اللي دايم تتكلم عن زوجها فيها نقص

[يركدون]

السلام عليكم ورحمه الله وبركاته

موضوع مناقشه

مآ تلاحظي اللي داايم تتكلم عن زوجها وش سووا ووين راحوا

وشنو قالها والمواقف الي تصير بينهم يعني دايم بالجمعه وعند الناس

كله تسولف عن زوجها انه فيها نقص يعني ما تصدق موقف يصير بينها وبين زوجها

واحد والا اثنين تجي تقوله عندنا :d


والعكس صحيح الي حياتها مع زوجها حب ودلع ما يبين عليها

ولا تجيب سيره زوجها قدام العالم واحس مشبعها حنان وعطف وحب

ما يهمها تقول لصاحبتها عن زوجها وتخاف ع نفسها وجذي


<< احساسي بالمحيط الي حولي


انتوا وش تحسون فيه ؟؟

 

[حظ من عنده انا]

اي صآجه

 

[بنت الاحلام]

معاج حق انا احس المشفوحه تظل تتحجي زوجي ورحت وجيت وسويت لووولي

كانها ما صدقت عمرها تزوجت اما الانسانه العاديه عادي يعني
مهما سوت ما تقول عن زوجها
وانا اشوف جذي ناس شكثر واضحك صراحه
لان مالنا سالفه الا اهي وزوجها

 

[متواضعة]

صج ما احب اللي تتكلم عن زوجها الا ياب لي الا سوا لي الا سافرنا الا فاجئني وماعرف شنو ...... كلش ما احب

شكرا على الموضوع

 

[MISS SUGAR]

إيه والله صاجه
ترى دايما اللي تقول جدي تلاقينه ماأكلة تبن وخرى........

 

[سمسمة كويتية]

واااااااي وايد تنبط جبدي من هالنوعيه يعني شنسويلج؟؟
صج على قولتج يمكن فيها نقص
ثانكس على الموضوع

 

[نفهمها صح]

فيه وحده اذكرها معرووف زوجها بلمغازل فا تشووفينها افلان سوو ولي وجابلي وسافرنا ورحنا وهي عارفه بسوالف زووجها
وقمة الوقاحه اذا عرف فيه احد راح يزوور زوجته راح يغلف لها هديه ويندديها افلانه ترجع عند الحريم ههه فلان جيبلي هديه
وطبعا تكوون ماسكتها ....طبعا هي مفهمت الحركه لكن الي يمها فهموها ومنها مراحوو بيتها
وان اشووف مالها داعي يمكن تكوون صادقه اوو كاذبه
و2 تكسر خاطر بعض الحريم ويحز بخاطرها لانه بعضهم عيشين ماساة مع الزوواجهم 3 وراح تخلي البعض يحقد عليها بعيشتها​

 

[أتراب]

كلامج صح​

 

[بنات حواء2]

لا ماله شغل
برايي
انه الناس اجناس فمستحيل تعرفينهم لانهم يختلفون في طريقت تفكيرهم و نياتهم
يعني في ناس على نيتهم يتكلمون مو بقصد انه لا تحوشني عين او انها تسد النقص
وفي ناس تخاف من العين فما تتحجى
وفي ناس مثل ما انتي تقولين حالات نفسيه تعوض نقص
ووووو
فماتقدرين تحللين حيات الوحده من لسانها

 

[MiSS B.K]

الله يصلح بين كل زوجين

 

[بخـــارى]

مو شرط
مرات تلقينها على نياتها وتبي تفرح حبايبها مثل مافرحت ماتدري انه مو كل الناس نفسها

 

[ام زهقانه]

كلامك صح ميه ميه

 

[ana mo ana]

اممممممم لا مو شرط

ع حسب شخصية كل وحده

في حريم تخاف من العين والحسد فتسكت
وفي عادي تتكلم ع نياتها..
وفي اللي تتكلم عشان تحر غيرها

وفي اللي فيها نقص



بس المششششششششكله باللي تسب بزوجها واتطلع عيوب الدنيا فيه وهو المسكين مسويها ( يادهينه لا تنكتين ))



هاذي بالله شنو تحليلها ؟؟؟!!!!!!

 

[om_3azoz]

صح انا ملاحظه هذا الشي على وحده اعرفها ريلي سوه وان وريلي سوينا ومادري شنو
تعالي شوفيهم في بيتهم كل واحد مايدري عن الثاني

عكس اللي ماتتحجى اتوقع صج عايشه بحب وحنان وكل شي لان ماتبي احد يدري شنو يصير بينها وبين ريلها

 

[زعفرانة]

اي والله صاجه انا ملاحظه هالشي بعد

 

[مناته]

كلامج صحيح ميه بالمبه
وكل اللي اعرفهم ريالهم مغربلها فعيشتها وهي تسولف لج عن روميو
اظن لا شعورياً تقول خلني امدحه قبل لا يذمونه

 

[يآسمينه]

على قولتج فيها نقص

و مو مصدقه تزوجت و لقت من يهتم فيهااا

ما تقدر تشيل فرحتها بروووحها فتمشي و تنشر

حمدلله والشكر مره وحده من البنات "حديثة الزواج" تقول لي

بس قلت له خاطري في بطاط

راح الجمعيه من وراااي وما تم بطااط بالجمعيه الا ياااابه :eh_s(22):

حمدلله والشكر !!

حي الله بطااط هوو .. لا يكون عقد الماس بس ؟!

واللي مبين ان ببيت اهلها ما كانت لاقيه من يعطيها وجه :krkrkr:​

 

[الشيخة@]

كلامش عين العقل

 

[أم توتو]

كلامج صح انااول ماانخطبت جتني وحده تقولي خطيبج يجيب لج وردة قلت لها احنا ممنوع يجي وطلعات قالت لي فلان كليوم يجيبلي ورده اذا جا والحين لها 18 سنه متزوجه ريلها مايدري عن هوا دارها لا اهو ولا حمولتها الحمد الله الذي عافانا

 

[كادى الحب]

صح كلامج