اللي راحوا ديزني

[DoOoOoha]

السلام عليكم ورحمة الله وبركاته

شلوووونكم كويتيات

حبيباتي باين من العنوان ياريت ياريت اللي راحات ديزني ولا سمعت احد راح تحط تجربتها اهني

انا ميته على ديزني بس ما ابي اغامر

ابي اعرف احسن وارخص سكن شنو فيها ديزني مميز يعني تحطلنا تجربتها وتقول شنو السلبيات عشان ما نسويها

عفيه بنات لا تخلووووني ابي تجاااااااااربكم

 

[منورة الكويتية]

شوفي موضوع مسافرات امريكا راح تستفيدين وايد

 

[DoOoOoha]

الف شكر لج حبيبتي منوووره

رحت للموضوع قريته حيل متشعب

انا ابي ديزني بالذات ياريت احد يكلمني عنها

ويسنكم كويتيات فزعتكم شلووون ديزني واسعارها رحتوا ولا لا ؟؟؟؟؟

 

[طوق الياسمين]

طيب تبين ديزني في وين؟؟باريس؟؟ولا هونغ كونغ؟؟ولا فلوريدا ؟؟ولا كالفورنيا؟؟

 

[DoOoOoha]

مادري تصدقين توني ادري انها متنوعه

طيب احسن واحلى وحده ايهي انا ما حجزت للحين بشوووف شنو رااايكم

ابي معلومات عن ديزني بس كل وحده تكتب اللي اهي راحت لها

 

[om mido]

الصيف الي طاف رحت دزني
وقعدت 4 ايام بدزني(فلوريدا ) و3 ايام بدزني كروز يعني اسبوع وكلفني 14 الف دولار كندي هذا السعر شامل كل شي تذاكر وسكن واكل وشرب ومشتروات يعني هالمبلغ سعر سفرتي كلها الي مدتها اسبوع وطبعا انا طايره من كندا ليه دزني يعني مو من الكويت

كنت قاعده ب كريبيان ريسورت وكان ماشي حاله واصلا الغرفه كانت فقط للنوم يعني كلش ما قعدنا فيها لان نطلع من الساعه 9 الصبح وما نرد الا على ال10 او 11 وعلى طول نتحمم وننام وثاني يوم نفس الطريقه
وطبعا كنا نتنقل عن طريق الباص لمدن دزني توقفين في محطت الباص وتشوفين الباص وين رايح اي مدينه وهذا طبعا يكون مدفوع من ضمن الرسورت
وبالنسبه للمدن عشان يمديج تزورين كل مدينه لازم تنضمين وقتج وتشوفين الخريطه قبل لا تطلعين من الغرفه
وانصحج بالكروز لان شي روعه واذا عندج عيال راح يستانسون بدزني وبدزني كروز ويمكن بالكروز اكثر انا عيالي عجبهم الكروز واايد والمميز فيه انهم حاطين نوادي لليهال يعني لكل سن له نادي معين وتحطينهم واهمه يهتمون فيهم من اكل ولعب وكل شي ويعطونج بيجر عشان اذا احتاجوج يدقون عليج وانتي تقدرين تاخذين راحتج مع ريلج وعيالج بامان

اييه من الشغلات الحلوة وخصوصا اذا كان عندج بنت ومهتمه بالبرنسس عندج قصر سندريلا تقدرون تحجزون فيه عشا اهو يمكن يقولج مافي حجز لان فل فاذا قالولج جذيه اخذي حجز لليوم الثاني او الثالث ولا تطوفين انا بنتي هيصت لما ادخلت وخصوصا ان تكون سندريلا داخل وتصورون معاها وبعد اذا عندج بنت وحابه هالشخصيات عندج محل في داون تاون دزني اكبر محل يبيع شغلات دزني وتلقين داخله صالون للاطفال البنات يعني تختار بنتج البرنسس الي تبيها ويدخلونها ولبسونها ويسون شعرها ومكيجونها وتطلع لكم (سويت حق بنتي وبنفس اليوم راحنا تعشينا بالقصر حدها استانست صدقت انها سندريلا )

وطبعا راح يكون حر حييل فعلى طوول بطل الماي معاكم
وعندج الالعاب اذا شفتي زحمه على الدور تلقين يم اللعبه مكاين للفاست باس تروحين وتقطعين على عدد الانفار وعقب تشوفين الوقت الي معطينج اياه يعني مرات يقولج من الساعه 1 ليه 2 يعني يحددلج الساعه انتي هنيه ضبطي ساعتج وروحي لعبي شي ثاني ليه اييه وقتج للعبه الي حجزتيلها عشان لا تضيعين وقتج بالنطرة

امممم
هذا الي اتذكره
وادري قرقت واايد
بس شاءالله تستانسوون لانها سفره ماراح تنسونها
واذا عيالج كبار شوي احسن بعد عشان لا تتاذين معاهم

 

[اميرة الغيد]

انا رحت بالصيف حق يورو دزني اللي في باريس
بصراحه انا ماكنت ساكنه عندهم احنا كنا في وسط باريس حوالين الشانزليزيه بفندق كونكورد لافاييت
والطريج من الشانزليزيه لما ديزني تقريبا 35 دقيقه بالاندر غراوند يعني اهيا بأطراف باريس على حسب معلوماتي
لما وصلنا شفنا ان اهيا مدينه كبيره حيل مقسمه الى 3 أقسام لكل قسم مدخل
القسم الاول مدينة الالعاب القسم الثاني اسمه ستوديو واهوه عن كيفية صنع افلام الكارتون والقسم الثالث فيه المطاعم والمحلات وهالقسم بس دخلته ببلاش ويبيعون فيه اشياء تذكاريه عن دزني اللي سعرهم بالنسبه لباريس معقول
القسم الاول اللي اهوه مدينة الالعاب اسمه disney land دخلته على ما اذكر ب 50 يورو يعني 20 دينار بدون الالعاب والتذاكر حسب عدد الايام يعني اذا عدد الايام اكثر يقل سعر التذكره
دخلنا ديزني لاند حاطين حق كل شخصيه كرتونيه مدينه مصغره والعابها فيها وديكوراتها تخص هالشخصيه وزحمه موطبيعيه وقتها على الالعاب يمكن لأنا رحنا بالصيف وتشوفين ناس ملبسينهم لبس الشخصيات ويفترون بالحديقه واليهال يصورون معاهم ويلعبون وياهم بعفويه ويمر القطار فيه الشخصيات يرقصون ويغنون مثل الكرنفال .ما ادري هالحكي كل يوم والا بس اليوم اللي رحنا لانه كان يوم الاحد .
احلى شي عجبني المحلات فيها بسكوت وككاو على اشكال شخصيات دزني وتي شيرتات وهذي احلى ذكرى.

 

[DoOoOoha]

وااااااي وناااااااسه احس اني تشوقت زياده من حجيكم

انا خاطري اروح لها هالعطله مالت الربيع

بس شنو تنصحوني فيه من ناحية الفنادق الارخص

واذا رحنا نلقى مترجمين يساعدونا على الاقل لاني مو ذاك الزود بالانجلش واخاااف اتوووه


مشكوووووورين حبايبي على معلوماتكم

في ميزان اعماللكم يارب

 

[lolo6688]

انا رت ديزني يورو الي بفرنسا
وماقعدت بفنادق دزني
قعدت بوسط باريس بالشانزيليزيه بفندق كليفورنيا
بس دزني يبيلها اكثر من يوم لانها كبييييييييره ماراح يمديج تخلصينها
فنصيحه حجزي من فنادق دزني احسن وقعدي عالاقل3 ايام واخذي تذكره حق 3 ايام لان تصير ارخص من اليوميه

 

[DoOoOoha]

الله يجزاج الف خير اختي لول على النصيحه

وشاكره لج معلوماتج

 

[بنت حمايل]

السلام عليكم ورحمة الله وبركاته

شلوووونكم كويتيات

حبيباتي باين من العنوان ياريت ياريت اللي راحات ديزني ولا سمعت احد راح تحط تجربتها اهني

انا ميته على ديزني بس ما ابي اغامر

ابي اعرف احسن وارخص سكن شنو فيها ديزني مميز يعني تحطلنا تجربتها وتقول شنو السلبيات عشان ما نسويها

عفيه بنات لا تخلووووني ابي تجاااااااااربكم

اهلين حبيبتي

انا صراحة رحت لديزني لاند فرنسا 3 مرات وودي اروحلها بعد اخر مرة شهر 5 اللي فات وما اروح لها بالصيف لأني جربتها مرة ولاعت جبدي ، ومالت امريكا واليابان ما يمدحونها ، بس جد جد وناسة ورخيصة اذا سافرتي على الطيران klm او القطرية والفنادق في داخل الديزني وفي بره انا جربت اثنينهم وما فرق وياي لأن حتى البره راح تلقين الباص 24 ساعة واقف ناطرج مجانا يوصلكم لباب ديزني ومو بعيدة الا 3 دقايق بس

 

[بنت حمايل]

ودي احطلج صور بس ما اعرف اشلون

 

[بنت حمايل]

up
up
up

حطيتلج صور ان شاء الله باينين​

​

 

[Simply_The_Best]

أنـا رايحـة باريس و هونج كونغ و أمريكــا ............ الأصليه طبعا ً و الي ما تقدرين تقارنينـها حتى بباريس أو هونج كونغ هـي ديزنـي فلوريدا ... بس تـرى السفرة لأمريكـا مو بسيطة و هينه مثل ما تصورينها ... لازم تسوون الفيز و هــذا ياخذ وقت و مقابلة و بعدين عنـدكم ميزانية جيدة جدا ؟ الطيران طويل حوالي 12 ساعة كم الكويت إلى نيويورك و بعدين 3 ساعات داخلي إلى فلوريدا ... و إنتي قلتي عطلة الربيـع .... حج عطلة الربيع ما ينفع تـروحين أمريكـا .... لأن الوقت قصير حرام ! ... يبيليج شهـر تقعدين هناك اذا رايحين أمريكـــا لكن !! اذا بتروحين حج عطلة الربيع روحـي بـاريس بس الله يعينكم على البـــــــرد !!! أنا رحت لها بعز البرد شهـر 3 كله مطـر و مـوت بـــرد


أما ديزني اليابان فهي الأروع !!! الأمريكـان نفسهم يقولون جذيــه ... بس غاليـــــــــــــــــــــــــــــــــــــــــــــــــــــــــــــــــــــــــــــــــــــــــــــــه حتـى على الناس الي حالتهم ممتازة ... بشكل عام اليابان غالية ... يعنـي اذا بتسكنين بفنـدق عادي و غرفة عادية لشخصين أرخص شي تكلفج الغرفـة 120 دينـار !! قيمـة فيلا كاملـة في أمريكـا



شـوفي هـذا جـزء بسيط من الصـور الي صورتهم هالسنة بهونغ كونج .... نشـوف

هــذ عـرض هـاي سكـول ميوزيكــال ....... نزل علينـا مطر ما شفت مثله بحياتــي حتى من قوته اليهال قاموا يبجون من الخرعـة :dddds:

هـذا مـدخـل لعبـة ( بــز لايت ييــر ) Buzz Light Year

نطرنـا بالطابـور حوالي 5 دقايق عشان نصـور العيال مع الشخصيـة

المحــلات تشـوق هنــالك

عــرض داخلـــي اسمه Golden Mickey

 

[كويتيه مزيونه....]

--------------------------------------------------------------------------------

حبوبه والله انا رحت كلفورنيا ورحت دزني وهليود وااااااااااايد حلوه

للياهال والكبار عجييييييييييييييييييييييبه وبذات دزني للاطفال العروضات
اللي يسونها بره والجراقيات انا كبيره ونينيت عليهم
والله نصيحه من اخت لاخت مالج الا دزني والله
عجيييييييييييييبه روحي واذا ما عجبتج تعالي جابليني
احلى منها ماكو من الالعاب ومن فقرات يسونها وسياررات
وراكبين عليهم شخصيات دزني ويرقصون وناااااااااااااااااسه حده والله
ولا تروحين الا اللي بكلفورنيا لانه اهيا الاصليه واهيا اكبر وحده
حتى الالعاااب ما تقدرين تركبينهم كلهم من كبرها
وركبيهم لعبة نيموو عجيييييييييييييييييبه
احنا لما رحنا كانت لعبة نيمو توهم امبطلينها
وركبناها عجيييييييبه بمعنى الكلمه

واذا عندج اي استفسار عن دزني وهليود انا حاضر
وان شاء الله استفتي وان شاء الله تستانسون برحلتكم

ترى الاسااااااااس اللي بكالفورنيا

نصيحه اتروحون اللي بكلفورنيا عجييييييييييييبه

 

[Simply_The_Best]

السلام عليكم ... كويتية مزيونـة .. تـرى حتـى الي بفلوريدا كبيرة و أصلاً الأساس الي بفلوريدا ( ـورلانـدو ) و هـي أكبر ديزنـي بالعالم و تخلصينها على راحتج 4 أيام بس مالت كاليفورنيا تجي الثانيـة و تحتاجين فيها يومين بس هم بعـد حلوة و لها طعم ثاني غير فلوريدا والسبب الجـو الجو أحلى بكاليفورنيا بس فلوريدا رطوبـة ....

 

[كـلا كـلا]

انا رحت اللي بفرنسا اول العام
بس ما سكنا بالفنادق
زرناها يوم واحد بس
تونس بس زحمة حيييييل عالالعاب لان احنا رايحين شهر 7
حلوة حيل وتستاهل تروحين لهاااااااااا
الله يسهل دربج

 

[ظلال القرآن]

هلا اختي
نا رحت الي في باريس وكنت قبلها في يوربا بارك
عيالي حبو دزني اكثر

 

[om_3azoz]

انارحت ديزني باريس مرتين قبل سنيتن بس كنا رايحين 3 ايام فرنسا وقعدنا بفندق بالشانز الماريوت وهل سنه رحنا بعد بس كنا امأجرين شقه بلاديفانز تقريبا بعيده عن دزني بساعه الا ربع رحناله بمتروو بس ونااسه حده
التذاكر على مااتوقع 50 يورو مادري اكثر مومتاكده بالضبط بس الراحه حلاته تحجزين بفندق دزني لان يصكرون مبجر ايمدني تلعبين
لان احناا تقريبا عند كل لعبه نووقف ساعه وشي ومالعبنا كل الالعاب من كثر الزحمه والعالم جنه نمل لووول بس خيالي وشخصيات واستديوو شلون يسون الكرتون حده روعه وطبعا سوقهم عجيب دشي واشتري انتي بس ولاتفكرين بشي ثاني


بس نصحه اذا فكرتي اتروحين قعدي بالفندق نفسه على الاقل 3 ايام عشان يطلع عليج ارخص سعر التذكره لان غالي ومايبيله يوم واحد ماراح يخلصون الالعاب ونصيحه ثانيه لاتروحين شهر 6/7 /8 روحي على شهر 5 او 4 او 3 يعني انه مايكون في سواح

 

[الاسطورية]

اي ديزني ماحددتيرحت مال فرنسا مرتين يهببببببل يهبل لاتسكنين برخيص وايد سكنت اول مره برخيص نظام مكسيكي شاليها موحلووووووو فاشل

الثاني كان حلو وزين اسمه في حرف السين والكاف بس ناسيه شنو بالضبط لوتحطيلي لسته فنادقهم اعرفه

تقومين من الصبح تروحين الباص للساعه 12 العاب ناريه بليل بس انتبهي قبل الالعاب الناريه لازم تركبين الباص لان مايي بعد الالعاب الناريه اذا كان فندقج بعيد


لاتطوفينها احلى رحله بالعمر ولاتنسين اخذي من الكويت التكت السريع لان نطره الطابور كل لعبه مليقه فمسوين فاست تكت