اللي راحت مصر قبل يا ليت تساعدني

[دلوول 2006]

بروح مصر بعد أسبوع
أول مره فرجاء اللي يعرف الأماكن الحلوه للعايلات يقولي
وبعد المطاعم النظيفة
وسمعت فيها جناط تقليد حلوه ياليت اللي تعرف تقولي وين بالضبط
والأقطان والجلابيات ومشكورييييين​

 

[فساتين فخمه]

رحله سعيييييييييييده

 

[دلوعه زوجها]

حبيبتي حق الاقطان والجلابيات روحي كرداسه والحسين
حق الجناط التقليد ملحق هليتون رمسيس اقوي مكان حق البضايع التقليد
اماكن عائلات واااايد في روحو فندق الماريوت القعده تحت تهبل قهوه كبيييييييييره وكلها عوايل وفي بواخر شكثر يسون رحلات سئلي الفندق عنهم واهم يحجزون لكم وروحو مسرحيه عادل امام ورحو مجمع سيتي ستار وااايد حلو ومجمع مادري شسمه بس اهو بفندق الفور سيزون الجديد وصاير جنه فيلا مودا عندنا ورحو بعد القناطر وحديقه الحيوان تونس حدها والاهرامات طبعا بس روحو الصبح الساعه 6 جذي احلا وقت عشان تاخذون راحتكم وتركبون خيل وكرته وانتي ان شاء الله هناك راح تعرفين واايد اماكن لاتحاتين وايد في دعايات حق الاماكن السياحيه بطلي اي جريده وتلقين اللي تبينه
تروحين وتردين بالسلامه ان شاء الله (نسيت اقولج اذا تحبين الحمام المحشي روحي مطعم فرحات اللي بالحسين عجيييب اقوي واحد بمصر)
موفقه

 

[عرق الطيب]

وأزيد عليها روحي مدينة الإنتاج الإعلامي ويمكن بالصدفه تشوفين ممثلين هناك وممكن تاخذون مركب يدور فيكم بالنيل هذيله راح تشوفونهم صافطين عند النيل أجروا لكم واحد أوباخره همن تدور بالنيل يكون فيها بوفيه ورقاصه في عندهم الجنينه مول والعقاد مول وسوق وسط البلد هذا شعبي وفي فندق جراند حياه القعده في حلوه وهم بعد فيه مول ..المطاعم أبو شقرا مشويات مطعم الزعيم كشري مطعم خريستو سي فود

 

[دلوول 2006]

يا بعد عمري والله مشكورين وما قصرتو وعساكم ذخر

 

[عالمة_جيولوجيا]

تروحين بالسلامه

 

[ركااز81]

تروحين وتردين بالسلامه روحي شارع الجامعه فيه كل شي مطاعم قدوره اسماك - التابعي فول وطعميه - كشري جحا - عصير فرغلي - ابو شقرا - مومن للوجبات السريعه


محلات جواتي وجناط - شعيشع للنعال الطبيه


وسط البلد محلات حلاوه للملابس القطنيه

 

[music_teacher88]

تابعي تقريري بالصور ان شاءالله تستفيدين