اللي جربت مستشفى الصباح بليييييز تدخل الله يجزاها بالجنه

[كويتيه 82]

السلام عليكم خواتي بغيت استفسر عن الولادة بمستشفى الصباح من جربتها انا ولدت مرتين بالخاص وهالمرة افكر بالحكومي فاللي جربت الصباح اتمنى تفيدني الله يجزاها خير وهل عندهم ابرة ظهر او كمام وهل يخيطون بالولادة الثالثة ياريت ماتخيبون ظني وتجاوبوني

 

[Queen1]

انا اختي ولدت هناك بكر وعندهم ابرة الظهر وعندهم عنايه بعد والله يقومج بالسلامه

 

[كويتيه 82]

كوين الله يجزيج الجنهقولي امين مشكورة حبيبتي على الرد السريع بس ياريت تقولين لي شلون عنايتهم او تسألين اختج اذا مافيها كلافة حبيبتي لان هالسالفه حيل موترتتي وخايفه حدي من الولادة تقولين اول مرة

 

[مغتربة 2006]

عنهم ابره ظهر وعنايتهم بالولاده وايد زينه وخياطهم زين
بس مجرد ما تطلعين من غرفه الولاده ههههه تدخلين عالم ثاني
انا ثاني يوم الصبح طلعت البيت اريح من هناك
بس ولادتهم زينه وهذا الي تبينه

 

[pizza]

آنا ولدت فيها قبل 5سنين كان عذاب رعب ولدت اول بنت لي لا كمام ولا شي وكل الغرف اللي يمج تسمعين فيها صياح ... عشان جذيه حملي الثاني ولدت بخاص ولما حملت ثالث مره كنت ابي مستشفى خاص بس قرروا عمليه وقالوا احسن روحي للصباح ورحت للصباح وآنا ميته خوف واتذكر ولادتي المرعبه .. ولما دخلت قسم الولاده انصدمت (( صخه )) ما فيه صراخ مثل اول سألت الدكتوره قلت ما في أحد بالولاده قالت امبلا قلت ما كو صوت قالتلي الكل مبنج استانست وااايد وفعلا عطوني ابرة ظهر وقعدت اسولف مع وحده يمي ماحسيت بشي فجأه خذوني غرفة الولاده بروح محد معاج ولدوني وما حسيت بشي ولدت طبيعي بعد.. بس عيبهم الخياطه مو شي بس عادي اولدي عندهم بعدين سوي تجميلي بخاص ..

 

[الصعيريه]

انا اختي ولدت عندهم وكانت ولاده مبكره حييل ولدت بنهاية الشهر الخاامس وحيييييييل تذمهم ...,

وعندهم ابرة الظهر
وامس رفيجتي والده عندهم بس ماسألتهاا كانت تعبانه ان شاءالله جم يوم واكلمها واسألهاا عن المستشفى...,


وعسى الله يتمم عليييج وتولدين بالسلامه...

 

[@Miss Dio@]

كافي لما الوحده تولد يقطون عليها الياهل وهي تبي تنام من صجهم؟؟

 

[كويتيه 82]

مغتربة بعد عمري بردتي جبدي الله يجزاج خير صح على قولتج اهم شئ وقت الولادة والا اللي غيره سهالات مشكورة عمري ماقصرتي بس ماقلتي لي جربتي ابرة الظهر عندهم

 

[كويتيه 82]

بيتزا حبيبتي مشكورة على الرد ياريت توصفين لي تجربتج مع ابرة الظهر زينه والا لا تنصحين فيها الولادة كانت صج من غير الم ولا نفس الكمام تحسين بالطلق

 

[كويتيه 82]

الصعيريه مشكورة حبيبتي على الرد والاهتمام والله يقوم رفيجتج بالسلامة ياريت تجيبين لي تجربتها ضروري الله يجزاج خير

 

[كويتيه 82]

مس ديو ان شاء الله كتبت الاسم صح صاجه هذي تعتبر سلبية من سلبياتهم بس انا اهم شئ عندي وقت الولادة لاني شايلة هم من ذيك الساعه عساها تصير ساعه هينه لينه علي وعلى كل حامل امين يارب

 

[haninoooo]

شوفوا الرابط وانشالله تستفيدين

http://www.q8yat.net/showthread.php?t=427531

 

[الصعيريه]

الصعيريه مشكورة حبيبتي على الرد والاهتمام والله يقوم رفيجتج بالسلامة ياريت تجيبين لي تجربتها ضروري الله يجزاج خير

العفوو ياقلبي إن شاءالله بس ترتاح جم يووم واسألهاا ...,
انا كنت ناويه اولد عندهم بس اختي نصحتني قالت لاتولدين عندهم هذي مجزره مو مستشفى ..
والحين قررت اولد بمستشفى العرف....

بس مومعناتها اختي مامدحتهاا يعني خلااص المستشفى موزينه لا بالعكس يمكن زينه بس من حظ اختي كانت معاملتهم معاها اي شي
مع انه هذي اول ولاده لها من عقب 9 سنين زواج....
عسى الله يعوضهاا خير ويقوملها بنتها بالسلامه...

 

[ALMZa^_^JeYa]

انا ولدت عندهم قيصريه قبل 10 شهور وشغلهم مضبوط وعنايتهم حلوه

وخبير التخدير شاااطر حيل وايده خفيفه حيييل

ويسوون مكان القيصريه تجميلي وشغل نظيف بعد

وفي دكاتره انا جربتهم اثناء المراجعات والكل كان يمدحهم

منهم دكتوره الاء بهبهاني <<< وايد يمدحونها

دكتوره امل بس نسيت شنو عايلتها بس اهيا كويتيه <<< حدهاااا حبوووبه وبالها طويل وشاطره

دكتور عاصم البياع هذا مصري <<< ولدت على ايده وتعامله حيل راقي وباله طويل وينصحج بكل شي

ودكتور محمد قنديل انا ما جربته شخصيا بس الكل يمدحه ويقولون عنه شااطر

والله يقومج بالسلامه يارب

 

[ام سارونة]

دايما اولد بالخاص
هالمررة مفكرة بالصباح اخذ ابرة ظهر

ياليت يفيدونا البنات....

 

[كويتيه 82]

حنينو جزاج الله خير حبيبتي شفت الرابط وقريت كل الردود مشكورة ياقلبي والله يقومج بالسلامه وتكتبين لنا تجربتج

 

[كويتيه 82]

الصعيريه مشكورة ياعمري على الرد والاهتمام والله يقومج بالسلامه مستشفى العرف يمدحونه بس بعيد علي فما جربته انا ولدت بالهادي بجري ولادتهم حلوة بس انا شوي تعسرت لان البيبي كان صغيرون والماي قليل وطلقي بارد فحطولي 4 تحاميل بس كانت ولادتهم حلوة والثاني ولدته بطيبه دكتورتي امل كانت متابعه حالتي لان المشيمه نازلة من السادس ولدت باول اسبوع من التاسع وستاف الممرضات شئ وعنايتهم حلوووة بس كمامهم خفيف والدكتورة يمي ماخلتني والممرضات يقرون علي ويمسكون ايدي الله يوفقهم وين ماراحوا بس هالمرة ودي اولد حكومه بس والله خااااايفه حدي اخاف اندم قلت لج قصة حياتي واختج الله يعوضها ان شاء الله ويقوم بنتها بالسلامه ولا تقاطعينا حبيبتي بالتواصل

 

[كويتيه 82]

المزاجية مشكورة حبيبتي على عرض تجربتج بس ماقلتي لي ليش قررولج قيصري وهل تعرفين احد ولد هناك طبيعي وحطوله ابرة ظهر

 

[ساشا]

انا ولدج بنتي البجر هناك قبل 12 سنة

الولادة تينن بس الخياط يخرع ... عانيت لمن سويت عملية تجميل

 

[FaRaWLaaa]

اذا مفكره انتحر اروح مره ثانيه اولد اهناك لان صج مجزره مو مستشفى