اللي راح يكون معانا دوم بيصير رشيق اليوم ( تم الاقفال )

[الطموحه]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

السلالالالالالالالالالالالالالالالالام عليييييييييييييييييييكم
ولهت عليكم !!!! وعلى سوالفكم !!!! وخرابيطكم!!!!
شلوووووووووونكم؟؟؟؟ ان شاء الله كلكم بخيييييييييير يا رب

انا سافرت دبي 4 ايام والسفر صار فجاءة حتى ما مداني اسلم على حبيباتي الرشيقات

اللي صار بدبي مطاعم وبلعة, وخربطت الدنيا فوق تحت ويوم شفت وزني بالفندق قلت: لالالالالالالا ميزانهم خربان عيل زايدة كيلووين <<< والحقيقة المره اول ما وصلت اتجهت الى ميزاني وكنت متوقعة اني ازيد بس مو كيلوووين!!!! فوزني زايد كيلو ونص ,,, كيلوووين لالالا كيلو بونينت تمانيه 1.8

المهم هذي صوغتكم لكل وحدة وسامحوني عالقصور
:eh_s(17): :eh_s(17): :eh_s(17): :eh_s(17): :eh_s(17): :eh_s(17): :eh_s(17):



الرسامة
والله ضاق خلقي عليج بس هذي قدرت ربج وعسى ان تكرهوا وهو خير لكم
وربي يوفقج في الدنيا والاخرة ويكتبلج السعادة بكل خطوة تخطينها



مانينا مانانا
ان شاء الله ما تفقدين غالي يالغالية
والحمد لله على السلامة مقدما وان شاء الله ننتظرج بالنفوف المخصر بالمطار وكل ورشيقة ماسكة وردة وبنفرشلج ذاك البساط الاحمر من المطار الى بيت امج ونقولها نجمة من نجمات هوليوود بتسلم عليج :eh_s(6):


شلووووووونكم باجي البنات ؟؟؟؟
وحياطم الله البنات اللي انضموا لنا؟؟؟

 

[dima]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

السلااااااااااااااااااااااام

الغنادير شلونج ؟؟ حتي احنا الكويت امس غبار

بنت الديره حمدالله على السلااااااااااااااااااااااااااااامه نورت الكويييييييييييييت

بنات انا اليوم اول يوم مع دياكو غداي عيش ابيض مع دياي بصلصه طماط بعد شوي بتغدا و اقولكم شلون طعمه

 

[el3azeza]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

هلوو بنات شخباركم؟
الحمدلله على السلامه بنت الديره والله فقدناج تو ما نو المنتدى:eh_s(3):
اهم شي وتاستج لااتحاتين هالكيلو انشالله بينزل:eh_s(6):

 

[رواحل]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

شلونكم بنات رشيقات

صاجه منينا

الخبز وايد والفاكه شويه
لذلك قررت ادخل في تحدي لمدة عشر ايام او9 اكلي راح يكون فاكهه وسلطات وايدام
وبشوف من بيغلب انا ولا الوزن منو بيدخل معاي

بس الي متردده فيه ان حايشتني نوبة حلو امس بغيت ابجي يدام ريلي بس احن عليه ابي حلو لو ما امس كان عاصفه ورحمته بس احس لحد الان ابي حلو واخاف ابدى هالعشر ايام اخق بسرعه وما ادري شسوي..؟؟؟!!

ابدي اليوم ولا باجر؟؟؟

اليوم الجو عندنا روعه 6 فوووووووووق الصفر والشمس طالعه شحلوها
بس يقولون ان الجو راح يقلب مطر وعواصف الله يستر


الحمدلله على السلامه بنت الديره شلون دبي عسى انبسطتي كتير هونيك

 

[Maneena Manaana]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

بنت الديرة حبيبتي الحمدلله عالسلامه... عسا استاانستو بدبي وأكلتي كل اللي خاطرج فيه خخخخخ عاد الحين خلااص يبدي الجد من جديد...

ديمة.. ها شلون الاكل عسى لذيذ؟!!

نيومام.. لا لاتحااتين الحزام مع نفنوفه موضته تبقى على مر العصور

سارة... اهم شي انه وزنج ما زاد.. وان شاء الله مع الايام بينزل

الغنادير.. ماتشوفين شر ان شاء الله .. انا نفسج.. سويت عمليه بالقدم وبعد 6 اشهر لما قدرت اني امشي لاحظت ان بداية الساق منتفخ .. قالولي ماي فسويت رياضه خفيفه حق ريلي وطبعا مع الضعف احس انه شوي فشت بس بين فترة والثانيه ترجع تنتفخ...والحمدلله على كل حال

جوريه شخباار الرجيم معاج؟؟ عسى كل شي اوكي

انا اليوم كنت كنننت مقررة اني بسوي رياضه خفيفة بس الجو اليوم مش ولا بد غببببرة بيضة والثلج لين نص الساق فالمدارس معطلينهم واليهال عندي بالبيت فما اقدر اسوي ريااضه...يلاا خيرة

جولي اين انتي يا صاحبة الظل الرشيق خخخخخخ لايكون حكرتي عمرج بالدار لوول

انا توني ماكله تبوله.. وجبة الضحى والغدا مادري شنو يمكن اسوي كفته

مع السلامه

 

[Maneena Manaana]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

رواحل انتو اي صوب في امريكا؟؟ شرق والا غرب؟
احنا اليوم هيفي سنوفول ورنينق بس مو البرد القوي الحمدلله

وبالنسبه للحلو... لا تحرمين روحج.. شوفي بالجمعيه اكو وااايد سوالف لو كالوري وأكو كتكات وارو وكادبوري 100 كالوري تلقينه بوول مارت اخذيلج كل يومين واحد ولا انج توصلين هالحاله بعدين عاد تنهدين هدة سنعة عالحلويات

انا ادخل معاج بالتحدي بس من يوم الاحد لان اليوم خلاص خلص والسبت ناخذه فري فالاحد اوكي بس انتي ابدي وانا اكمل معاج .. لاني هاليومين صايرة بس اكل .. انا فكرت اسوي رجيم الشوربة الصراحة.. مع اني اخر مرة ما ضعفت الا نتتتفة جنه 1 او 2 ما اذكر بس احس انه يعدل طريقة الاكل

مادري مني لي يوم الاحد يصير خير

 

[ساره ستايل]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

ليلحين ماقريت الردود اللي طافتني

ابي افظى عشان اقراهم

سي يو بنات

 

[ساره ستايل]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

سمسمية :
تسأل عنج العافية حبيبتي

مانينا : شكرااااااااااا جزيلااااااا عالزفه

لازم اقلل .. انا بلعاده من 1 - ثنتين همبرجر
بس ذام اليوم كنت حددددددددددددددي ميته يوع
فزدت الجيله

 

[ساره ستايل]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

رسامه : خيرة حبيتي
عسى ان تكرهوا شيئا وهو خير لكم

وزني ثابت (ادري مو وقته وانتي مالج خلق )

 

[@ الرسامة @]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

ماعليه حبايبي

اهم شي وزنكم لا يزيد
ولاتنسون انا احنا صارلنا مدة طويلة مع الرجيم


انا عن نفسي فقاعدة اعاني


من عقب المقابلة

الحمدلله افتكيت


بقى عندي درسي النموذجي خلال هالاسبوع

ادعولي اني اقدمها واتميز فيه يارب

 

[رواحل]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

حياج الله بالتحدي منينا
انا ببدى ان شاء الله من يوم السبت وانتي لحقيني على الاحد مو تتاخرين عاد

احنا في كنتاكي فوقنا اوهايو وانديانا بعدين متشقن
بينا وبين ترونتو في كندا 8 ساعات سواقه بالسياره
يعني تقدرين تقولين احنا بنص الشرق
يقولون في الاخبار انه في سنو باجر
بس الجو حده غير عن السنه الي طافت

 

[رواحل]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

على الكاكاو
صج ما اقدر تييني عرات لازم حلو ولا ازعل وتنقلب النفسيه فوق تحت
عشان جذيه قاعده افكر جديا اني اخذ بهالنصيحه و ادور شي من هالسوالف لا وبعد باخذلي كرتون معاي الكويت
عشان مايقصون علي ويمتنوني لا رديت

 

[الطموحه]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

الغنادير
سلامتج يالغالية ماتشوفين شر ان شاء الله


dima
الله يسلمج يالغالية الكويت منورة بوجودج
وشلون رجيمج؟؟؟ ان شاء الله لذيذطعمه؟؟؟
وبالعافية


joreeya
ما تفقدين غالي ان شاء الله,,,المنتدى منور اصلا بوجودج:eh_s(6):


رواحل
الله يسلمج الحمد لله كانت سفرتنا حلوة نوعا ما


Maneena Manaana
الله يسلمج ,,,,ايييييييييييييييي عااااااااااااااااد بس من باجر ببدي ان شاء الله وقاعدة افكر برجيم امشي عليه لان عندنا مناسبات بهالشهر وانا ابتلشت بهالمتن


الرسامة
ربي يوفقج ويكتبلج التوفيق بكل خطوة ان شاء الله ويعجبهم الدرس النموذجي ووورك هارد واذا بغيتي مساعدة ترى احنا نعين ونعاون ولا يردج الا كيبوردج :eh_s(9):

 

[supermarket]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

شلونكم بنات

للاسف اني امس واليوم مخربطة لان كنا البر
بس مو وايد


ووزني لهذا الاسبوع - 2 كيلو و100 غرام

 

[dima]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

الله يوفقج الرسامه

الحمدالله بنات غداي كان لذيذ بس الكميه ششششششششششششششويه لوول

و كان السناك كاكاو و كان لذيذ

بعد شوي عشاي شوربه كوسا مع 2 توست اسمر

ليلحين الاكل زين نشوف باجي الايام لووول

اي صج ومشيت بالجهاز بعد

و انتوا بنات شلون الرجيم ؟؟

 

[@ الرسامة @]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

بنت الديرة تسلمين حبيبتي على تشجيعج لاخلا وعدم

 

[@ الرسامة @]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

لم يتبقى على يوم السبت الا












سويعات قليلة





فهلمو لتسجيل الوزن









@ الرسامة @

 

[Sweety]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

شلونكم بنات رشيقات : )

بصراحة كسرت خاطري رواحل ،،، شنو هذا مو ريجيم هذا تعذيب ..!!

أنا دارسه تغذية و المتان حيييييييييل نعطيهم يوم فري يعني ياكلون اللي بخاطرهم بس ما يكثرون يعني لقمة من كل شي انحرموا منه : )

و إنتي مو وايد متينه يعني تقدرين تكافئين نفسج بيوم فري كل اسبوعين إذا خايفة ما تمسكين نفسج ....

و طبعا هذا مو علشان مكافئه بس ،،،، علشان الجسم ما يدخل بمرحلة صدمة و يوقف الوزن و هذا اللي يحصل بعد الريجيم لمدة اسبوعين : )


و الكاكاو أو الحلاو قبل الدورة الشهرية بيوم و اثنائها عاااااااادي بس مو وااايد ،،، يعني قطعة اصبع بس ،،، لأن الجسم يفقد دم و يفقد معاه السكر فيحتاج الجسم سكر للتعويض

و بعدين و إنتوا تشتغلون بالبيت ربطوا بطونكم علشان تساعدون المعدة إنها تصغر ( من تجارب ماما )

و إن شاءالله تستفيدون حبيباتي من نصايحي

و ادعوا لي انزل 5 كيلو و أصير صج رشيقة و زوجي يستانس ،،، لأن كل ما قال لي ضعفي ألبس كعب علشان يبين علي ضعفانه : )

تحياتي

 

[dima]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

وناسه سويتي يعني انتي دكتورة تغذيه ؟؟

عشاي كان زين الحمدالله

 

[*سكون*]

رد: اللي راح يكون معانا دوم بيصير رشيق اليوم (( ارجو وضع نتيجة الاسبوع ال 3))

هلااااا بنات شلونكم ؟
اليوم الحمدلله التزمت وما خربطت وان شا الله نعوض الأيام اللي راحت
باجي 4 دقايق ويصير يوم السبت بس ما أبي أوزن الحين باجر أول ما أقوم من النوم أشوف وزني وأكتب النتيجة.. وان شا الله خير لنا كلنا