اللي خبره بالقيصريه تتفضل...

[رويال ديزاين]

السلامبنات اللي ولدت قيصريه تفيدني


وين ولدتي حكومه ؟ ولا خاص ومنو دكتورتج؟


تخديرج عام ولا ابرة ظهر ؟


شنو نوع الجرح؟ كبس ولا خياط و لا داخلي؟


متى شالو اللزقه عنج؟


متى تسبحتي؟
شنو عطوج حق الجرح؟ بخاخ/ كريم فيسودين/ كريم ميبو / ولا شنو؟


متى راجعتي الدكتوره / الدكتور بعد العمليه؟


شنو الممنوعات عليج؟


متى نظفتي؟ / متى يتلج اول دوره؟




الله يجزاها خير اللي تجاوب تكفون اللي تشوف الموضوع ترفعه...

 

[شمس وورده]

هلا حياتي
انا ولدت بحكومي
تخدير كامل
خياطه
كانت اختي هيه تهتم بالجرح لان هيه دكتوره
شلت الخيوط بعد ٨ايام
راجعة دكتورتي يوم ٤ويوم ٨
كنت اسبح بس ما اتقرب من الجرح
الممنوعات اي شي يسبب غازات ويسبب امساك تكرمين

 

[ككوته]

حبيبتي انا ولدت بخاص بدار الشفا دكتورتي ليلى اشكناني اخذت ابره ظهر حطتلي غرز فماحسيت بشي عطوني ميبو حق الجرح غسلت بعد ١٠ ايام واول دوره يتني بعد شهر من ناحيه العطور ما اذكر عدل بس جني كنت استخدم عطور عادي واهم شي حق الجرح لازم تعقمينه كل ويكون ناشف

 

[ككوته]

حبيبتي انا ولدت بخاص بدار الشفا دكتورتي ليلى اشكناني اخذت ابره ظهر حطتلي غرز فماحسيت بشي عطوني ميبو حق الجرح غسلت بعد 10 ايام واول دوره يتني بعد شهر من ناحيه العطور ما اذكر عدل بس جني كنت استخدم عطور عادي واهم شي حق الجرح لازم تعقمينه كل ويكون ناشف راجعت الدكتوره بعد اسبوع جنه الممنوعات مثل ماقالت الاخت اي شي يسبب غازات وامساك

 

[كوكيز بالكريمة]

انا ولدت بخاص مرتين اﻻولى كان خيط و ع الجوانب خرزتين والثاني كانت كبس طبعا" الكبس اخف حيل و اريح
التخدير كان عام بس هالمره إن شاءالله نصفي اذ ناسبني ﻻنه يقولون مو اي احد ياخذه

شلتهم باليوم 10 من العمليه .. عطوني بيتادين للتنظيف و ميبو و لزق بحيث اغير لنفسي بالبيت اذ احتجت .. طبعا" سبوح العافيه من 10 يوم بس شلت الخيط او الكبس اما اول كنت امسح بفوطه و صابون ﻻني اخاف من التلوث و الصديد وهالسوالف اللي اذ حاش الجرح ماي

الممنوعات الفلفل و الاكل الحار و الحوامض و الطماط و معجونه و البطيخ و الباميا والحليب ﻻنه يسببون غازات تكرمين و الحوامض تسبب بروده بالرحم والحوار تأخر التئام الجرح الداخلي

الحلبه تشربينها بس اول 10 ايام عشان العظم و اتدر الحليب عليج بس تالي وقفيها كلش ﻻنها تسبب رطوبه بالرحم مو زينه

الدم يبدي يخف من يوم 25 تكرمين ﻻنه الرحم مغسول و متنظف و اول دوره اللي اهي اخت النفاس جتني باليوم 35 تقريبا " ﻻنها كانت اكثف و عرفت انها اخت نفاس ﻻنه كان خفيف من يوم 25 و فجأه كثف و تغير غير المغص واللويات

اتمنى افدتج

 

[رويال ديزاين]

ماقصرتو بنات نبي تجارب مثل كوكيز

كوكيز انا ولا غرز ولا شي
بالحكومه ماعطوني شي
ماعطوني تعليمات
وقالو تعالي بعد شهر


فوق فوق بنات وينكم

 

[ام أسد]

وين ولدتي حكومه ؟ ولا خاص ومنو دكتورتج؟
ولدت بمستشفى الراشد عند دكتور نصر هيبة

تخديرج عام ولا ابرة ظهر ؟
عام

شنو نوع الجرح؟ كبس ولا خياط و لا داخلي؟

خياط
متى شالو اللزقه عنج؟

بعد الوﻻدة باسبوع شال الخياط وحط اللزقة مرة ثانية وقالي اسبوع وشيليها بالبيت
متى تسبحتي؟
ثاني يوم من طلعت من المستشفى قالي تسبحي وانتي قاعدة حطيت كرسي بالحمام عزج الله وتسبحت
شنو عطوج حق الجرح؟ بخاخ/ كريم فيسودين/ كريم ميبو / ولا شنو؟
وﻻ شي عطوني حبوب عشان يسكن اﻻلم وحبوب حق الغازات

متى راجعتي الدكتوره / الدكتور بعد العمليه؟

بعد العملية باسبوع
شنو الممنوعات عليج؟
مثل ممنوعات النفاس ﻻتشربين بيبسي ﻻتشيلين شي ثقيل عشان ﻻ يصير فتاق

متى نظفتي؟ / متى يتلج اول دوره؟

قبل ﻻ اخلص اﻻربعين بيومين نظفت بس الدورة للحين مايتني

 

[كوكيز بالكريمة]

هلا رويال معناته انتي خياطج اللي يذوب بروحه بس ماتحسين بثقل صوب مكان العمليه .. رفيجتي تقول ثقل و شد بالجرح ﻻنها الخيط اللي يذوب بروحه يعني تحس جنه بلاستيك

ﻻ تحاتين اهم شي السلامه و عافيه البيبي يتربى بعزكم

 

[&هند&]

وين ولدتي حكومه ؟ ولا خاص ومنو دكتورتج؟

ولدت بمستشفى الهادي وكانت دكتورتي بهواني
تخديرج عام ولا ابرة ظهر ؟

تخدير عام كان
شنو نوع الجرح؟ كبس ولا خياط و لا داخلي؟

جرحي كان خياط وكبس على الطرفين بداية الجرح ونهايته
متى شالو اللزقه عنج؟

عقب اسبوع شالو اللزقه

متى تسبحتي؟

تسبحت باليوم ال20 وكنت باقي الايام امسح جسمي بفوطه فيها ماي دافي و معاي ليفه امسح فيها واتفوط

شنو عطوج حق الجرح؟ بخاخ/ كريم فيسودين/ كريم ميبو / ولا شنو؟

عطتني بس مسحات وكريم لبطني مو للجرح
متى راجعتي الدكتوره / الدكتور بعد العمليه؟

بعد اسبوع كانت مراجعتي

شنو الممنوعات عليج؟
الرياضه بس المشي مسموح وما اشي شي ثقيل ولا كنت اركض او انقز ولا البس كورسيه قوي ولا اقرب الكريمات الجسم ع الجرح

متى نظفتي؟ / متى يتلج اول دوره؟

نظفت باليوم 20 وصليت جتني بعد الا40 بشهر طولت

 

[رويال ديزاين]

هلا رويال معناته انتي خياطج اللي يذوب بروحه بس ماتحسين بثقل صوب مكان العمليه .. رفيجتي تقول ثقل و شد بالجرح ﻻنها الخيط اللي يذوب بروحه يعني تحس جنه بلاستيك

ﻻ تحاتين اهم شي السلامه و عافيه البيبي يتربى بعزكم

هلا كوكيز صاجه ثقل ثقل
مادري ليش
يمكن لان اللي يذوبون بروحهم
بس احس ان الجرح من طرف مفتوح قمت اوسوس

 

[ام مريم ورحمة]

ولدت بالراشد عند يوليانا بنج عام غرز وشالت اللصقة اليوم العاشر وقالت لي اتسبح عادي بس ما افرك مكان الجرح وعطتني كريم ميبو سكار دهان للجرح مرتين باليوم وقالت لي عقب ال 15 يوم لبسي المشد عادي وعقب شهر تقدرين تسوين رياضة بس طبعا ما اشيل ثقيل وتوني الحين 15 يوم والدة والدم خفيف وما ادري متى بتكون اول دورة

 

[رويال ديزاين]

ولدت بالراشد عند يوليانا بنج عام غرز وشالت اللصقة اليوم العاشر وقالت لي اتسبح عادي بس ما افرك مكان الجرح وعطتني كريم ميبو سكار دهان للجرح مرتين باليوم وقالت لي عقب ال 15 يوم لبسي المشد عادي وعقب شهر تقدرين تسوين رياضة بس طبعا ما اشيل ثقيل وتوني الحين 15 يوم والدة والدم خفيف وما ادري متى بتكون اول دورة

الحمدلله على سلامتج


بنات تجاربكم وينها؟

 

[rose1989]

السلام عليكم... ان مسوية عمليتين والثالثة في الطريق...الي شدني انكم ما تسبحوا الا بعد اسبوع او اكثر وتخافوا من ان الماي يصل الجرح؟؟؟ طبعا انا عايشة في امريكا والتسبوح من ثاني يوم تساعدك الممرضة واهم شي تنشفي الجرح عدل مدل بعد الشاور وتحافضي علية من الرطوبة... طبعا ما يعطوا اي كريمات او ميحات طبية يقولوا انها تاخر الحرج انه ينشف و ما فية خياذ او كبس النوع الجديد عندنا صاير شي مثل الصمغ ويحطوا فوقة لصقة انتي تشيليها اول اسبوع٩٠٠٠ اهم شي لشهاء العملية المشي الخفيف من ثاني يوم و عدة مرات في اليوم وطبعا ممنوع الاكل الثقيل والحار وشيل الاشياء الثقيلة وكثري من الشرب والسلطة والفواكة والالياف والعصاير الطبيعية ولازم كل يوم تهوي الجرح وطبعا لا تكثري ملابس عشان لا يتعرق الجرح ونسيت اقول التخدير دائما نصفي

 

[rose1989]

المراجعه بعد اسبوع والدم ينزل خفيف اسبوع او اسبوعين والدوره تجي على الاربعين

 

[كوكيز بالكريمة]

عادي ياقلبي انا دايم احسه على طرف مبطل شوي والباجي ﻻااا يمكن من الحركه غير جذي جفسه الكرش نفسها تكون ثقيله واﻻطراف ماينخاف منهم كثر النص ﻻنه العمليه بالنص صارت واﻻطراف مجرد جفسوها و خيطوها من بره و ﻻحظي لي تبطل الجرح بعد اسبوع او 10 ايام ان العمليه مكانها بالنص واﻻطراف مافيهم شي تطمني تطمني

 

[كوكيز بالكريمة]

اختي روز الله يقومج بالسلامه .. عادي احنا يصير سبوح من ثاني يوم بس انا عن نفسي اخاف مع انه الجرح عليه لزقه حمايه بس سبحان الله اوسوس يمكن يتسرب شي داخل شلون بعرف حزتها و اذ تسرب بيعفن الجرح و يلتهب و و و

ف اظل بالسيفتي سايد و ما اسحب سبوح العافيه اﻻ بعد شيله اللزقه و فتح الجرح و ﻻااازم اجفف الجرح عدل و بخفه و احط عليه البيتادين او مسحه الكحول و كريم ميبو للآثر .. المسحه تنشف الجرح بسرعه و يلتئم من بره .. و اﻻ ليش نمسح سره البيبي فيها عشان تنشف بسرعه و تطيح .. ﻻنه بديهي فيها كحول و الكحول تجفف الجرح وهالشي يساعد على التئامه

 

[Newbaby]

مقهوره قهر غصه بالصدر وغمته بالقلب ماني قادره اكتب عمليتين

ليلحين اذكر سوناريو ولاده ووقفه دكتور واهو ناطريني اجهز للعمليات المشكله ب عمليتين دخلوني طوارئ غصبن عمي الثالثه بدش وانا مختاره اليوم وتاريخ



على فكره بقلبي لمن اشوف بطايق ميلاد عيالي اتذكر اللحظات المؤلمه وتعب وقول يالليت لو ولاده طبيعي

 

[Newbaby]

افز من نومي مايطزي ابالي الا عملياتي

 

[حمرة الورد]

السلامبنات اللي ولدت قيصريه تفيدني


وين ولدتي حكومه ؟ ولا خاص ومنو دكتورتج؟
بامريكا

تخديرج عام ولا ابرة ظهر ؟

ابره ظهر
شنو نوع الجرح؟ كبس ولا خياط و لا داخلي؟
تجميلي صمغ

متى شالو اللزقه عنج؟
ثاني يوم

متى تسبحتي؟
ثاني يوم

شنو عطوج حق الجرح؟ بخاخ/ كريم فيسودين/ كريم ميبو / ولا شنو؟

ولا شي عقموه وبس طول الفتره الي انا عندهم

متى راجعتي الدكتوره / الدكتور بعد العمليه؟
قالت تعالي بعد ست اسابيع

شنو الممنوعات عليج؟
عطوني ورقه بس ماقريتها امشي على الاشياء الممنوعه عن النفاس والفلفل قالت لا والغازيات

متى نظفتي؟ / متى يتلج اول دوره؟

صارلي لي اسبوع والده


الله يجزاها خير اللي تجاوب تكفون اللي تشوف الموضوع ترفعه...

اجمعين

 

[رويال ديزاين]

اجمعين

الحمدلله على سلامتج حمره وربي يتمم عليج