اللي راحت الحفر الباطن من قبل .. شنو فيها ...؟؟

[@ام يوسف@]

للرفع

 

[ابيك لي بروحي]

فيه محل برووحه بس كبير يعني مقارب شكله بالبنايه طبعا سنتر بوينت
اسمه سمينا بنفسك
الكل يمدح فيه كل شي

 

[راعية الطويلة]

المواعين لا تفوتج غخذي منهم مو خسارة
صج الكويت فيها كل شي
بس هناك ارخص

و فيها فندق هوليداي إن سكنت فيه مع زوجي و عيالي
حليييييييييييو
رحلة ممتعة

 

[bint_looda]

ودي اروح اتمشا بهالمناطق بس عشان اعرف شفيها

 

[خليجية وافتخر]

السلام عليكم
اولا : اللي دخلوا عرض ويسبون الحفر ...فاهمين السياحة والتسوق وسؤال الاخت شريفة غلط

الاخت تسأل عن منطقة تبعد عن الكويت ساعتين ونص الى ثلاث بالسيارة ... يعني ممكن تروح يوم وترجع شي حلو

ثانيا: الاخوات اللي يستهبلون ويقولون قرية خيام وبر ... اشدعوه التلفزيون والاذاعة والانترنت وين راحو والمنطقة يمر فيها طرق دولية الطريق إلي الاردن سوريا لبنان ..... ويقولون دمام خبر الرياض؟؟؟هي تسأل عن الحفر

ثالثا : بعد شوي برجع وأقول كل شي اعرفه عن حفرالباطن spcial

 

[خليجية وافتخر]

بصراحة الحفر منطقة فيها تميز وهي محافظة والمفترض تكون منطقة ( ميزانية أكبر واهتمام أكبر) ورغم ذلك تنمو المنطقة بوتيرة سريعة اقتصاديا تجاريا... ولقد طالبت شخصية من آل سعود معروفة باستثماراتها بإمارة الحفر ... وهذا يدل على أن اهمية هذه المنطقة ونلخص في التالي:
تقع الحفر على بعد 60 كيلو من القاعدة العسكرية قاعدة الملك خالد
تقع على طريق دول الشام فيمر بها كل من يقصد الشام من دول الخليج والمنطقة الوسطي(الرياض) والشرقية (الدمام ) من المملكة
وبالعكس كل من اراد العاصمة والمنطقة الشرقية قادما من شمال المملكة يمر بحفرالباطن
ولقربها من القاعدة العسكرية تتميز بما تتميز به المدن الكبري لا القري من حيث تنوع اصول سكانها وثقافاتهم وكل هذا بامتزاج جميل

 

[خليجية وافتخر]

ونرجع لسؤال الاخت شريفة اللي هو اساسا عن التسوق

وبضيف اول شي عن الجو يشبه جو الكويت وابرد شوي من الكويت وفيه سنوات يكون الربيع مميز

كل شي بالحفر موجود بالكويت موصح ميه بالمية واكيد اشياء كثيرة موجودة بالمكانين

بالنسبة للمحلات المميزة
الملابس
مانجو ... بضاعته تختلف من مكان لمكان وموجود في الوطنية
سمينا بنفسك ملابس اطفال ونساء
العيسائي وايفان وبعض المحلات لا تحضرني الاسماء كلهم في الوطنية
محلات اقمشة الاعراس في العقارية وسارة مول
وطبعا فيه ماكس وسنتر بوينت ... وكثير من اللى اهلهم بالرياض والشرقية اذا زارو الحفر ينبهرو بالبضاعه تختلف هذا اللي اسمعه دايم
وفيه محل feel freeحلو وله فروع حتى بمصر
وبالنسبة للملابس والاكسسورات ... نصيحة : سوق الحفر يبيله فراره والزين مايبين ... يعني تتفاجأين ببعض المحلات

الاحذية:
فيه محل ساره مول نسيت اسمه جنب سيد جنيد وله فرع بالوطنيه
سمينا بنفسك احذية وشنط
دندش في ساره مول

المواعين :
المويس في السوق القديم
السيف في الوطنية
البطيحان في السوق القديم
وفيه محلات ابوعشره

محلات ابوخمسه
وفيه ثلاث محلات او اثنين واثنين منهم على نفس شارع الوطنية
محلات السوبرماركت
العزيزية وكان قديم القى فيه اشياء غريبة مثلا منتجات ايفا اللي من مصر بس من زمان ما رحت
رامز فيه مواعين والعاب وقرطاسية وتحف وطبعا اكل واشياء كثيرة
المزرعة
وفيه محلات البضايع السورية بتلقين الزيوت والمكدوس والزعتر وغيرها
وبتلقين محلات تمر حلوه والحلو بتلقين الزيزفون وجهينه
والقهوه بعد حلوه

وطبعا العطارين ... فيه مشهور عطار القصيم بالزيوت والخلطات والحنا وبعد عطار دبي حلو كله في السوق القديم وفيه واحد اسمه البحور السبعه في العقارية

واللي يحبون القراءة LIKE MEفيه مكتبة العبيكان في مجمع الصفوه والاسلامى مكتبة الامة
وفيه محلات البخور والعطور
الماجد في الوطنية
جنيد في ساره مول
الشرهان والحرمين في ساره مول
زهور الريف ونكتار فس ساره مول والعقارية
والعربية للعود في كل مكان
حاما المسك منتشر في كل مكان
واللي يحبون العسل كثير محلات عسل

والساعات المميزة والساعات الالماس عند الدهام في الوطنية



واذا تبون المطاعم حاضرة بس الحين تعبت

 

[الدنيا علمتني]

العقاريه وساره مول حلوين
والمواعين رامز والمويس ونجوم الحفر
واهم شي بيتزا هت عندهم غيييييييييييييييييييييييييييير مدري ليش>>>وحده توحم

 

[ام عبدالقادر]

الحفر عمرى ماجيتها بس يمدحون المواعين فيها ارخص من الكويت وتدرون سمعت انه حتى المنتجات الكويتيه تنباع عندهم ارخص يبيييييييييييييله روحه للحفر

 

[ألمـاااس]

سبحان الله وبحمده .. سبحان ربي العظيم

عدد خلقه ..
وزنة عرشه..
ومداد كلماته ..
​

 

[هجوره 2009]

خليجيه و افتخر
يعطيج ألف عافيه صراحه كفيتي واوفيتي
مشكوره على التقرير الاكثرمن رائع

 

[شمس الرمال]

اب اب اب

 

[ياسمين العمري]

كل شي تبينة بالحفر .. بتلاقينة عندهم .. موفقة اختي

 

[دمثة]

المواعين عادي مافيها شي

 

[خلطة الاظفر]

ذا بتروحين اشتري من محطة الكويت اللي بالرقعي احلى وارخص والقهوه اخذيها من سوق الحفر القديم من عطارة قباء حلوه ومافيها صبغ

 

[ناسكة]

حبيبتي ما ارعرف الا العقاريه مول وساره مول والزيزفون والموركي مال الحلو

 

[ابتسم ماتستاهل]

هلا فيك اختي انا سكنت حفر الباطن 7 سنوات با العكس اسواقها حلوه مره عندك الوطنيه فيه محل يبيع ملابس تركيه والله لو اتروحين اي مكان ما تحصلين نفس الملابس الي عنده روعه والمحلات الثانيه الي في نفس المجمع هم عندهم شغلات حلوه عندك مجمع العقاريه وساره مول وسيتي ماكس واما با النسبه للحلى لا تروحين الا لعند الزيزفون واذا نويتي اتروحين مشفل عندك مشغل اسيل بلاس لما اشتري من اسواقها وقت الاعياد يسالوني ناس واجد عن الملابس من وين اشتريها0