رد: اللي راح يكون معانا دوم بيصير رشيق اليوم (( السبت نضع الوزن المفقود للاسبوع الثان
بنات انا داشه بعيلة بكتب يومياتي واطلع
** جولي حبيبتي ماتفقدين غالي انشالله مشكورة عالسؤال :eh_s(17): **
امس الله لا يواريكم اش صار فيني
امس تريقت 5 تمرات
والغدا طلعت مع ريلي سوق شرق .. شريت شوربة حارة حامضة من مارينا تاي
واخذت لي سلطه من بريدز (خضار +دياي مشوي)
مع دايت بيبسي
المهم اكلت وعقب تمشينا برا علبحر لفترة طويلة
رجعنا البيت.. عقبها ابنص ساعه حاشتني نوبة اسهال فظيعه
حسيت بطني خلاص صار فاظي
قلت تمام عشان ينزل الوزن اسرع.. عقبها :
خذت شور وتزهبت لأن بيونا حريم
نزلت وقعدت معاهم لما اطلعوا جان اقول حق ريلي خنطلع .. وقبلها كنت ماكله تفاحه وشاربة استكانة شاي وفنيال اقهوة
طلعنا الساعه 9.. تونا ما مدانا ولا احس ابدوووووخه وعوار راس وبطني قام ايعورني
تحملت اشوي .. وعقب زادت الدوخه .. قلت حق ريلي
ارججع البيت ابسرعه انا تعبانه احس بيصير فيني شي
(حسيت اني تخثلت واطرافي نملت واذوني قامت اتصفر )
يعني هبوووووووووووووووووط !!!
دشيت البيت .. على طول شربني ريلي لبن
وبس شافتني خالتي واعرفت اللي فيني
جان يشتغل الزف منها ومن ريلي : كلللللللللله من ريجيمج
من قال لج سوي ريجيم ؟؟ابتذبحين روحج ماتاكلين شي كل يوم
يا يبه والله اكل بس امخففه
عاد تعالوا شوفوا النجرة الللي صارت ..
عقبها صعدنا فوق.. واكلت قطعة ككاو عشان يرتفع السكر ابدمي..
ماكو فايده.. اكلت تمرتين .. وشربت لبن
الحمدلله ..........
ردت عافيتي ونمتتتتتتتتتتتتتتتتتتتتت ساعه بس حست جني نايمة يوم كامل
هذا اللي صار معاي امس .. معاناة والله ..
انا استنتجت سبب اللي صارلي :
اكيد داشني هوا بارد لأن كنا نمشي عالبحر عند سوق شرق مده طويله
او لأن كنت ماكله شي خفيف واحترق ابسرعه مع المشي ..
والله اعلم
واااااااااي بنات امس حسيت اني بموت والله قمت اتشهد
فقلت خلاص .. نظامي كان غلط ..
فبدش دايت كير .. توني خذيت لي موعد ..
وانشالله ما يتكرر معاي اللي صارلي امس
وسلامتكم
