اللي جربوا نظام المشاركه بالوقت والشركه العالميه للسياحه

[um-naser]

بنات حبيت أسأل اللي جربوا وشروا من الشركات اللي تبيع الشقة بالأسابيع
هل استفدتوا منها و جربتوا تسافرون بالتبادل ؟؟
إحنا صار لنا جم سنه من شرينا من الشركه العالميه للسياحه اللي بالخليجيه ولي ألحين ما حاولنا نستفيد من الأسابيع اللي لنا ما أدري ليش

ياليت اللي مجربتهم تقول لي اذا كانت مستفيده منهم والا لأ وهل جربت ان تتبادل مع دول ثانيه ؟

 

[um-naser]

اشدعوه أعتقد ناس وايد شروا الأسابيع حتى لو أهلكم أو صديقاتكم
تكفون قولولي اشلون أستفيد

 

[mooomooo]

والله ماعندي فكره عن هالموضوع

ماشرينا ولا حد شرى من اهلنا

بس كان بخاطري اشتري اللي في برج زمزم انا واخوي بس ماحصل

ان شاء الله البنات يفيدونج

 

[سلة فراوله]

احنا دفعنا مبلغ حق هالشركه وماكملنا من قبل جم سنه ومادري اشلون طريقتهم ماجربناها لين الحين

 

[um-naser]

المشكله احنا كملنا الفلوس بس احنا الأسبوع بلبنان و ما فكرنا نروح لبنان لي ألحين واذا قلنا نبي دوله ثانيه يقولون لازم تبادل أو ما في المناطق اللي نبيها

 

[fat]

فكرت بس ريلي ماشجعني لان الشركة كانت وهمية كانو بالفندق وسمحيلي أقولج انهم نصابين لان قالولي فزتي بهدية ولي الحين ماشفنا شي الهدية اقامة بفندق اظاهر الهدية وهمية وقعدت تقرق على راسنا وكملت التمثلية ونادت المدير وقالت الحين لازم تشترون وماراح أعطيكم مهلة تفكرون

كلامهم يجذبج بس بالصج لا نصب وحتيال هذا لدول الأوربية لكن السعودية لا غير تشترين اسبوع ومحدد الوقت يعني في رمضان غير وعشر الاواخر أغلى هذا بالنسبه للسعر وعن روحتج اما تروحين واذا ما تبين تروحين يأجرونها لج

 

[fat]

وأزيدج من الشعرب بيت اهو فندق معين ومو موجود في كل الدول أو يكون موقعة بعيد

 

[ام الفوارس]

احنا عندنا مشاركة م ع شركة عالمية وحقيقية والموضوع من 8 سنين ولسة ما استفدنا منه شي ولا استخدمناه

بس فيه جزء بسببنا وجزء منهم

لازم الحجز يكون بدري والتخطيط مسبق بمدة علشان تحصلي على التبادل يعني نظام الاجانب في السفر

والجزء اللي منهم ان بعض الفنادق والمنتجعات تكون بعيدة عن الانشطة اللي نبيها في السفرة

حاولوا تخططوا سفرة للصيف من الحين وجربوا تستفيدوا منهم

 

[um-naser]

احنا الشقه اللي ماخذينها بلبنان و عمي راح و قعد هناك 3 أيام مدح بالمنتجع يقول بس مكانه بعيد والمشكله الاوضاع ألحين ماتساعد ومحد راح يتبادل معانا علشان يروح لبنان واحنا نروح دوله ثانيه مثلا

 

[keeka]

احنا عندنا التايم شير شريناه من فلوريدا لما كنا بديزني وجربناه والله تمام ووايد اسهل الامور بس مثل ما قلتو لازم اتخططون مبجر لان اغلب الحجوزات تروح بسرعه خصوصا للدول المشهوره

 

[um-naser]

احنا عندنا التايم شير شريناه من فلوريدا لما كنا بديزني وجربناه والله تمام ووايد اسهل الامور بس مثل ما قلتو لازم اتخططون مبجر لان اغلب الحجوزات تروح بسرعه خصوصا للدول المشهوره

التايم شير اهو نفسه انترفال انترناشيونال؟
لأن يدزون لي ايميلات بأسابيع في دول مختلفه منتجعات بالاسبوع سعر حلو يطلع من 120 الى 250 تقريبا بالاسبوع بس لازم نحجز بسرعه وريلي ما يحب يخطط حق السفره قبلها بمده على ما يقرر ان نسافر الا ماكو حجوزات و كل التذاكر غاليه

 

[keeka]

ايوا عليج نور انتيرفال ومعاملتهم جدا سلسه وسهله وسايتهم سهل تحطيين التاريخ ويطلع لج الدول المتوفره
وعلى التخطيط انتي قبلها بجم شهر حجزي الدوله وعقبها خططي للرحله لان اهم شي الفندق والتذاكر مو مشكله

 

[مرمر]

شوفي حبيبتي انا عندي خبره كبيرة مع التيم شير بس ماجربت العالمية

انا عندي اشتراك مع الباز عادي تحددين الدولة اللي تبينها وتشوفين كذا منتجع وتختارين الانسب عموما اهم موزود طبعا نظام النقاط بس يطيرونها بسرعة علي حسبتهم وينزلون لنا من السنوات القادمة

بعدين شتركنا بالماريوت طبعا اللي باورلاندو طبعا فرق السما عن الارض منتجعاتهم حدها راقية ولج اسبوعج ببلاش بس الاشتراك السنوي و12 اسبوع من الانترفال يطلع الحين الاسبوع وين مايكون اغلي شي 150 دينار حتي منتجع النخلة اللي بدبي مشارك معاهم طبعا انا اتكلم عن 3غرف نوم و3 حمامات تكرمون وصاله وكل غرفة فيها تلفزيون كبير ومطبخ وغسال ونشافة والغرفة الرئيسية فيها جاكوزي حده راقي

انشاءالله نفعتج واي سؤال انا حاضرة

 

[um-naser]

احنا بعد عندنا اشتراك بالانترفال بس ما جربنا لي ألحين المشكله زوجي ما يخطط قبلها بمده على ما يفكر ان نسافر الا الأسابيع طايره وأسعار التذاكر طايره