اللي راحوا سنقافورا يدخلون بليز

[دموع الذهـب]

السلام عليكم حبايبي

أنا توني حاجزة حق سنقافورا بس ابي اللأماكن الحلوة اللي فيها والمطاعم وفيها حمامات سباحة مثل (صنوي لاقون) اللي بماليزيا عفية بنات قولولي وين أروح وشنو آخذ معاي من أغراض لأحدي حدي متوقة بروحون معاي أهل زوجي وبناتي وأبي أبيض وية زوجي جدامهم

 

[bombo]

ماادري سافرتي ولا لي الحين اذا لا في جزيره سياحيه تروحيلها بس نسيت شنو اسمها هذي تقعدين فيها من الصبح لي المغرب بس فيها اكويريوم و فيها عروض سالي عنها هذي الرحله صج لا طوفكم
حديقة الحيوان مالتهم حلوه
نايت سفاري حديقة الطيور
هذا اللي اذكره بس صج سنغافوره اتتتتين و خصوصا حق التسوق و الماركات بس ترى مو مال طولين فيها حدج 5 ايام بس والله انا اشتاقلها وايد

 

[سنفورة]

جزيرة سنتوزا لاززم تروحينها واحسن شي بالتلفريك اذا ما تخافون لان وناسة احسن من السيارة اي وعندهم المنطاد بعد بس ما مدانة نركبة لان قعدنا بس 3 ايام

وعندج المطاعم اللي يم النهر يسمونها ريفر سااايد عجيبة مطاعهم غريبة

دخلي موضوعي مثبت بدول شرق اسيا انشالله يفيدج

 

[dr_ydentist]

عزيزتي بخصوص سنغافورة وبختصار شديد ,, عندج السنتوزا آيلاند وهذا يوم وثاني يوم روحي النايت سفاري وعندج حديقة الطيور وطبعا سنغافورة كلها تسوق في تسوق ماعليج إلا تسكنين في orchard street وكل الأسواق يمج وفي سوق كبير إسنه Suntek city
وبالنسبة للأماكن السياحية في كل فندق راح تلقين مكاتب سياحية .