اللي راحوا و بيروحون لندن في سبتمبر

[كريستال]

السلام عليكم بنات لندن

شلونكم

مادري اذا تذكروني من تجمع لندن 2009

بسالكم عن لندن في سبتمبر شلون الجو

اقدر اطلع بيبي معاي وشنو اللبس المناسب والزحمه تهقون بيكون زحمه مثل 7 و8 قبل

واهم شي

شلون السوق البضايع بتكون بس شتويه مابي اشتري شتوي مو من طول شتانا


وتحياتي لكم يالغاليات:tek:​

 

[LA TROO7]

هلا وغلااا بالغاليه شلوونج ؟؟

انا مجربتها بسبتمبر تهبل العرب اقل والسووق على راحتج مافيه زحمه بس الهايد بارك تكون فااااضيه

والطفل باي وقت عذااااااب خاصه اذا كنتي نفس نووعي تحبين طول اليوم من مكان لمكان

والجوووو زين وبارد بالليل

 

[كريستال]

رد : اللي راحوا و بيروحون لندن في سبتمبر



هلااا والله

فدييييتج والله انج اصيله وبنت اجاويد


تسلمين حبيبة قلبي


ماقصرتي .. لاخلا ولاعدم

 

[روح عاشقها]

شوفي حبيبتي بعد العيد تنترس خليجيين
اللي اجلوا العلاج عشان رمضان وهذا صار معاي العام سافرت ثالث يوم العيد و4 ايام واحنا ندور شقة
الجو حلو الصبح بس بالليل باااااااارد والسوق شتوي وشوي فيه تنزيلات
والبيبي لازم تدفينه على طول لان بردهم مايغشمر

 

[كريستال]

رد : اللي راحوا و بيروحون لندن في سبتمبر


روح عاشقها

ماشاء الله العرب ورانا ورانا

تسلمين حبيبتي على الرد جزاج الله كل خير

الليل بنخش والبيبي ههههههههههه مالنا طلعه

 

[mr000]

السلام اشلونكم لندنيات..آنا هم رايحه ب7/9 ان شاءالله..ومادري شنو آخذ لبس..القمصان اللي شريتهم صيفيه..يعني اشلون ماراح ينفعوني؟؟حتى لو البس تحتهم بدي وعندي جاكيت خفيف مال مطر..كافي؟وإلا برد وايد..ياريت تقولون لنا..بليييز..مشكورين حبايب قلبي ماتقصرون..كريستال حبوبه كم من 9 ان شاءالله بتروحين.؟؟

 

[كريستال]

رد : اللي راحوا و بيروحون لندن في سبتمبر

وعليكم السلام

مرو

هلا وغلاا


7_9 يعني قبل العيد

انا سفرتي يا اول او ثاني العيد

والبس عبايه ماعرف شلون بيكون شكلي مع جاكيت المطر هههههههههههههه

باخذلي من هناك جاكت

والله ياحياتي ضايعه مثلج وانطر ردود البنات

 

[mr000]

كريستال آنا سفرتي اللي طافت كنت ألبس عبايه وتحتها بنطلون اسود حق الحركه وصعدة القطارات احسن وهم عن البرد يدفي البنطلون..بس هالسنه بنتي حنت علي قالتلي اشتري قمصان طويله مع بنطلونات..وبجرب..يمكن البسهم وألبس فوقهم عبايه ههههههه..

 

[كريستال]

رد : اللي راحوا و بيروحون لندن في سبتمبر




العبايه مريحه والله

انا البسها والبس بنطلون تحتها احلى شي العبايه اللي جنها ثوب مو مفتوحه

البسي اي شي تحتها محد يدري هههههههههههههه

 

[$$ ام فهد $$]

هلا وغلا بالحلوين

انا بعد مسافرة معاكم 8/9 ان شاءالله يعتمد شكون يا اخر يوم رمضان او اول يوم العيد

نفسكم محتارة بالجو وشنو اخذ معاي بس باخذ معاي شال وجاكيت

 

[عجايب00]

مثلكم ومعاي طفلين ومحتاره شو البس وشنو البسهم هم 11سنه مايطيق اللبس الربيعي ولا الشتوي و8 سنوات حيل براده وتحب الدفاء

 

[mr000]

عجايب آنا قبل السفره باسبوع ان شاءالله بشوف الجو عندهم بالانترنت لان يطلعلج حالة الجو حتى لي كم اسبوع جدام..عندج موقع bbc.weather العام هم نفس الحاله بشهر 4 كنت محتاره أول مره أروح بهالوقت ومعاي ولدي ماعرفت شنو أحط لبس فشفت بهالموقع..ان شاءالله إذا الله سهل وقربت السفره راح أشوف وأقولكم..

 

[mr000]

هذا سايت الجو بلندن http://news.bbc.co.uk/weather/forecast/8?

 

[كريستال]

رد : اللي راحوا و بيروحون لندن في سبتمبر


ام فهد وعجايب ومرو

اتوقع الجو بارد ولازم شال وفانيله وجاكيت ودلاغ ههههههههه بنقلب عيايز

بودي معاي ملابسي الشتويه اصلا مو من البرد اللي في شتانا خل اكدهم


مرو

هالسايت انا دوم عليه وينفع فالسفر

 

[كريستال]

رد : اللي راحوا و بيروحون لندن في سبتمبر

انا كنت في لندن من كم سنه فسبتمبر بس اوله

كان برااد والعرب خفوا حيل

والهايد بارك رووعه بارد وريحة العشب الصبح اتينن

 

[mr000]

كريستال شوفي الصوره اللي آنا حاطتها هذي الهايدبارك بشهر 4 خاليه الناس ينعدون عالاصابع بس الجو يهبل وبااارد..وعالملابس أكيد لازم آخذ ملابس داخليه دافيه..مالي خلق امرض هناك..كلها 8 أيام يالله نركض بالسوقه :RoadRunner:

 

[$$ ام فهد $$]

مرو

واي تهبلين الله يعطيج العافية على الافادة

الله يتمم عليج عاد كل ما تميتي عطينا شي فيدينا احنا خواتج

 

[$$ ام فهد $$]

كريستال وعجايب ومرو

عاد انا بالسوق هناك اذا شفت كويتية بقول بصوت واطي مرو ولاكريستال ولا عجايب

شكلي بدوركم وانسى السوق

 

[كريستال]

رد : اللي راحوا و بيروحون لندن في سبتمبر

ام فهد

انا قطريه فديتج

لو شفتي قطريه ادز عربانه ومتدودهه وجنطتها مفتوحه هذي انا ههههههههههههههههههه اشكره بجكيني

 

[miss_british]

السلام عليكم ..


بنات الجو بيكون البرد بس بليل بس بالنهار حلو



يحليلنا صرنا مجموعه اللي بيسافرون بالعيد وناسه


ام فهد انا بعد 8-9- انا على البريطانيه وانتي ؟؟