اللي جربت حبوب تخسيس تدخل وتحط تقيمها

[جاكليت]

يله بنات نبي احد مجرب ودي آخذهم ..

 

[3hood]

uppp

 

[reem1234]

البنات الي خذو الحبوب ها طمنونا عسى لقيتو نتيجه من الحبوب؟
عسانا نضعف كانا و نوصل حق الوزن الي نبيه بس بصحة و عااااااااااافيه
يالله ناطرينكم بنات قولونا شصار عليكم؟

 

[كاشونه الاصليه]

انا ودي اخذهم اب نتيجه مضمونه

 

[RedNano]

انا طلبتهم من امريكا يبون اسبوع تقرييبا ليما يوصلون :|)

 

[ogany]

laish 6albatHum min us !! hny akoo shda3wa eta`3aloon 3ala 9o7atkom ...hny yenba3 b Result marena soog sharq jabreya kilmokan !!

 

[3hood]

shuogny sha'7bar el 7boob m3ach ma'9a3fty 3alihom yalh shaj3enh ana galooly tanzlin 3alihom fel abo3 3kilo yalh choofy 3ashan an3rf eeshaj3oon neshtrehom ao la

 

[ogany]

9arleee taqrebaan 5 days o bacher yemkin betyene ((7aseeenaaaa)) f etha 5alast 1 week agol chum tha3aft

 

[روحـ روحه]

انا شريتها وبجربها واهي موجوده برزلت بالافنيووز

 

[Wa6an Elnahar]

انا بعد ودي اجربهم

 

[سارونةالمزيونة]

بصراحة أحسهم ملوت ناس يشيلون أثقال مو للحريم

فيهم كافين عالي جدا للرياضة الشديدة مو رياضتنا !!

بعدين أنا جربت من سنتين شي مشابه حبوب من أمريكا و حاشتني رقعة بالقلب و رجفة بالايد و ما كنت أقدر أنام من الكافيين اللي في الحبوب!!

شالله حادني؟؟!! الكيلوات الزايدة يبيلها صكة حلج محترمة و رياضة خفيفة تصلح لنا (كفاية مسئولية اليهال و البيت و هالحمل والولادة اللي ما خلت شبر بجسمنا ما خربته الحمدالله)و ربنا كريم....

و عالعموم هذا رايي و كل واحد يسوي اللي يشوفه أصلح له

 

[*مرامي*]

انا قبل جم سنه استخدمت حبوب التايلنديه المونه اقوى نوع بوكبسوله زرقه كبيره وداخلها 3 حبات
طبعا حاسوني حووووووووووس اذا قمت من افراشي تلف فيني الدنيا لين يرقع راسي بالمخده مره ثانيه
بس نزلت عليم 20 كيلو بشهر
والنتيجه الشهر الياي صارو 25 كيلو زياده

سويت رجيم و دخلت نادي واشحلاتي انضبط جسمي ونزلت
بس من الشفاحه دريتهم
عقبها استخدمت حبوب الرداكتيل اذبحوني صرت مفترسه بس بطق العالم خلوا حالتي النفسيه X
بس نزلت عليهم بالاسبوع 3 كيلو لكن ما كملت فوق اسبوعين
الزنيكال يلووووووووع الجبد وصخخخخخخ وان هديتيه تردين عادي
الشيتوكل ولا ابيزه
الفايتوشيب حلو ونزلت 10 كيلو خلال شهر لكن ماقدرت اكمل سوالي صداع
زين الاتات ينزل وااااااااايد لكن من تهدينه تصيرين آآآآآآآآفه
السيبوتريم يمدحونه واااااايد بس حق اللي مافيهم سكر ولا ضغط ولا غده
في وحده كويتيه تبيعه في المنتدى لحظه ادور رابط موضوعها

كاهو لقيته
http://q8yat.net/showthread.php?t=128454

وشكلي بجربه

 

[*نوفه*]

السلام عليكم

انا صراحه جربت الزينكاااااااال بصراحه ماينفع وشي مقرف ويحرج واذا تبين تستخدمينه استخدميه للحفاظ على وزنج مو علشان تنزلينه

والحين صارلي 3 ايام استخدم السيبوترم وطبعا قبلها سويت سيرج بقوقل عنه والكل مدحه

واستخدمة اكليل الجبل هذا بصراحه انا تعودت عليه يعني هالجاي مريح للبطن وماتحسين بانتفاخ

وجربت قهوة رجيم بصراحه انا الوقت اللي جربتها في كنت اكل اكل يعني لاعبه بالرجيم لعب ووزني ماتغير ثبت معناه انها مفيده وزينه وسعرها مو غالي 6 دنانير انا حصلت بالصيدليه قهوه قالي 15 دينار بس ماخذيتها وخذيت هذي من مندوب موجود بجمعيتنا

 

[شيخه***البنات]

هلا حبيبتي .. انا استخدمت الزينيكل وسيبوترم وزين الاتات قاطع الشهيه و جربت الريداكتل وجربت ايزيلاكس :

1- الزينكل : احسن واحد فيهم بصراحه اهوا اللي من فتره التزمت فيه كنت اخذه 3 مرات باليوم

ريووق وغدا و عشا .. و لمده اسبوعين مع رجيم طالب الشمري ورياضه نزلت 4 كيلو .. وسعر العلبه الكبيره 33 وشي

والصغيره 17 وشي و السطره الوحده بـ 7 .

2- سيبوترم : اول الايام تحسين انج دايخه وراسج يعوورج بس انا قطعته لان مافادني مانزلت عليه

مع اني كنت مسويه رجيم بس بدون رياضه .. وخذيته من وحده بالمنتدى وسعره 7 ..

3- زين الاتات خذيته برمضان سد شهيتي خذيت علبه كامله سوالي سهال عزج الله بس عادي اقدر اكل

ماسدها وايد .. ومانزلت .. سعره 12 وشي ..

4- الريداكتل : خذيته صرت مينونه واي شي ينرفزني اعصب اثر على اعصابي بس صج سد شهيتي

بس نصيحه لاتاخذينه نصيحه من قلب و الله اللي صار فيني مو شويه وصارت دقات قلبي سريعه اسم الله عليج ..

وسعره بـ 25 وشي خذيته بس ترى مو مرخص الا بوصفه طبيه .. انا خذيته بعد عناء ..

5- ايزيلاكس : طعمه كلش موحلوو بس فظيييييع يسد الشهيه بشكل مو طبيعي وجنج ماكله شي و طبيعي

وكله اعشاب و طبي من الصيدليه و مرخص وسعره بـ 7 وشي وينزل مع الرجيم اذا استمريتي من زمان استخدمته

ماذكر جم نزلت ..

انا الحين مسويه رجيم و استعمل زينيكل بس بووقت الفرري .. و الحمدلله على كل حال ..

ان شاءالله اكوون افدتج ...

 

[music_teacher88]

عفيه الرداكتيل مادري ريداكت من وييييييين الاصلي وشلون اعرف انه اصلي


ابي ابي ارادتي تلوع الجبد الصبح اتريق ريوق ريجيم

بس الغدى انفجررر


قاعد يزيد وزني وصلت لل68 ورجعت 71 امبيييييييييييه ابي انزل 20 ورااااااااي درب

 

[music_teacher88]

بناات الريداكتل موجود بصيدليات الكويت؟؟؟؟؟ اقدر اييب وصفه من دكتور بس اهو موجود بكل الصيدليات يعني وجم سعره؟؟

 

[الأمل الوقاد]

جربت حبوب زين الاتات والصراحة ضعفت كيلوين في شهر واحد ، بس اعراضها حسيت بدوخة ، يمكن لاني ماكنت اكل فواكه ولا اشرب ماي وايد معاها

 

[الأمل الوقاد]

ليبو سته ،هاذي مو للبنات ، هاي شكلها للشباب اللي يمارسون كمال الاجسام ، ينحف الشحم ، ويساعد على زيادة العضل ، شئ مو ضامنينه ابعدوا عنه ،

 

[امل الوجدان]

خوش موضوع
up

 

[بلو ليدي]

بنات منو جربت الحبوب الصينية
يقولون وايد تضعف
بس هم يقولون اضرارها وايد
منو تقولنا تجربتها لأنها صراحة تخلي الواحد يتحمس ياخذها
يقولون تنزل فوق 20 كيلو بالشهر