مرحبا بنااات
انا رحت الجامعه المفتوحه وسألت بنفسي قالوا اذا كانت شهادتج من الهيئه العامه والتطبيقي مايقبلونها ياخذون اللي متخرجيين من الجااااااااااااامعه فققققطططط
واذا بتكلمييين تدرسين من جد وجديد يعني بشهادة الثانويه العااااااامه ومعدلج يكون فوق 60
شفتوا الظلم شلوووون ؟؟
وقفوا الجامعات للي يبون يكملون برا يعني بعض الجامعات ويبون انتظااااااااااام
منو يقول حياتي أنا بالجامعة المفتوحة و كان معاي دبلوم حاسب آلي من التجاري
اهم يقبلونج عالثانوية بس يعادلونلج 14 وحدة!!
معدلج بالثانوية يكون فوق ال 60 إذا كنتي خريجة من الثانوي ما صارلج 4 سنين .. بس إذا صارلج أكثر من 4 سنين .. النسبة مو شرط
نصيحه بنات لحد يكمل بالمفتوحه أن انا فيها الحييييين وحدددددددددددددي متوهقه ... الدراسه عندهم فاشله و ما عندهم نظام سنع يمشون عليه و مصعبين كل شي عندهم و طايحين له بوق ب فلوس الطلبه يسقطونهم عشان يعيد المادة ويدفع من جديد ... و ما ينجحون الا ربعهم ... و الكويتيين اهما اللي ما كلينها ... حسبي الله و نعم الوكيل فيهم و في التعليم العالي اللي سكروها ب و جيهنا من كل صوب
واي احنا الكويتييـن نموت على التعميم .. كله الناس حاطة علينا
لا يبا .. مو صحيح .. أنا ماعرف و لا أحد .. و من السيارة لي الكلاس و من الكلاس لي السيارة .. ما عمري قعدت أكثر من وقت المحاضرة إلا للصلاة .. و نجحت الحمدلله و بسنة ثالثة الحين .. لاني من ربع فلان و لا علان!
موضوع البوق بس بعرف وينه؟؟ إذا موتي نفسج تدفعين 500 بالكورس .. أرخص جامعة خاصة في الكويت .. و مو دفاعا عنهم و لا يهموني بس هذا الكلام حق البنات اللي فعلا يبون يكملون و تحبطوا من كلامكم
إذا لغتج الانجليزية زينة فراح تمشين فيها ان شاء الله (لازم تدرسين و تعطين من عمرج مو سوالف سهالات مصر و البحرين)
الدراسة عندهم منهجها بالضبط اهو منهج الجامعة البريطانية المفتوحة اللي تعتبر من الجامعات الزينة في بريطانيا (سوي search على أحسن جامعات بريطانيا و انتي تتأكدين)
اي والله حسبي الله عليهم والله يا بنات كانت دراستي عدله بس درجاتي كلها d لا والمواد ولا أتفه بس ما ادري شفيهم غصب بسقطونا وعلى قولت اللي قبلي ما ينجحون الا ربعهم حسبي الله عليييييييييهم
المواد و لا أتفه ؟ توها صعبة
المادة اللي أشوفها تافهة اهي GR101 اللي اهي تعلم ذاتي .. تافهة و حشو و تكرار بس تعتبر تعريف على نظام الجامعة .. غير جذي المنهج قوي .. و يبيله مجابل
بنات و الله مو قصدي إني أضايقكم بس ترى تجارب الناس تختلف .. يمكن انتو فعلا عطيتوا من أعماركم بس الله ما وفقكم بس مو معنى هالكلام ان الناس ضدكم .. نسبة البنات اللي ينجحون أكثر حيل ..
هذا مستقبل ترى .. في بنات واجد ودهم يكملون بس هالكلام يحبطهم .. فراعوا هالنقطة و قولوا اللي واجهكم بس لا تعممون لأنكم ما تدرون عن الوضع كله
أنا كنت أبي أقدم من زمان من أول مافتحت و كلام مثل هذا اهو اللي وقفني .. بس الحمدلله اني دخلت و ان شاء الله اتخرج قريب
بالتوفيق للكل و الجميع .. و الله يعين
.....
