اللي حملت ببنت شنو علامات الحمل بالبنت؟؟؟

[سفيرة العشق]

مساااااااء الخير

حبيت اسأل كل اللي حملوا ويابو بنات
شنو الأعراض او العلامات اللي حسيتوا فيها لمن كنتوا حمل بالبنت؟؟؟
انا عندي صبيان وودي ببنت ويارب يرزقني فيها هالمرة

بس احس هالمرة غير عن حمالي بالصبيان يحوشني مرات عوار بالحوض وكان ينزل علي دم خفيف

شنو ممكن تكون في اعراض اعرف منها اني حامل ببنت؟؟؟

:ioljnmlk:

 

[um khaled]

انا عن نفسي ما شفت اي فرق
بس الشي الوحيد نساتي عالبنت كانت اقل حيل
بس مو شرط

الله يهون عليج

 

[ام بديير]

الله يرزقج ابنوته ,., ما عندي فكره بجري الوحيد بووي

 

[ام نوونه]

انا ما احس بفرق قوي
يعني يمكن شووي النساة غير بس هم مو شرط
انشالله يارب الله يرزقج ببنوته حلوووة

 

[ماريا 1986]

انا كمان مثلك عندي ولد والحين حامل ووخاطره مرره فبنوتة ..ولحد الحين ما عرفت شنو جنس البيبي ..

وحملي مشابه لحملي الاول مرره ..بس الفرق هالمرة صدرني كل يأمني ومنتفخ واايد ومتحسس ..بولدي ما كان كذا عادي ..ولما سألت أختي قالت فحملها بأولادها اثنينهم ما جاها الم الصدر ..بس في بنتها ..


فرحت بس طبعا ً ما تعتبر علامة اكيدة للحمل بالبنت ..اتوقع في غيري حملوا بأولاد وصارلهم الم الصدر ..!


الله يرزقك بنوتة عسل ..ويرزقني كمان ..

 

[_Pure_]

انا فبنتي كان نساتي خفيفه و حلوه و عدت بسرعه
و كنت محلوه
بس كان ينزل دم خفيف طول اول 3 اشهر و الم دوره خفيف
عالرابع وقف كلشي


الحين انا حامل و مادري شنو فيني بس نساتي تذبح و تعبت حيل حيل بس مانزل دم و لا عورني بطني بس الكل يقولي اكيد ولد وانا انطر سونار الشهر الياي ان شاءالله

عموما لا تاخذين النساة دليل على جنس البيبي

 

[om la6ofa]

انا اب بناتي الثنتين ينزل عليي دم طول 3 اشهر
الله برزقك بالولد الصالح انشاالله

 

[حـلا و ذوق]

انا بنساتي في بنتي .. كانت خفيفة .. وكانت يجيني معاها الم معدة ..
كنت احس بشي متعقد لي صوب اليسار ..
الحركة كانت متاخرة تقريبا بالخامس ..
نمو الشعر بجسمي كان خفيف حييييل .. وبطيء

.

.

الحين انا حامل ..؟ بس ما ادري شنو فيني تقريبا نفس الاعراض لكن في بداية حمالي كان يحوشني صداع والم ظهر خفيف في البداية وراح ونساتي اقوى .. ما ادري فيني بنوتة ثانية والا وليد الله كريم

 

[بدوره 22]

الله يرزقج حبيبتي

انا عندي 3 بنات اسم الله عليهم وكل وحده حمالها غير عن الثانيه يعني كلش موشرط

 

[احلى مريومه]

الله اعلم بس تروالي الاحلام تكون صادقه اكثر شي وان بعد عندي ولد والحين حامل واحس حملي غير عن ولدي اب ولدي كانت نساتي خفيفه ولا جني حامل والحين ترجيع ولوعه وجسمي بسرعه يطلع شعر ومجكره يمكن فيني بنت لانه معروف البنت تاخذ من حلا امها

 

[غير كل الناس]

اسإليني ثقل من تحت خاصه لما تروحين الحمام

 

[pink Engineerah]

حمل البنت اخف حيييييييييييل بالنسبه لي

 

[tmtmt]

ماله شغل يختلف من وحده لي وحده ..

انا كنت احب الحامض ويقولولي ولد طلعت بنوته
وبطني شكله ولد على قولتهم طلع بنت

الله يرزقج بالبنت الي تبرج ان شاءالله

 

[Miss Golden]

العلم عند الله طبعا ويختلف من وحده لي وحده..

بس يقولون الحامل تحلا اذا حامل فبنت..

ويقولون شكل البطن يكون بالعرض اذا بنت و بالطول اذا صبي..

والله اعلم ..

الله يرزقج بالبنت اللي تسرج يارب

 

[reem.q8]

مادري جني سامعه ان الحامل يتغير شكلها تجكر جذي
لان البنت تاخذ حلاتها

 

[buffy]

انا بحملي قالولي بنت ان شاء الله انها بنت هذي غير عن كل حمالاتي اللي بالصبيان نساتي كانت اقوي وثقيله حيل فالبنت وصرت عبده اخرع ويحوشني عوار في المبيض اليسار وصايره اموت في الحلو

 

[ألوان طيف]

الله يرزقج ببنوووته حلوه

حبيبتي ترا ماكو علامات ادل على الحمل ببنت او ولد هذا كله بس حجي .. انا هالمره حمالي غييييير نساتي كانت خفييفه وبطني صاير مدور لي جدام و حركة البيبي غير وكل شي غير بس عن حمالي اللي طاف ببناتي .. بس في النهايه قالولي انا حامل ببنت يعني ماله شغل لا تعتمدين على هالسوالف نطري لي الخامس و يبين بالسونار و ان شاء الله بنت

 

[ام عفاف الكويت]

تبين الصراحه
انا في بنتي شفت المرض والتعب والنوم بالمستشفى بشكل شهري 3 ايام وتعبت ححححححححححححححححححححححيل
بس الخلل مو منها حبيبتي كان فيني زلال من الاشهر الاولى وكنت بجريه
فاقولج نطري السونار والله هو الصح
انا من اهلي حمل البنت عندهم خفيف انا عندي ثقيل
الله يسهل عليج يارب

 

[كريستال]

كل حمله غير ماله شغل بنت او ولد

والله يرزقج بالبنت الصالحه

 

[عبير الكويت%%]

اب اب اب