اللي راحت قطر

[SomeDay]

حياج اختي بتنورين قطر ،،

سوق واقف حلوو وخصوصا بهالجووو ،، روحو تمشو فيه كل يوم وتريقو في زيت وزعتر

وانصحج اليوم اللي عقبه تروحين ( كتارا + ذا بيرل ) تقريبا 5 دقايق من بعض

كتار الجو حلوو على البحر والمطاعم واقيه ومميزه وعندج

سكرباشا : عثماني
زعفران : هندي
لوزار : سي فور
ماميغ : ارميني،لبناني
خان الفاروق : مصري

بس انصحج تروحين واحد منهم غدئ

وفي كوفيات مثل رد فالفت " للكب كيك " ،، جباتي وكرك : وايد يحبونه مايبيع الا جباتي وكرك لول !

وفي سياير تلف فيج بالمكان مجانا يعني لاتحاتين المشي عشان امج لو بتتعب

وبعده روحي البيرل المكان وايد حلوو وقعدي في جوكلت باااار ،، والماركات كلها هناك والتمشي حلو خصوصا المغرب وفليل

عندج بعد فيلاجيو احلى مجمع عندنا وستايله حلو وكل الماركات فيه و فتح من يومين بس لادوري

" لاحظتي اني اتكلم بس عن الاكل لووول "

وعقب فيلاجيو روحي الحديقه اللي وراها حلوه وايد كبيره وفيها بحيره

وانشالله بتستانسين عندنا

 

[SomeDay]

في مطعم فتح عندنا شهر ١١ في فندق برج الشعله ،، والفندق بينه وبين مجمع فيلاجيو جسر بس

المطعم اسمه 360 دقري ،، في الطابق الاخير من البرج ،، ويدور ،، يعني وانتي قاعده بيتغير الفيوو برع

مطعم حلو ويستاهل تروحينه ،، اكثر شي بالويك اند لازم حجز لو تبين الرقم عشان تحجزين طرشي لي مسج

 

[قطرية من قلب]

فديتج قطر بتنورينها بزيارتج و بزيارة الوالد و الوالده الله يطولج بأعمارهم ان شاء الله :*
بعدين والله سوق واقف ماكو احسن منه ونعم الإختيار والله ..من افضل الاماكن لكبار السن و الشباب بعد يعني مب بس اهلج بيستانسون حتى انتي بتستانسين بتلقين فيه كل انواع المحلات و المطاعم الشعبية و من كم من بلد بعد و يسون عروض بعد لو حبيتي تشوفينها :*

بتنوريننا واي مساعدة ما يردج الا لسانج احنا في الخدمة غلاي :**

 

[فواصل]

حياكم الله

بتنورونا

و الخوات كفوا و وفوا

وحبيت ازيد عليهم

روحوا حديقة المتحف الاسلامي حلو تتمشون فيه