اللي راح يكون معانا دوم بيصير رشيق اليوم ( تم الاقفال )

[ساره ستايل]

رد: اللي راح يكون معانا دوم بيصير رشيق اليوم (( تعالو سجلو ))

مانينا منانا

واي نك نيمج صعب بلكتابة .. غصب كتبته
مايصير نختصره؟؟ توفيرا للوقت والجهد ( صج ابلة )

بالنسبة للبيبي.. انا ماقررت اسوي ريجيم الا لما نشف الحليب ابروحه
ولا قبل كنت ابلع بلع الله لا يراويج

 

[brat]

رد: اللي راح يكون معانا دوم بيصير رشيق اليوم (( تعالو سجلو ))

ساره ستايل
رجاءاً لا تييبين طاري الجيز كيك هنيه :\

dima
خل أشجعج شوي.. أصلاُ البنوك يبون وحده حلوه رشيقه بهية الطلعة (هذا تحبيط صار مو تشجيع لوول)

Maneena Manaana
ايه بس حميسة التونه تشبع، آنا اليوم كليتها الساعه 6:30 فما يعت أشوه :q عاد حلاتها بالمشروم والفلفل والطماط! يلا بالعافيه

 

[ساره ستايل]

رد: اللي راح يكون معانا دوم بيصير رشيق اليوم (( تعالو سجلو ))

بنات دشوا هلموضوع ترا فيه خلطة للجسم صج صج صج اتضعف
حتى ريلي لاحظ اني ضعفت

انا جربتها مرتين ..

دشوا شوفوا الموضوع والردود اللي جربوا هالخلطه

http://www.q8yat.net/showthread.php?t=54513

ويلله

سبتوكوا بعافية
بنام

 

[brat]

رد: اللي راح يكون معانا دوم بيصير رشيق اليوم (( تعالو سجلو ))

om el7elwen
سوري توني أشوف ردج.. آنا مابي أشوف رقم 7 :\، أوكي ناطرين رجيمج

ساره ستايل جم صارلج مجربتها؟ يلا sweet dreams, good night

 

[jolie_q8]

رد: اللي راح يكون معانا دوم بيصير رشيق اليوم (( تعالو سجلو ))

ماشاءالله - غطيت شويه الا الصفحات اشكثرها

عموما انا ما قريت كل الردود

بس بغيت ارد ع لى سمسميه (ام صمون الفلافل)

و ام اند ام << عارفه روحها طبعا

ردودكم مخالفه واذا تكرر راح اتوقف عضويتكم :eh_s(20):


رجااااااااااااءا : لا احد اييب طاري المغريات !!!!!!!!!!!!!

:eh_s(14): :eh_s(13): :eh_s(14):


ديماااااااااااااااااااااا

الف مبرووووووووووووووك وعقبال نبارك لج على الوظيفه والرشاقه و الزواج :eh_s(9):


ولي عوده لقراءة باجي الردود

 

[Maneena Manaana]

رد: اللي راح يكون معانا دوم بيصير رشيق اليوم (( تعالو سجلو ))

جولي شفيج ..خوو سولفنا عنهم عشان نزييد من اراادتنا وتحديينا خخخخخخخخ
قاعده افكر اشترك weight watchers بعد ما اخلص من البارز...جنه خووش شي ان شاء الله الاربعا بروح ذيج النواحي وبدش اخذلي فكرة عنهم

سارة ستايل... منينا زين؟؟ والا بس م عاادي اي شي خخخخخخ تعالي صج يعني هالخلطه عاد انا ماحب هالسوالف بس شكلها عجييبه.. اليوم كنت بجربها بس طلعت ان شاء الله الاربعا اجربها

برات...خوووش تونا طلعت بس ما اكلتها خليتها حق ريلي انا اكلت تونا مع نص ليمونه معصورة ونص خبزه سمرة وبصل خخخخخخ قعدت اقروش بصل
وااخر شي خلصت الخبزة وبقى بصل وتونه والله واحط البصله واحشيها تونا واكل ..اليوع ومايسوي

بروح العب تماارين .. أيييييييييييي طحتلكم على تمرين سهل سهل سهل حق الحجية اللي ورا لحظه خل ادور الموقع واحطه لكم

 

[Maneena Manaana]

رد: اللي راح يكون معانا دوم بيصير رشيق اليوم (( تعالو سجلو ))

http://www.weightwatchers.ca/health/wko/page.aspx?pageid=1030181

هذا موقع ويت وجرز...نزلوا تحت بالصفحه وتلاقون sample excercise demos طبعا هذيل نمونه ( من وين طالعه هالكلمه مادري لوول كلمة يدتي ولهت عليها ) المهم لان لازم اشترااك بس شوفوا تمرين ال butt سهل وحلو وخفيف وبنفس الوقت مفيد...

 

[رواحل]

رد: اللي راح يكون معانا دوم بيصير رشيق اليوم (( تعالو سجلو ))

مبروك التخرج ياديمه وعقبال الوظيفه السنعه

ومشكوره يابنت الديره على التشجيع ان شاء الله نستمر معاكم

منينا ودي اسوي رياضه بليل بس اتكيسل الحين قاعده اشوف التردمل وجنه مالي خلق بس بحاول
انتي باي ديره يمكن تكونين جارتنا!!!

 

[Maneena Manaana]

رد: اللي راح يكون معانا دوم بيصير رشيق اليوم (( تعالو سجلو ))

روااحل...تركي عنج الكسل كلها جم دقييقه

احنا جيراانكم بس بعاد شويه عنكم...في كندا

 

[رواحل]

رد: اللي راح يكون معانا دوم بيصير رشيق اليوم (( تعالو سجلو ))

كندا الله يعينكم على البرد
احنا ابعاد شوي وميتين برد شلون انتو

 

[aBoOoRa]

رد: اللي راح يكون معانا دوم بيصير رشيق اليوم (( تعالو سجلو ))

انا بعد وياااااااااااااااااااااااااااااااااااااااااااااااااااااااااااااااكم

انا وزني 77.5 <<<< اي قولي 80 وفكييييييييييييييييينا خخخخخخخخخخ

ابي اصير 60

طولي 163

ادعولي حتى انا توني تخرجت من الكليه ومتفرغه 100% لرشاقتي :eh_s(3): ​

 

[Maneena Manaana]

رد: اللي راح يكون معانا دوم بيصير رشيق اليوم (( تعالو سجلو ))

تعودنا لول عشنا بنااقص 48 و -49 ...البرد ايووووع
عفيا علينا صاامدين وصابرين ...
ماكو الا انا بالموضوع شكلكم كلللكم ناايمين يلاا خل اصك الدكان خخخخخ
المهم نوم العواافي وهالله هالله بالريوق الصحي والغدا المشوي وبلااش التخربط والتزرق...ونلتقي ان شاء الله الظهر بتوقيت مدينة الكويت وضواحيها :eh_s(17):

مع السلامة :eh_s(8):

 

[aBoOoRa]

رد: اللي راح يكون معانا دوم بيصير رشيق اليوم (( تعالو سجلو ))

لوووووووووووووووووووووووووول

Maneena Manaana الله يعااااااااااافيييييج​

 

[الطموحه]

رد: اللي راح يكون معانا دوم بيصير رشيق اليوم (( تعالو سجلو ))

صباح الخير بنات شلونكم؟؟؟
على فكرة ما قريت الردود كلهم لان وراي محاضرة واخاف اتاخر

dima
بس بغيت ابارك لاختي ديومه على التخرج :eh_s(17): :eh_s(17): :eh_s(17):
الف الف الف الف مليووووووووووووووون مبروك
ولا تحاتين الحفلة انا اللي مفكرة فيها بس قولولي الوقت واييب الزينه واكل الدايت والله يوفقج دنيا وآخرة

الداعيه الى الله
ان شاء الله دووووووووووم مستانسة يالغاليه
ذكرتينd بقول ((لو علموا فيها الملوك لقاتلونا بالسيوف))اعتقد البصري
الله يديمها عليج بالطاعة ,

وان شاء الله ارد لكم بعد ما اخلص محاضراتي
وسلامتكم

 

[الغنادير]

رد: اللي راح يكون معانا دوم بيصير رشيق اليوم (( تعالو سجلو ))

صبحكم الله بالخير

شخباركم مع طريق الرشاقه

وألف مبروووك لكل اللي تخرجوا :eh_s(9): بالتوفيق ياربي

والمغريات معذبتني امس اجرمت وكلت كاكوووو:eh_s(13):

واليوم في الدوااام كل اكل عذبوووني حرام

فطوري شاي وقطعة بيتزا صغيره ,,, ونص صمووونه
بس بعتبره فطور وغدا عشان مايزيد الوزن

​

 

[GAP]

رد: اللي راح يكون معانا دوم بيصير رشيق اليوم (( تعالو سجلو ))

صباح الخير بناااات واي الموضوع ينن يونس

الله يوفق الجميع في البدايه (( حق اللي يبي يضعف حق اللي تخرج وحق اللي يدور على وظيفه )):eh_s(9): :eh_s(9): :eh_s(9):

امس بالليل مت من اليوع جني اسبوع صايمه ... اموووت واعرف شسالفه جسمي كل ما ابي ابتدي ريجيم ينفجع

المهم وصيت اختي تييب لي من لوفات سندويشه اطقطق فيها (( لاني متعشيه بس سلطه فواكه ...فسمحت حق روحي اني اسوي حلقه ثانيه حق عشاي:eh_s(3): )).... المهم يابت لي سندويش تيركي خفيف ولذييذ ويشبع بس قلت حق روحي اقولكم عنه يا بنات يا حلوين :eh_s(15): :eh_s(15):

لاحظوا انها بدايه ريجيم ومن اولها تخربط بس اليوم انشالله مسلحه روحي عن جميع انواع المغريات و يايبتلي تبروير صغير فيه جزر وكرفس كل ماايوع ادعس بهالحلج ( واااي جني ابله مصريه):eh_s(6):


صج صج انا وايد مستانسه اني معاكم الله يوفق الجميع انشالله

 

[jolie_q8]

رد: اللي راح يكون معانا دوم بيصير رشيق اليوم (( تعالو سجلو ))

صباح الخير

انا بقر واعترف ان رجيمي حده صعب ويضيق الخلق

باقيلي يومين واخلص الاسبوع الثاني

وماكو نزول للحين ثابت

والله يعيني على الاسبوع الثالث والرابع << اشك اني راح اقدر اسوي الرابع

لانه انتحار

ام فيصل << انقذيني ... قدرتي على الاسبوع الرابع!! مافيه اكل ترا كلش !!


الغنادير<< يا هلا ومرحبا... عاد قايله اليوم بسأل عنج !! وبعدين ليش تخربطين ..حسافه !! نبي نزول نفس الشهر اللي طاف.. وصلتج الحبوب؟

bent-eldera<< هلا هلا-اشلونج وشخبارج؟ قررتي اي رجيم تمشين عليه والا بس تخفيف؟ وشخبار النفانيف المخصره والحزم :eh_s(20):

aBoOoRa << حياج الله ويانا .. وكلنا بهالوا سوا .. بس اهم شي الالتزام والحركه


Maneena Manaana<< الحين بشوف السايت..انا مع الخيل يا شقرا:eh_s(3):

رواحل<<بشري اشلون الالتزام والرجيم؟؟

brat<< اشلونج؟ انا اليوم غداي تونه ومن الحين يوعانه..انا احمسها بس ماحط مشروم ...


ساره ستايل<<يوميا تحطينها؟ جنه عباله!

وسلامي للجمبع ...سمسميه-الرسامه-الداعيه-نيومام-البرونزيه

وللجميع للحين ما حفظت الاسامي

موفقين حبيباتي:eh_s(17):

 

[سمسميه]

رد: اللي راح يكون معانا دوم بيصير رشيق اليوم (( تعالو سجلو ))

صباح الخير يا حلوين
\ديما
مبروك التخرج
جولي
ولو ان الفلافل ليسلحين بخاطري بس لا والف لا للمغريات
ساره ستايل
جنج انا لما وقف الحليب سويت رجيم
مانينا
الصراحه على هالبرد الي عندكم ما تنلامين لي حسيتي باليوع

باجي البنات اشلونكم؟

 

[jolie_q8]

رد: اللي راح يكون معانا دوم بيصير رشيق اليوم (( تعالو سجلو ))

GAP << علشان جذيه لو تسوين رجيم (نظام تمشين عليه وايد احسن من التخفيف) علشان تلتزمين وما تخربطين

وحاولي ما تاكلين عقب التسع هذا اذا كنتي تنامين 12-1 بالليل

على فكره بنات الجسم يقل حرقه بالليل


سمسميه << اشلونج حبيبتي وشخبارج؟؟

وشلون بوبو << يعني بوعباس

متى موعدج الياي!! وعفيه ابيج تسألينه عن اكتريم 2 اذا ينصح فيه

لانه ودي بس اخلص هالرجيم ابدي بالحبوب مع رجيم السعرات

ياللا وين الباجي ..قولولنا شلون يومكم


مستشاره قانونيه << بشري اشلونج ويا الكيميائي غالبج والا غالبته !!

 

[سمسميه]

رد: اللي راح يكون معانا دوم بيصير رشيق اليوم (( تعالو سجلو ))

جولي
موعدي ان شالله يوم 28 بس ويتنج!
ولا يهمج لا رحت باسال عنهم
والرجيم ماشي الحمدلله بس وزني صارله 10 ايام واقف ما ينزل