اللي راحت الحفر الباطن من قبل .. شنو فيها ...؟؟

[د.شريفة]

بنات وايد يتكلمون عن اسواق الحفر الباطن
شنو فيها مافيها ...؟؟
شنو شي مميز
صج ديرتنا كل خير فيها بس نبي نعرف شعندهم بالحفر شي حلو يستاهل الواحد يتعنى له


بانتظاركم لاتزرعوني

 

[المديونه]

انا من الحفر الاسواق عاديه بس المواعين واو متخيلين خصوصا محلات الحربي والمويس وعندجابو رياليين بالعقاريه فوق عنده صناديق غرف النوم روعه اناشفتها عندكم غاليه وعندنا حيل رخيصه وعندنا الشباصات روعه ورخيصه

 

[فاقدة حبيبي]

هلا فيج حبيبتي انا من الحفر والله حلوة واسواقها روعة عندج سارة مول حلو وفية محلات عطور وبخور فية زهور الريف ونكتار والشرهان مال بخور وخلاطات وجنب سارة مول عندج العقارية مرة حلوة للملابس واللة فية شغلات بالحفر عجيبة اي شي انا حاضرة

 

[أنفاسي دخون]

كل اللي فيها موجود بالكويت

 

[يغارون مني]

تشتهر بالمواعين

 

[د.شريفة]

مشكورين ....
والله يعطيكم العافيه ومنكم نستفيد
مشكورين

 

[Peony]

رد : رد: اللي راحت الحفر الباطن من قبل .. شنو فيها ...؟؟

مواااعييين ارخص من كويت وموديلاتها اجدد

 

[ماني كويتيه]

رد : اللي راحت الحفر الباطن من قبل .. شنو فيها ...؟؟

والله ودي اروح لها :d
ومنها ازور جداني

امممم شوفي يالغاليه مواعينها كشخه مررره
واغلب اللي فيها عندكم يا اهل الكويت

 

[شاهي بالحليب]

رد : اللي راحت الحفر الباطن من قبل .. شنو فيها ...؟؟

والله ماعمري رحت لها كان ودي افيدك

 

[غضى]

مــآدري ماحس فيها شي بس جم مجمع ينعدون ع الاصـآبع
والمـويس للمواعيـن

اذا تبين رووحي للخبــر تهبل​

 

[قوتشي بنت LV]

شكوو شـ جآب الحفر للريآض والدمآم
يصيرون لي ناس بالحفر
< ماكو شي بالحفر حتى المنطقه نفسها تضيق الخلق
مآنصحج تروحين

 

[دريم ويب]

77

عليك نووور

 

[بنت ام عبدالله]

انا مارحت بس من اهلنا شكثر يروحون عشان ثلاث شغلات !!!

المواعين خاصة المطاطير والاستكانات

القهوة العربيه

بهارات الاكل (البزار) اتوقع جذي اسمه

اختي لما راحت تقول حر ومافيها الا هالاشيا الي تسوئ


ونصيحه اخت تغطي هناك مو بس ملفع وعبايه 

 

[الدلـــع كله]

انا رحتلها
الشي المميز فيها واللي مو موجود بالكويت

! _ وادي النحل للزيوت هذا بالعقارية
2_ عطورات سيد جنيد تلاقينها بسارة مول يم العقارية
3_ عند عطورات الماجد تلاقينها بالوطنية سنتر
4_ المواعين حلووووة عندهم
5_ وعندج ابو ريالين او ابو خمسة عند شغلات حلوة للبيت بصراحه ...
اي وسوالف البهارات مابهارات والقهوة المحوجه عندهم حلوة بعد

اتمنى اكون افدتج حبيبتي

 

[اصايل الرياض]

بصراحه انا من الرياض ولا عمري شفت الحفر ولا ادري وش فيها دايم اتخيلها صحرا وخيام هههههههه
لحد يزعل مني يابنات الحفر فديتكم بس بجد ما كنت ادري ان فيها مجمعات وكذا
بس انصحك اذا فيه امكانيه تروحين الخبر بما انها اقرب لكم وحلوه يعني منها تغيرين جو وبنفس الوقت تتسوقين

 

[Om -TOota]

للرفع

 

[اخت الغالي الغائب]

شكوو شـ جآب الحفر للريآض والدمآم
يصيرون لي ناس بالحفر
< ماكو شي بالحفر حتى المنطقه نفسها تضيق الخلق
مآنصحج تروحين

من جاب طاري الدمام والرياض البنت تسأل عن الحفر والبنات قاعدين يفيدونها باللي يعرفون

وحنادايم نروح للحفر للراحه والاستجمام لان فيها ناس يصيرونا ونتمشى معاهم بالاسواق واحيانا الاقي شغلات ماشفتها هنيه بس شغلات بسيطه للبيت
اما اتعنى عشان السوق لاوالله الكويت كل شي فيها
واللي يمدحون الخبر انا اشوف مجمعاتها مثل مجمعات الكويت ونفس الماركات بس مطاعمهم تهبل

 

[ام ريري*]

انا من جده وعنده جماعه من الحفر
يموووووووتوووووووووووون بالحفر وعندهم شغلات حلوه واختي تزوجت ولدهم تقول سيتي ماكس اللي عندهم رووووووووووووووعه احلى من اللي بجده والرياض بكثيييييييييييير >>>>>>> انا اكره سيتي ماكس ما فيه شي على مزاجي
واختي تجيب من سيتي ماكس الحفر ملابس رووووعه والعقاريه كمان
انا ما قد رحتها الا وانا صغيييييره يمكن من 15 سنه وكانت حلوه مو قريه بس مو مريحه زي <<<<<<<<<<جده
ولا تغركم قرى السعوديه حتى اصغر قريه فيها اسواق ماركات خخخخخخخخخخخخخخخخخخخخخ

 

[يكفيني حنانك..]

كل السعوديه تجنن<<خاشه عرض هههههههه

 

[استبرق الكندري]

والله فيها او ما فيها تظل السعوديه ارخص بوايد من ديرتنا الكويت ... انا ادري عندنا كل شي بس السعوديه ارخص

انا خالتي تروح الخبر حفر وما ادري وين بنت خالتي عندها ملابس موصج كل ما سالتها قالت من اهناك انا عن نفسي اموت على الاسواق والفراره بالخيايط وشوف اخر اشياء نزلت اهما عندهم قبلنا ينزل

..... الصراحه ارخص ..

وقبل فتره طلعو برنامج عن صيدلياتهم ورخص الادويه عندهم اللي 10 ينباع ب 3ونص واللي ب3 ينباع 750 فلس يعني ارخص

ووايد مشاركات يت من الكويت بخصوص ادوية السعوديه يقولون ارخص بوايد من الكويت

يارب تتوحد الادويه وتصير سعر واحد حق هالمرضى المساكين ..