اللي راحوا صلالة .. استفسار بخصوص التذاكر

[عالي مستواها]

السلام عليكم

انا اخذت جولة بالنت على بعض خطوط الطيران يعني بغيت اسوي مقارنة بالأسعار لتذاكر صلالة شفت الجزيرة والخطوط العمانية توصل التذاكر فيهم لـ 200 دينار روحه ورده وكلهم فيهم ترانزيت لمسقط أو دبي

طيب منو تعرف خطوط طيران أسعارها أرخص .. وأفضل بدون ترانزيت بس مو شرط ..
سفرتي ماراح تطول أقل من سبوعين فمستخسره هالسعر صراحة على التذاكر


بعدين شنو احسن الأماكن بصلالة .. شتنصحوني ازور هناك

 

[غاليه]

حبيبتي انا انشالله بروح صلاله بتاريخ 8 / 8 حجزنا لمده اسبوع وعلي الكويتيه روحه ورده ودايركت الشخص 155 واليهال 124 دينار وسمعت ان الفندق هناك كراون بلازا + هيلتون 42 دينار

 

[عالي مستواها]

غالية أي طيران بتروحون عليه ؟

الخطوط الكويتيه مالها رحلات لصلالة بس مسقط توني داشه موقعهم

بليز جيكي اي طيران لانه انا ما حصلت بكل الخطوط دايركت كله ترانزيت ويوصل الــ 200

 

[أحلى همبه كويتية]

يقولون كله قارص
واي بروح اتونس وغلا ارجع احك من القارص اللي ياكل الجسم

لاتنسون تاخذون بخاخ وكريم القارص عن الحسافة والوهقة هناك
الله يعينكم

 

[عالي مستواها]

مشكورة حبي الهمبااا على النصيحة


للرفع

 

[Om JooD]

للرفع


لاني بسافر لصلاله

وبغيت اعرف احس الاماكن والفنادق ابليييييييييييييييييييييييييز

 

[Om JooD]

للرفع

 

[Ocean]

ياريييت اتفيدونااا

 

[صـــــدف]

ياعيوني انا رحت لها من سنتين ونص تقريبا

تهبل الطبيعة خياااااااااااااااااااااااااااااال

وربي فكرت كيف الجنة سبحان من خلقها وابدع فيها

اما السفرة كانت عن طريق البحرين (( اما التذاكير والخرابيط مااعرف فيهن زوجي كان مدبر كل شي ))

فاسمحي لي ..

رحت البحرين وعلى الخطوط العمانية

بصراحة معاملتهم مره رهيبة ويدلعون الصغار هدايا وحركات

ومن البحرين نزلنا مسقط لان مافيه رحلات دوليه على صلاله وقتها والحين مدري عنهم

مطارهم صار دولي او لا بس بصراحة مطار صلالة مايشجع يكون دولي بسيط جدا

المهم نمت بمسقط ومن بكره طرنا على صلالة

والله من دخلنا اجواء صلالة والموضيفات يقولون لنا افتحوا الشبابيك

وكان المنظر خيال غيوم ورذاذ خفيف

وجلست بصلالة اسبوعين وكلها مطامر من مكان الى مكان طبعا مو بالديرة

الى للبران فيها .. ماتتخيلون الاماكن والطبيعة هناك هباااااااااااااااااال

اما الديرة عادية جدا واقل

ونطلع من الساعة سبعه من حلاوة الجو الى اذان المغرب

كانها طلعت بر وبعدها نرجع ونتعشا وننام

ومرات ارد مبكر ونرتاح ونطلع الى مهرجانهم اللي بالديرة كبير مره

وفيه فعاليات حلوة

اختي لاتنسين تاخذين خريطة صلاله من عندهم من المطار

لانها راح تغنيكم عن السؤال وواضحة مره وسهله

والمناطق اللي زرتها هناك

عين زرات او رزات ملخبطة بالاسم ..

عين حمران ..

عين آثوم ..

عين طبراق ..

عين جرزيز ..

جبل اتين ..

وادي دربات ..

عين صلحنوت ..

ورحنا لقرية قريبة مره اسمها مرباط ..

ورحنا نوافير المغيسل .. << كثير يطلعونها بالتلفيزيون

ورحنا طاقة ودخلنا المتحف ..


وهذا اللي ذكرته السموحة منك ..

عارفه اني طولت بس حبيت افيدك ..

ربي يوفقك ويوقفنا

:
:

الله يسهل عليكم ..​

 

[عالي مستواها]

مشكورة صدف

بالعكس كلامج حييل فادني

الله يعطيج العاافية

 

[Ocean]

مشكوره على هالمعلومات

 

[حسايف*]

للرفع
بنات عفية اللي راحو عطونا معلومات اكثر