لان اللي اعرفة بس عصير طبيعي مسموح ؟؟؟؟



Maneena Manaana
تعالووووووووووا تقصيص الخضار صعب صح؟؟؟ وامس جولي نقصت كيلوين من القص:eh_s(6):
انتوا اشلون تقصونهم صغار والا كبار ؟؟؟
جنه الطباخ قاص على مقصصه كبار يعني علشان يفتك ههههههههه
والله الشوربة زوينه يعني تنوكل بس زينه والحمد لله
مانينا اتسوين الشوربة وتحطينها بالثلاجة جم يووووم؟؟؟؟
لان اول يوم كنت اسويها امي تقولي ما يصير تحطينها بالثلاجة اكثر من يوم لان العناصر تروح منها


ادري طولت عليكم وقصيت قصه حياتي وسامحوني على اسالتي الزايدة ههههه بس ومنكم نستفييييييييييييييييد:eh_s(22):

 

[Maneena Manaana]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

بنت الديرة برد عليج عالسريع لأني بطلع ولما ارجع اكتب لج التفااصيل..
الخضار اقصصه همممم شقول لج يعني الملفوف والفلفل الاخضر كبر ال 100 فلس
الجزر والبصل الاخضر والسلاري حلقاات وشنو بعد جنه بس..
والشوربه اذا في امكانيه ان كل يوم اتسوونها احسن واحسن بس لوول اهني انا الخدامه وانا السايق وانا الام والزوجه وكل حااجة لووول فأسهل لي اني اسويها واحطها بالثلاجة.. وياابت نتيجة الحمدلله..
وعادة انا اخلطها كلللها بالخلاط.. هالمرة بخليها على عداالها وامتى ما اشتهيت بخلطها لاني المرتين اللي فاتو كله مخلووطه احس مليييييت منها .. التغير حلو

مع السلامه

 

[سمسميه]

رد: اللي راح يكون معانا دوم بيصير رشيق اليوم ( من 12/2 الى 12/3/2007 نتيجةالاسبوع3 ص

بنات استغفر الله لاعت جبدي من الهمبرجر!
انا ما اكل سي فود ومن الاكل كله احب الدياي بس والحين محذرينا من انفلونزا الطيور فخففت منه واللحم ما اكل منه الا الهمبرجر والكباب
وصايره كل يوم همبرجر !