اللي جربت حبوب تخسيس تدخل وتحط تقيمها

[أغلى الناس]

انا جربت الريدكتيل كنت احس بعوار راس ورقعه بالقلب ولا احس انها سدت شهيتي
جربت الفيتوشيب ممتازه بس بعدين ماقامو يأثرون فيني الظاهر جسمي تعود عليهم نزلت بالعلبه الوحده 5 كيلو
الحبوب الصينيه اللي بمعهد كوين مساج الصيني عجيبين يعطونج طاقه وماكو نوم الاقليل وتسد الشهيه عدل كنت ماخذه عندهم كورسين يعني 20 يوم ضعفت 7 كيلو بس عقبهم الله لايوريكم صرت افه اكل اليابس والخضر ما اقدر اسيطر على شهيتي كلش ورديتهم بسرعه
من جذي انا خايفه يابنات اخذ حبوب الحين لاني قاعده اسوي رجيم وقاعده انزل بطيء ودي اخذ حبوب تساعدني بس بعدين اخاف اذا تركتهم ازيد اللي نزلته كله واتحسف

 

[أغلى الناس]

نسيت اقولكم بعد جربت الايزي لاكس ماسوالي شي

 

[ماماميا]

بنات نصييييييحه لحد ياخذ حبوب زين الاتات والله والله بغيت ايتم عيالي شفت الموت بعيوني لدرجة اني قمت اوصي زوجي على عيالي واتشهد...

 

[الهامورة]

حبيبتي انا جربت زين التات ونزلت 8 كيلو بعشرين يوم وهذا الطبيعي مو زيت تنزلين بالسبوع اكثر من 3 كلجم
والي اول مره تسوي رجيم تحط في بالها اول 4 كيلو ماي بالجسم يعني اهي ضعفانه 3 كيلو شحوم مجموعهم 7

انا جربتهم وحللتهم مافيهم اي مضاعفات وعلى فكره الي حللي اياهم اخوي اهوا دكتور باطنيه وقالي كلها مواد طبيعيه
واذا خايفين سوو الخلطه بالبيت بس متعبه ؟

 

[الهامورة]

حبيبتي ماميا يمكن انتي عندج فقر دم او سكر او ضغط علشان جذي ما مشو معاج

روحي سوي تحاليل وبعدين اخذيهم ؟؟؟؟؟ اذا دمج فوق ال10 اخذيهم اما اذا تحت ال10 يعني شوي نازل

 

[كويتيه متغربه]

........أنا يالحبيبه الحين قاعده أجرب ريداكتيل لي 3أيام مع ريجيم ضعفت كيلوين ادعولي أضعف عشره كيلو علشان أقدرألبس وـتمتع...........

 

[ولا احلا]

ريداكتال الاصلي وحدة بوحدة .......>>> بس تعبت عقبه يعني مثير للاعصاب وبصراحة يخليج كل ضايق خلقج .............................................والحين استخدم ايزي لاكس بعد زينين

 

[kekat kakaw]

بناااااااااااات والله لاحد يستعمل ريدكتل مو زين دشوا على اي موقع طبي و سألو عنه كلش مو زين والله
و بعدين شيصير اذا سويتوا نظام غذائي و رياضة مع إرادة كل شي يمشي مثل ما تبووون انتوا ما تخافون على روووحكم امراض غريبة عجيبة قاعدة تطلع من هالسوالف و هالاشياء ماراح تبين الا على مدى طويل الله يهديكم

 

[dnyay_mll]

الشيتوكال
زدت عليه مانقصت واللـه

الزينكال
يحرق بس الوجبه الدسمـه وماينفع

ايزي لاكس
يهبل ضعفت عليه 8 كيلوات باسبوعين بس للاسف طعمه لوعه مايساعد اني افكر ارد له
حبوب زين الاتات
ودي اجربهم وشكلي بطلبهم هاليومين لان اخوي ومرت اخوي اضعفوا وايـد

ريداكتيل الاصلي
يهبل وايـد ضعفت عليـه وجربت ال10 وال15

حبوب السكري
جربتهم وخذيتهم من امي لانها عندها منهم وايـد يخلونج تعرقيـن بس ماكو فايـده مايضعفون

جربت بعد انواع
الحبوب التايلنديه
تهبل تهبل صج صج تضعف وجربتها كذا مره بس الحين ماكو مو محصله احد يبيعها واذا في احد يبيعها يدزلي عالخاص
فيجورين اعتقد جذي اسمهم
من اول يوم سوولي نزله معويه كلش مانفعوني
حبوب الاناناس
زينه ونفعتني وضعفت عليها
ثيرماتكس 2
تهبل نزلت عليها وايـد وكنت اخذ معاهم حبوب هاي كروم
وجربت مره من الوسيط حبوب علبتها لون اخضـر مااتذكر اسمها والله
ماضعفت عليها كلش وتصدقين كان عندنا كلب عزج الله كلاهم بالغلط ومسكين ضعف وانا ماضعفت منهم
سيبوتريم المصريه
زينه وسدت شهيتي بس ماقدرت اتحمل الصداع منها
جربت شراب الدايت بروغرام
وايـد زين ويسد الشهيه بس تكاسلت اخذه لانه شراب
وجربت الحبوب السوده الاندونيسيه من العطار ماحسيت بشي يديد
وجربت قهوة دينا سفليت حلوه تسد الشهيه بس طعمها يلوع الجبد
وجربت اعشاب تنباع بشركه والله مادري شسمها ب15 مانفعت كلش
ماخليت شي ماجربته الصراحه
مابقا الا الحصا والرمل
شكلي بجربه

 

[أغلى الناس]

يعني شنو الزبده الحييييين شناخذ شنهبب باعمارنا لوووووول

ماكو الا الحصى والرمل على قولت دنياي ملل

 

[أم حسون]

انا جربت الريداكتل يلوعون الجبد مافادوني الا بالصداع وماكو نوم وسهر وقلبي يطق بسرعه:×
السيبوترم يهبلووووووووووون صج صج صرت ملكان منهم بس من تزوجت ماقاموا يفيدون وياي كلش

 

[Q8 New Style]

آنا استخدمت حبوب زين الأتات ونزلت 10 كيلوات بشهر ونص

 

[telephone]

عزيزاتي الأدوية ما هي إلا مساعدة للتخسيس ورح أعطيكم شرح مفصل

أولا الريداكتيل والأدوية ال مثلة ما هي إلا قاطعة للشهية وملابد عندما تقومون بأخذها الحذر الشديد لانها تسرع دقات القلب وتزيد الاكتئاب وتجعل الحلق ناشف وجاف جدا جدا جدا ولابد من أخذ فيتامينات معها وعدم قيادة السيارة ...



اما الادوية من عند المراكز الخاصة بالأعشاب فهي تقوم بإنزال الماء من الجسم وليس الدهون فيشعر الانسان ان وزنه انخفض ولكن يعود الوزن بسرعة لازين الاتات جيد ولا امانا كير الذي قد يسبب امساك حاد ....
وزين الاتات نفسه في مقابلة بالتلفاز قال انها تقوم بازنال الماء من الجسم وليس الدهون ....


نصيحة يوجد مراكز الان بواسطة اجهزة وبدون جراحة تقوم بتخفيض الوزن بشكل فعال جدا ومن الاماكن التي تريدونها والدهون هي التي تختفي مع السوليولايت والجسم ينشد واسعارها معقولة .. والنتجة مضمونة ...


تحياتي ... للجميع

 

[موزاني]

أنا جربت الفوتوشوب لمدة اسبوع ونقصت 2 كيلو..............

 

[الخالدية]

زينكال امريكى والشينكال مصرى يعنى نفس الشى بس يفرق مكان المصنع بسسسس والله فى وحدة عندى فى الدوام مجربته مسكينة قاعدة تسهل ( الله يعزكم ) بدون ما تحس وصارت تلبس فوطة ؟؟؟؟ يا بنات تاكدو قبل لا تاكلون شى

 

[سرقت النوم]

قوه بنات ...

آنا توني مبلشه بحبوب السيبوتيرم المصريه .. اللي عليها رقم 15 ...

طبعا زوجي جربها قبلي لأن وزنه زايد حيل عن قبل .. و طبعا الأعراض كانت تلوع الجبد على زوجي :

عصبي
عطش
صداع متواصل
قله بالنوم
أحلام و كوابيس و تعرق أثناء النوم
صار ضعيف جنسيا حيييييل ... يعني لا حياة لمن تنادي
إكتئاااااب مو طبيعي

النتيجه اللي وصلها .. 10 كيلو بالشهر .. إستعمل علبه كامله فيها 30 كبسوله

آنا عن نفسي :
أحس بصداع
عطش
إسهال و إنتو بكرامه
مزاجي متقلب أحس بإكتئاب
نشاط مبالغ فيه
قله النوم
كوابيس
حكه ( أحس بحكه بأماكن متفرقه من جسمي) ولمن صارلي هالشي قريت النشره المرفقه مع الكباسيل
بس خفت ألحين

ما وزنت لحد ألحين لأن ماصارلي 10 ايام ...

برجع لكم إنشالله

 

[الخالدية]

ترا برنامج جوجوبا رفيجتى جربتها صار لها التهاب حاد فى الامعاء ونامت يوم بالمستشفى
اتقوا الله فى انفسكم

 

[كوكيز]

بنات انا توني اجرب ايزيلاكس كومبلكس .. ما عطاني نتيجه قويه مره يمشي و مره لا ..
مع اني مشيت على التعليمات 4 قلاصات ماي ورا الحبه .. انغثيت من الماي ..

:0bee2e8d89:

 

[الفجرٍ البعيدٍ]

منو جرب حبوب هوديا ..؟

 

[سرقت النوم]

ما نزل وزني !!!!