اللي راح يكون معانا دوم بيصير رشيق اليوم ( تم الاقفال )

[Maneena Manaana]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

وانا اتصفح النت قريت هالقصة..عجبتني حيل قلت اترجم لكم الزبدة والاشياء المهمة...

اسمه جارلز سكُت...في عام 2004 كان 5. 255 ومن اهني كانت بداايته...



الدافع والحافزالاكبر كانت بنته كيتي..كان داايما يفكر لما تدخل اولى ابتدائي اكيد اليهال بعايرونها ويتطنزون على ابوها..حط هالهدف جداامه وبدا بأول خطوة..وطبعا كانت هناك واايد دوافع منها الامرااض اللي كان يعاني منها بسبب السمنه طبعا...زوجته المرييضة.. امه وابوه الكبار بالسن.. من يقووم فيهم؟!!!



ضعف تقريبا 150 كيلو في 733 يوم.. وقياس خصرة صغر 30 سم...كان قياس خصره 72 والحين يلبس 42
في بداياته كان ينزل بمعدل 1.5 كيلو بالاسبوع وبعدين صار بالاسبوع 5. كيلو
ووزنه حاليا 119.5


اهني بعد شهرين ونص من بداية التخفيف



واهني بعد 6 اشهر ونص




طبعا لأنه كان متين لفترة طويله... لما ضعف ترهل جسمه مع انه كان يمشي بالماي بداية بدا بربع ساعه وكل يوم يزيد دقييقة وحاليا كل يوم يسوي رياضه ساعتين قبل الدوام...المهم فالحل الوحيد للترهل كان عمليه...

"رحلة الالف ميل تبدأ بخطوة" كان يحب هالمقووله ويحس انه فعلا رحلته الطويله والشاقة واللي من خلالها وصل لهدفه..بدت بخطوة..وهي مجرد التفكير بمستقبل بنته





طبعا نزوله ماكان عن طريق عمليات جراحية ولا شي...

التحق ببرنامج خاص توفره المستشفى عبارة عن محاضرات عن الاكل.. فوايدة ومضارة وكان في لقاءات للناس اللي يعانون السمنه وكل واحد يقوول اللي عنده يعني مثل مااحنا قاعدين نسوي اهني...
يقول... اهم شي انكم من دااخل تفكرون انكم تبون تضعفون..وشوي شوي بتووصلون

طريقته اللي اتبعها

*كان مخصص له كتيب صغير يكتب فيه بشكل يومي شنو اكل وشنو خربط .. ويقيس جسمه ويسجل وشكثر سوا رياضه...وهالشي واايد ساعده في انه يعرف اللي له واللي عليه.

* مسااندة... كان يروح اسبوعيا اجتماعات ولقاءات..ويدخل ويشارك في منتديات تخص السمنه

*رياضة... في البداية كل الي يقدر يسويه انه يمشي 20 دقيقة بالماي وبعد جم يوم قال اكييد اقدر امشي 21 دقيقه وكل يوم يزييد شويه لغاية ما وصل الساعتين

* التغذيه السليمه...يقول جرب كل انوااع الرجيمات..اللي شافه انه احسن رجيم اللي اهو الرجيم الصحي...ياكل كل اللي بباله بس بكميات معينه

*كل ما ضعف 11 كيلو كان يصور عمره...وينصح بهالطريقة عشان تلاحظين الفرق
عن نفسي..اول ما بديت صورت عمري وبعد شهرين صورتني خخخخخ الفرق واضح
يعني فرقت علي اكثر من لما اشوفني بالمنظرة

وبالسؤال عن صحته..يقول كل الادوية اللي كان ياخذها ماقام ياخذها .. وتشاافى من كل الامراض اللي فيه من ضمنهم الضغط

نصييحته...تدرون بداخلكم انكم تقدرون تضعفون..لان مو شي مستحييل...بس المسأله مسألة اراادة..مهما كان ماضيكم ومهما كانت حالتكم...
بكل وجبة باليوم فرصه الى انكم تاكلون فيها الاكل الصحي...لا تطوفون هالفرصة.. الايام اياامكم...باختيااركم ان تعيشونها بأحسن وأصح حال..





وعذرووني اذا في بدليه او جمله ركييكه لأني قاعده اقرا واترجم على طول وعالسريع لول حديي دااايخه

نرجع الحين لموضوعنا...
عشااي كان همبورغر مع مشروم وفاصوليا
وقاعدة اشرب جاي اخضر

ام فيصل ليش جذي؟؟؟؟؟؟ حاولي عاد انج تعوضين هالخرااب باجر

دلالي ضحكتيني على رجيمج...اسبوع كامل صنف واحد واللي وراه تغيرين الصنف وهكذا ؟؟ عدل الي فهمته
وكلللل الرجيمات اللي بالمنتدى ماعجبوج؟؟
شراايج برجيم الككاو؟؟ خخخخخخ

 

[brat]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

هاي بنات، شلونكم؟ شخباركم؟

Maneena Manaana مشكوره على القصه، الصراحة تأثرت وتشجعت إن أكمل الرجيم

anyways
بما إن اليوم السبت وبتحطون النتايج، خل أقول نتيجتي... آنا سويت رجيم لمدة 3 أيام بعدين خربه لما اليمعة، نزلت كيلو 100 جرام. اليوم برد أكمل رجيم من أول ويديد وإنشالله ماخربه وينزل وزني أكثر.

good luck girls

 

[aBoOoRa]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

Maneena Manaana

مشكووووووره عالقصه حبوبه

بس يعني تقريبا شكثر صارله عالرجيييييم لين ضعف ؟؟​

 

[New Mum]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

وي وي الموضوع صار فيه صور و مغريات محناش نأصين يا جماعه ..
انا بالويك اند استفرد فيني الشيطان و قص علي
بروح اوزن وايي( قواة باس جذي ما شفت )

 

[New Mum]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

+ نص

 

[aBoOoRa]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

توني انصدمت صدمه العمر

امي صدمتني يوم شافتني اوزن جان تقولي هالميزان خربان الي بداري اليديد اوزني فيه

:eh_s(11): :eh_s(11): :eh_s(11): ايه ليش حاطيينه بالصاله اذا خربان

وزني الحين 81 :eh_s(16): الله يعلم جم كااان

ان شاء الله الاسبوع الياي اوزن باليديد​

 

[الغنادير]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

صبحكم الله بالخير

قبل كل شي اعترف اني مخبصه تخبيص بسبب نفسيتي مضايقه لاني احاول اترك هالعاده موقادره من اعصب واتضايق اكل جني مينونه ليش مادري احاول بكل الطرق ماقدر الله يعين
والسبب لأني رحت المستشفى وزرت الايتام والصغيره عائشه اوضاعها الصحيه صعبه وحالتها تقطع القلب :eh_s(11): الله يشفيها ويعافيها والي قاهرني محد من المسئولين تحرك :eh_s(14):
:eh_s(16):

وثاني شي الدوره كرمكم الله عامله عمايلها فيني شراهه موطبيبعيه

زدت كيلوين :eh_s(13):

^
^
^
^
ماله داعي اللف والدوران يالدبه :eh_s(13): :eh_s(14):

وإن شاء الله من اليوم بقاوم وبضغط على نفسي والله يستر​

 

[الطموحه]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

صباااااااااااااح الخير
شلووووونكم ؟؟؟
ما مداني اقرى الردود
بس قلت احط الوزن المفقوود ولي رجعة باذن الله

اسم المشاركة : bent-eldera
الوزن المفقود: 1كيلو

 

[GAP]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

غلولولولولولولولش >>>>>>> داشه بزفه شاميه

اول شي السلام شلونكم بنات وشخباركم
بالنسبه لي ... انا ما ادري جم بالضبط خلال اسبوع بس خلال 16 يوم نزلت 2 كيلو وضعفت 3 انش من الخصر
... يعني اتوقع بالاسبوع كيلو واحد
الفال حق باجي البنات ... الله يوفقكم
-------------------------------------------
* مانينا

عزيزتي بالنسبة حق سؤالج عن العشبه ....امي ما كانت تستخدمها للريجيم كانت تستخدمها للمناعه... بس وقفت منها علشان الريحه ... مع اني احطها بمرقه السمج عشان تضيع الريحه.. انشالله اكون افدتج

والشي الثاني واااااايد مشكوره على القصص والمواقع الحلوة اللي تحطينها صج تعطي دافع

* نيومام

(( استفرد فيني الشيطان وقص علي )) <<< لووووووووووووووووووووول

*بنت القبايل

الله يفرج عن اختج انشالله

 

[GAP]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

سوري يا بنات ما كنت شايفه مشاركه @رسامه@

اسم المشتركة : GAP
الوزن المفقود للاسبوع الاول : 1 كيلو

 

[jolie_q8]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

صباح الخير

نتيجه الاسبوع الاول = نزلت نص كيلو

وقررت قرار نهائي اني اغير الرجيم -بصراحه وايد متعب وكفايه ضغوط الحياة

هالنوب رجيم عله

المفروض اليوم يوم الخضار بس للحين ما اكلت ولا شي

وخدامتي مريضه من امس العصر واهي بغرفتها

وانا حايسه:eh_s(1):

 

[jolie_q8]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

الغنادير تصدقين توني ادري انج بحرينيه

عبالي كل هالمده اماراتيه

يا حلات البحرين واهلها ..انا كنت ادرس بالبحرين

وكنت ساكنه بالرفاع

 

[jolie_q8]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

ام اند ام << ترا باجر ببدي برجيم ديما اشرايج تبدين وياي

وانا اليوم مريحه شويه من الرجيم

ياللا اشوفكم بعد شويه بخلص شغل البيت << رياضه اجباريه

 

[GAP]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

jolie_q8 مبروووك النزول و اللله يعطيج العافيه

 

[om el7elwen]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

om el7elwen
الوزن المفقود نص كيلو وبس مع ان امسويه ريجيم السوائل 3 ايام بس خرته يوم الاربعا والخميس لان كان عندي عزيمة وما قاومت بس بنات سئلت دكتورة اتقول يمكن احبوب المانع اهيا اللي ماتخليج تنزلين ابسرعة ومثبته وزنج

 

[Brounzi_girlly]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

هاي بنوتات مانزلت وااايد بس كيلو
إن شاء الله هالأسبوع أنزل اكثر
مع تحيااااااااااااااااااااااتي...............

 

[انفال]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

السلام عليكم ورحمة الله...
نتيجة الأسبوع الأول ولله الحمد...بنات قووولوووا ماشاء الله اول الله يتمم علي............>>>>>>ما صارت يله خلصينا..









الأسم:أنفال ان شاء الله التوفيق للجميييييييع ياااااااااارب..
الوزن:66,9

 

[GAP]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

om el7elwen
Brounzi_girlly
انفال
مبروووك وعقبال باجي الكيلوات

 

[Brounzi_girlly]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

الله يبارك فيج GAP والله يسهل باقيلي 11 كيلو
مع تحيااااااااااااتي.............

 

[سمسميه]

رد: اللي راح يكون معانا دوم بيصير رشيق اليوم (( ارجو تسجيل نتيجة الاسبوع الاول ))

U][/u]اشلونكم يا حلوين
نتيجة الاسبوع الاول ما شاءالله 2 كيلو الحمدلله نزل بعد ماكان ثابت مده طويله
اسم المتسابقه:سمسميه
الوزن المفقود:2 كيلو

جولي
اي والله غيري هالرجيم المتعب ليش ما تسوين اتكنز؟
الغنادير
ما تنلامين دامم عليج الدوره وزني نفسج لما تخلصين منها
مانينا
يعطيج العافيه على هالصور التشجيعيه كثري منها تعطينا حماس
نيومام
هالمره تعوذي من ابليس ولا يقص عليج
ديما
ما شالله ان شالله دوم هالرشاقه
ام فيصل
يالله ميخالف بس حاولي ما تخربطين هالاسبوع
عبوره
ميخالف خلج على ميزان واحد علشان تعرفين اشكثر نزلتي