اللي جربت كريم اساس كيريولان تتفضل

[So0oKaRa]

السلام عليكم
انا اول مره اشارك عاد مو تفشلوني وما تردون على سؤالي:eh_s(22):
ودي اجرب كريم اساس كيريولان وابيه قوي يصلح للحفلات
وانا بشرتي دهنيه اخاف اشتري كريم ويطلع ما يناسب بشرتي
وهل يخفي العيوب ولا يحتاج احط معاه كونسيلر؟
اللي تعرف اسم الكريم اللي يصلح للبشره الدهنيه خل تفيدنا ويزاها الله الف خير

 

[ام**العسولين]

وعليكم السلام
كيريولان كل شيهم حلو بس ماجربت كريم الاساس
انشاء الله البنات يفيدونج

 

[عز النفس يغنيني]

والله ما عندي علم بكريم أساسهم بس انا عندي كونسيلرهم العجله إللي فيه كذا درجه يهببببببببببببببل .. وبعض المرات أحطه على كل وجهي ...

وفاونديشنهم الستيك .. هم روووووووعه مره حطوه لي بصالون ..

عموما هالماركه أخذي منهم وأنتي مرتاحه كل شيء فيها حلو ..

وموفقه

 

[ريماR]

في برنامج للنساء فقط على سكوب اعرضو منتجات كيريولان وكانت ندا تمدحهم
ماركة حلوه اخذي منهم وانتي مرتاحه

 

[So0oKaRa]

يا حياتي مشكورين
انا ماخذه من عندهم الكونسيلر اللي 3 الوان مع بعض روعه بس احسه يتشقق خاصه تحت العين
ومرة شفت عندهم كريم اساس العصار اللي لونه ازرق بس خفت منه شكله يخرع حطتلي بخاخ على ايدي وفوقه هالكريم تزحلق والله لانه ثقيل بس مع البخاخ صار كول وماشريته
لانه بشرتي دهنيه مو اي كريم يضبط معاها

 

[brettey]

اي انا مجربه اساسهم السائل تغطيته زينه وحلوه بس للايام العاديه بس للمناسبات اخذي الي مكتوب عليه سوبرا كلر لانه يغطي العيوب ومناسب للحفلات وقوي يعتبر فل كفر واخذي الكومباكت اسمه دول فنش يهبل يهبل وزعيه عقب الاساس بفرشه كابوكي من ميك اب فوريفر والكونسيلر مالهم واااااااو بس انا عندي الي لون واحد يكون مضغوط

 

[So0oKaRa]

مشكوووورة ما قصرتي عساج عالقوه
بس انتي بشرتج دهنيه؟
وحابه اجرب لوس باودر مالتهم انتي مجربتها؟