اللي جربت موقع 6alabat تدش ... وتعطينا رايها ..

[كوارين]

مرة اخوي طلب لنا مادري اسم المطعم بس الله يزيد النعمة مو حلو

 

[Bella^^swan]

شكرا على مرورج حبيبتي .. وحياج الله ..

 

[فيلجاويه_عسل]

شكراااااااااااااااااااااااااااااااااااااااااا

 

[^AyOoTa^]

مره طلبت كنتاكي مع انه مادري ليش يعني من موقع طلبات مو المطعم يمنا وادق من البيت
بس قلت خجرب ومسويين كل ماتطلبين يعطونج نقاط عاد طلبت جان المطعم اييي بعد ساعه ونص وبارد واهوه يمنا ودايما ماياخذ نص ساعه ومره ثانيه طلبت من باستا ميا وهمن تأخر ساعه ونص وتهاوشنا وياهم تجاربي فاشله

 

[Bella^^swan]

مره طلبت كنتاكي مع انه مادري ليش يعني من موقع طلبات مو المطعم يمنا وادق من البيت
بس قلت خجرب ومسويين كل ماتطلبين يعطونج نقاط عاد طلبت جان المطعم اييي بعد ساعه ونص وبارد واهوه يمنا ودايما ماياخذ نص ساعه ومره ثانيه طلبت من باستا ميا وهمن تأخر ساعه ونص وتهاوشنا وياهم تجاربي فاشله

صح كلامج ..

من خلال تجربتي لاحظت ان المطاعم القريبه منج ما يسوى تطلبين منها عن طريق الموقع .. تييج بارده متسسه ..
امن المطاعم البعيده بالعكس اييج الاكل حار يهبل .. انا امس طالبه من تكا عن طريقتهم وتأخر الطلب وفشله كنت طالبه حق حمواني ... بطو جبدي جان اقوم ادق عالمطعم واشخلهم شخال ..

 

[طيورة الحبوبة]

up
up
الحين طالبة من جريل ستيك والله يستر لوول

 

[بحر الرمال]

اعرف الموقع من زمان و عندي اكاونت بس ماعمري طلبت تدرين ليش؟
لاني اولا احب الاكل يكون حااار و فرش و هالمطاعم بعضها بعيد
بالنسبه للمطاعم القريبه و اللي موجوده بالموقع مايسوى اني اطلب منهم لاني اقدر اطلب بالتلفون شالفايده؟

بس الموقع فيه ميزه اني اقدر اشوف المنيو و اختار..
مرات افتح الموقع و اشوف المنيو و اتصل عالمطعم بالتلفون

بالنسبه للمطاعم اللي بالموقع
جربت بلاك اند وايت - البيرجر و البطاط حلو

جربت جرل كازا - سندويشات التونا و المرتدلا و الحلوم عاديين, وسط

ناز حلوووو كبابهم وااايد- بس انا اكثر شي احب سندويشات ماحب كباب مع عيش سندويشاتهم ماعجبتني لان الكباب ملفوف بخبز ايراني صايره السندويشه كبيره وايد
و بالنسبه لوجباتهم لاني ماحب العيش اطلب بدال العيش بطاط يعني الصحن يحطون كباب او فيليه مع بطاط مو مع عيش..
احب طرش=قطع لحم

 

[Lays BL.ketchup]

الموضوع وايد حلو :eh_s(7):

انا جربت شرمبي كان زين
باسكن روبنز كان روعه - طلبت منه كيكة البراوني وياتني متجمده عدددددددددل
روبي تيوزدي اينن وما يطولون حدهم ساعه بالكثير
غريت ستيك كان اكلهم حلو - صمونه وداخلها ستيك شرايح مع مشروم
كوكيز اند كريم - الصور احلى من الطعم - كنت طالبه كوكيز وكان نيي وطلبت براوني وحسيتها مو مطبوخه عدل - وطلب جيز كيك فريرو وكان طعمها جبن كلش ما اعجبتني - الشي الوحيد الحلو عندهم الترفلز الصغار عجيبيين
بيانو بيانو حلو والاكل يوصلج حار ومرتب
صاج اكسبرس شاورمت اللحم مالتهم عجيبه وما يطول بالتوصيل
سالسا فيردي ما عجبني اكلهم اقل من عادي
تراينجل - عجبني والله صمونهم ترررررررف والاكل حار وكل اكلهم على شكل مثلث
جووي غووي كنت اطلب منه اول ما هبوا في وكان حلو - الحين كلماهم ويصغرون الكوكيه لوووووول

وسلامتكم :wqedqw:
​

 

[Brounzi_girlly]

آنا جربت في جاردن عندهم سلطه سالاري ودياي حلوة والكميه راهية
وجربت نيثن ماتذكر كان حار او لا
هارديز حق اليهال وصلني حار الاكل
اذا جربت شي بعد ارد لكم
مع التحية.........

 

[مرايــــــــم]

تركــش جريـل مشوياتـه حلـوه

وطلبت من هارديز تليفوني ماكان فيه رصيد وبسرعه دقوا
علي واكدوا الطلب

ومن الميني ديلايتس كل التشيز كيك عندهم حلو

 

[Q8_QT]

آنا أكثر مطعم أطلب منه هيلث ستوب سلطة السيزر مالتهم حلوة وكان عندهم سندويجة تونا واااايد لذيذة بس حسافة ماقاموا يسوونها
مممم بعد الكلوب ساندويش مالتهم حلوة وعندهم براونيز بزبدة الفول السوداني مممممم لذيييييييذة غرامي

وبعد طلبت من بلاك اند وايت سندويجة ستيك بالمشروم حلوةوبطاطهم حلو وحلقات البصل بعد

من بونجورو سندويجة فيليه دياي حلوة

من بيانو بيانو أطلب لازانيا الخضار حلوة

ومن ترانجل طلبت حلوم حلوة و ستيك حلوة بعد وصمونهم ترف

ممممم بعد والله وايد مجربه وآنا نوعي أحب أجازف بالأكل وأجرب أنواع يديدة بس هذا اللي في بالي الحين إذا تذكرت شي بضيفه

 

[Brounzi_girlly]

متابعه وياكم
ودي اجرب على يوم اطلب من سويتن كب
مع التحية................

 

[الناعمه أنا]

اب
اب

 

[Bella^^swan]

مشكورين كلكم على التجارب :**

اخر مطعم جربته سويا سوس . الربيان بالقصمات والتوست عجيييييب والنودلز .

 

[أم حسون]

جربت triangle
كلوب ساندويتش حلوه وسلطة سيزر عاديه وايد