اللي دايم تتكلم عن زوجها فيها نقص

[ورد وردي]

استغفر الله العظيم واتوب اليه

 

[فنيسيااا]

انا عندي قناعه اللي تهذر وايد عن ريلها شنو سوا وشنو عطاها اعرف انها تكسر الخاطر وكله اوهااام
اما اللي تسوي حركات ومسرحيات جدام الناس احس ان زوجها الكل عارف خرابيطه واهي مسويه نفسها ان موصج وانا كل شي بحياته

 

[Mia_mIa_miA]

اييي صاجة الأغلب جذي حبوبة

 

[ورده الكرستال]

صاجه حبوبه


يسمونها عقدة النقص

 

[ناتشوو]

مو شرط
الناس اجناس
في ناس ماتعرف تخش اي سالفة
وفي ناس تحب تبالغ وفي ناس ماتحب كثرة القرقة وناس تخاف من العين
وناس بينها وبين زوجها مشاكل فاذا شافت وحدة تسولف عن زوجها وعن سعادتها
تقول لا مستحيل صج اكيد تسد النقص
الزبدة مافي قانون ثابت للسوالف

 

[مولاي الفرج]

وليش ماتقولين من محبتها الكبيرة له تتكلم عنه بدون تفكير

او ان مالها غير زوجها عشان تسولف عنه لان محور حياتها

موشرط انها تتفلسف عالناس لما تسولف عنه

 

[nora al]

طمووشه

بس واايد يسولفون عن رياييلهم خصووصا الاشياء الخااصه بس داايماا اسكتهم ماخليهم يكملوون

اقوولها لوو سمحتي حياتج الخاصه مابي اعرف عنها شي <<< يندقروون من قلب بعضهم يزعلون وبعضهم يضحكون

بس جربيهاا لا تساعدينهم على الغلط

وعدل كلامج ..

 

[Gatwa DaloO3a]

في بنات علي نياتها ، وفي بنات تبي تحر ، وفي بنات مو شايفه خييير ... يعني علي حسب طريقتها بالكلام تعرفين هي من اي نوع لول

 

[نونو العصله]

صح عليج
انا اعرف وايد جذي
ومبين عليهم

 

[LuLiTa]

مو شرط ,,, يمكن الوحدة عـ النية

 

[maku-sh'3l]

اتفق معاج ! مو بس الزوج حتى الملابس و التشري اللي مو شايفه خير قبل لا تقولين لها ما شاء الله حلو لبسج تقولج سعره لووولللل

 

[ҜęҜสђ]

اول ماقريت عنوان الموضوع ..تذكرت كلام امي لما كانت تقول لي(لاتصدقين اي وحده تقعد تسولف عن زوجها انه وداها وشرالها وسوالها..ترا اغلبه يكون كذب
تكون المره فيها نقص وتبي تعوضه بالكلاام..عشان تقنع نفسها ..


وبعد ماتزوجت تاكدت ان كلام امي صح ميه بالميه..
حتى السينما مااتصدق (الله يخلي فلان وداني نشوف هالفلم)
واناا اقول الله يخلي العقل اللي صااير تااج ع راس راعيه..

 

[دمي كويتي 2]

انا والله وحده من صديقاتي كل سواليفها عن زوجها وش سوالها ووش ماسوى وتهذري فيه لليل ونهار كنا انا وياها متزوجين بنفس السنه تقريبا بيننا شهرين الموهيم انا ماكنت احب اتكلم عن زوجي وايد يعني موعشان شي بس ماحب الحرييم اللي كل سواليفهم عن ازواجهم عاد هالبنت حسستنا انها ماخذه عنتره بن شداد وفعلا بعد فتره اكتشفنا انه ملعوزها وموريها نجووم الليل وكانت وحده من رفيجاتنا تقول كنت حاسه انها تعاني من نقص من كثرة كلامها عنه بعكستج انتي مبين ان زوجج يحبج

 

[مسك وورد]

100%
صراحه ماتعجبني كلش اللي اتكلم بهالاسلوب
الحمدلله موناقصني شي بس فيه بنااات للحين ما تزوجوا احس انهم يتضاايقوون من هالطريقه

 

[الفدنه]

موشرط ترى
انا اول ماتزوجت اول يمكن5سنين
بوزي بوزه 24 ساعه بشكل ماتتخيلونه
فكل سوالفي اهو فيها غصب يطلع بالموضوع
بعدين لاحظت نفسي وتداركت الوضع ماقمت اسولف عنه
حتى لو اهو بالسالفه اشيله
لانه ذبحوني بالتعليقات الماصخه
اقول رحت المكان الفلاني يقولون اكيد مع البادي قارد مالج
ولا شمسويه له عشان مقابلج جذي<<مايدرون اللزقه الزايده مغثه
وبس كنت صغيره وما فهمت سوالف الحريم والمهايط الا عقب
وبطلت اسولف الا عند الناس الخاصه بس
يعني مو شرط نقص يمكن ماعندها سوالف غيره<<مثلي قبل

 

[ابدا يالغالي مانساك]

صدقتي هانوعية الحريم
يسمونهم مهايطيه
وحنا وش ورانا خل نسمع
مجريااااااااات احداثهم
خخخخخخخخخخخخخخخخ
ماكو شغل فراغه لووووووووووول

 

[زهـــرة البنفسـ]

ماله داعي الاشياء اللي تصير بين الزوج وزوجته تنقال
بعضهم مابقى الا تقول كم مره رمش بعينه!!!!!


والله الناس ماتعطي خير

 

[جيكره(و)تتغلى25]

صح 100%

 

[يا حبنـي له..}]

اي والله حتى اهني بالمنتدي زوجي وزجي وتلقين زوجها مافيه ميزه بس جذي نقص وتسده خخخخخخ

 

[نقط سوداء]

اممم صآدقة واغلب البنآت للأسف الحين جذي زوجي سوا وزوجي قآل

الله يهديهم بس