اللي دخلت مقابلة وظائف اشرافية تشارك بالموضوع لكي يستفيد الجميع

[ام عيالها الغاليين]

السلام عليكم حبايبي

أنا حبيت أحط هالموضوع عشان الكل يستفيد بإذن الله

كل وحدة دخلت مقابلة للوظائف الاشرافية (رئيس قسم مادة - توجيه فني - مدير مساعد - مدير مدرسة )تشاركنا بالاسئلة اللي انطرحت عليها عشان خواتنا يستفيدون منها

واتمنى اشوف تفاعل منكم

أنا راح أبدأ

بسم الله

مقابلة وظائف اشرافية (( مدير مساعد)) للمرحلة المتوسطة --- الحمدلله نجحت ---
الاسئلة المطروحة :

1- ماهو فريق التدخل السريع ؟ وماهو دورك كمديرة مساعدة تجاه هذا الفريق ؟
2- ماهو مجلس النظام ؟ وهل يمكن تطبيقه على المعلمات ؟
3- ماهي المستجدات التربوية للمرحلة المتوسطة ؟
4- عددي المواد الدراسية الداخلة بالمجموع ؟
5- سؤال عن المشروع اللي ودج تطبقينه اذا صرتي مديرة مساعدة ؟
6- ماالاجراء المتبع لطالبة تغيبت عن الفترة الدراسية الثانية بعذر مقبول ؟
7- معلمة وقعت على بياناتها انها غير متزوجه ثم رأيت بسجل تحضيرها صورة وهي في حفل زفافها 00 ماذا تفعلين؟

 

[ام عيالها الغاليين]

شدعوة 23وحدة داخله ولالالالالالالالالالالالالالالا رد

 

[بحر الرمال]

الف مبروووووك

 

[فطووومة]

الموضوع ما يخصني بس حبيت اقولج الله يوفقج ان شالله

 

[ام عيالها الغاليين]

تسلمون الله يبارك فيكم

بس ياليت اللي يخصها الموضوع تشارك

 

[اخت فروحه]

انا دخلت مقابلة وما نجحت مع ان الاسئلة سهلة وجاوبت عليها بس لأن المتقدمين وايد وغير اللي مانجحوا بالمقابلة العام وكلهم كفاءات ومتميزين وانا خبرتي أقل وحدة

المهم سألوني عن : 1- ماهي استعداداتك للمقابلة ؟
2- معلمة ترفض تدرس فصل معين ورئيسة القسم تصر على ذلك

 

[flona99]

عندي فضول بعرف شنو الاجراء المتبع اذا وحده كاتبه انها مومتزوجه وشفتي صور عرسها؟

 

[ابلة رسم كتكوته]

الف الف مبروك ومنها للاعلى
ويعطيج العافيه يارب
وسؤالي نفس اللي فوقي

 

[فراوله2010]

عندي فضول بعرف شنو الاجراء المتبع اذا وحده كاتبه انها مومتزوجه وشفتي صور عرسها؟

هذا سؤال في المقابله؟ :dddds:

 

[فراوله2010]

موضوع رااائع وربي يسعدك يا أم عيالها


وياليت يا بنات تحطون أسئلتكم

 

[ام عيالها الغاليين]

عندي فضول بعرف شنو الاجراء المتبع اذا وحده كاتبه انها مومتزوجه وشفتي صور عرسها؟

بالنسبة لأجابتي كانت كالتالي :

قلت للمراقب إن سجل التحضير لايجوز للمعلمة إنها تلزق فيه صورة عرسها لأنه شغلة تربوية ،، فقال انها مولازقتها ناسيتها
قلت له اكلمها واستفسر منها قال انها ردت عليج وقالت كيفي انا اتحمل هالشغلة قلت له خلاص لازم ابلغ المديرة ،، قال ماكوفايدة ،، فبصراحة حسيت انه قاعد يلف ويدور معاي ،، جان أقوله تدري شلون هي مو وقعت على البيانات خلاص هذي مسئوليتها وهي تتحمل وأصريت على اجابتي

 

[ام عيالها الغاليين]

هذا سؤال في المقابله؟ :dddds:

ايه والله بصراحة سخافة لان مهما يكون هالسؤال مو مهم بالنسبة للعملية التربوية ،،،، بس شنقول لهم

 

[حـراير]

ام عيالها
الف مبروك
ان شاء الله منها للأعلى
ياريت نعرف شنو كانت اجابتج على الاسئله

او على الاقل سؤال /
5- سؤال عن المشروع اللي ودج تطبقينه اذا صرتي مديرة مساعدة ؟

وياريت بعد تفيدينا بجواب السؤال للي قلته الاخت فرحه
- ماهي استعداداتك للمقابلة ؟

 

[ام عيالها الغاليين]

ام عيالها
الف مبروك
ان شاء الله منها للأعلى
ياريت نعرف شنو كانت اجابتج على الاسئله

او على الاقل سؤال /
5- سؤال عن المشروع اللي ودج تطبقينه اذا صرتي مديرة مساعدة ؟

وياريت بعد تفيدينا بجواب السؤال للي قلته الاخت فرحه
- ماهي استعداداتك للمقابلة ؟

الله يبارك فيج والفال لكم كلكم يارب

بالنسبة للمشروع أنا ودي تكون لي بصمة في محاربة السمنه بالمدارس لانها فعلا مشكلة كبيرة قاعدين نعاني منها بالمدارس وإحنا موحاسين

أما الاستعداد للمقابلة فأنا للأمانة ما سالوني هالسؤال ،، بس إجابة هالسؤال هي (( إني أطلع على اللوائح والقوانين واطلع على دليل العمل المدرسي والوثيقة الأساسية للمرحلة المتوسطة ))

 

[Lolwa]

بنات فيدونا بالأسإلة
امتحاني قريب
عفية عطوني من خبراتكم والأسألة اللي سألوكم اياها لأنها متشابهة تقريبا

 

[Lolwa]

للرفع

شدعوة بنات
يالله نبي من اللي خلصوا المقابلة
قولوا لنا شنو الأسئلة

 

[وجدان الكويت]

انا زوجي سوا المقابلة والحمدلله نجح مسكين اسبوع كامل واهو يدرس واخرتها يقول اغلب اسألتهم عن الشخصية والتعامل مع المدرسين والطلبة

 

[Lolwa]

اي صج وجدان الكويت
شكرا عالإفادة
وانا بضيف
انا رفيجتي اسألوها:
عرفينا على نفسك
لماذا تريدين ان تصبحي رئيسة قسم؟
كيف تتعاملين مع معلمة أكبر منك سنا ترفض كونك مشرفة عليها؟
متى تقولين أرجو ومتى تقولين يجب؟
وواحد سألها : اثبتي أهمية التربية الفنية لأني ما أبيها ضمن المواد اللي تدرس بالمدرسة


يالله بنات ناطرين افاداتكم

 

[حوراء الكون]

انا اسالوني على اي اساس اتقيمين المدرسه بالحصه ؟

شنو اتقولين في الاجتماع الفني مع مدرساتج ؟

اول يوم اداومين شنو اتسوين ؟

شنو رايج بالمرونه ؟

شنو المجالس الموجودة بالمدرسه وشنو دورج فيها ؟


اذا مدرسه مو محظره شنو اتسوين ؟

 

[doooora]

سألوني أسئلة فنية بتخصصي .
سألوني عن الوثيقة بالمرحلة الابتدائية ( هاذي اللي خربط فيها شوي لاني ما كنت نايمة عدل وهي تعتمد على الحفظ وقدرتي على الحفظ انتهت من زمان ) .
سألوني شنو المستجدات التربوية في المرحلة الابتدائية .
سألوني لو انتي فتحتي بالخطأ ظرف امتحانات الصف الخامس وكان يصادف امتحان الصف الرابع شلون تتصرفين .
والنتيجة نجحت وكنت العاشرة من 95 معلمة اجتازوا المقابلة واللي عرفت بعدها ان النتائج متقاربة وسنوات الخبرة تدخل في الترتيب لو تساويت مع عدة معلمات .