اللي تفضل تروح السوق .. بدون زوجها

[كبرياء امراة]

معروف .. لان الرجال حنصلته ضيجه في السوق ..^^

احب اتسوق مع زوجي واخلي اغلب التسوق يوم الجمعه عشان يكون فاضي ولا يعجلني ومنها طلعه ومنها تسوق >>>مايقصر عسى عيني ماتبجيه
بس اذا المساله فيها تبديل اروح مع اختي او صديقاتي

 

[كبرياء امراة]

اقول
اخذو دوره في العلاقات الزوجيه
وتعرفون ليش الرجال مايقدريمشي في السوق
ترى معذور والله

 

[Killer^Girl]

ماحب اتسوق وفي احد يحن على راسي او ينفس علي لول
عشان جذي افضل اروح بروحي

 

[•Brown•Sugar•]

على حسب الشي اللي ابي اشتريه
اذا بشتري ملابس من سابع المستحيلات اروح مع ريلي
بس اي شي ثاني غيره اروح معاه اكيد واخذ رايه لانه الرياييل خبرتهم بالحياه اكثر

 

[miss_Ba6oOo6a]

احسن شي بروحي او مع اهلي بنات طبعا
الرياييل مو مال سووق وفراره بطبعهم مايحبون
والصراحه الريال ماله دخل شكوو ساحبته وراي بالمحل وقسم الحريم الصراحه نضايق من هالاشكال
الي حتا قسم الملابس الداخليه ولا البجايم وااقف جبل مايهزك رييح الصراحه عيب ويالله اهي تناديه واهوو يخزز
واحنا مو قادرين ناخذ راحتنا الريال مو مكانه بمعرض ولا محل نسائي
يا ينطر بره او يقعد بكوفي اذا راح ايي معاج

 

[ترف بابا]

اذا باخذ شغله سريعه بطلع اروح معاه

واذا شي حق مناسبة ويبيله تدقيق وفراره لا والله مع اهلي

 

[G!RLooNa]

ههههه اوبرا الله يتمم عليكم

عندج ذهبه مو مقدره النعمه اللي انتي فيها

 

[فيروز خانوم]

انا ما احب اطلع معاه لانه نكدي وبس عدلي مشيتج قصري صوتج نزلي نقابج ويييييييييييييييييع شهالروحه

 

[! بــدويه وآآيــد !]

،


لووول حيل يتدخل ويختار لي وذوقي عكس ذووقه
وخصوصا عزكم الله الجواتي اقوله قياسي 37 يقول لا عطها 36 اقوله صغير @@ يقول انا اعرف رجلج 36 واذا صغير اشتري لج غيره خخخخ < فاضي
واخر شي يقول خلاص 36 ونص < زين زيد نص بعد كااك
والميك اب يحب يختار لي حمر
بس ملابس داخليه مايدش

 

[* بنت المطر *]

موكل رجال يتحمل المره حبيبتي اش تسوى علي اروح وياه وارد متهاوشه ومبعوصه وماشريت شي !

لا وان رحت ثاني يوم قال كل يوم بالسوق خخ ليش خلصت انا مايبونا نخلص ومايبونا نروح مره ثانيه !!

اقول خليه يقعد بالبيت يحرص على الورعان ابرك

 

[opera]

قيرلوونا شسوي ياختي اتملل تخيلي تروحين الافنيوز وتدشين محل محل

حتى بالسفر هالمجمعات اللي مليون طابق يفتر كله وعااادي

الحمدلله الحمدلله خلاص مابي احسد روووحي

الله يتمم عليه هالنعمه

 

[عروس فبراير]

انا عادي اتسووق مع زوجي
بس مع خواتي السووق احلى يعني يساعدوني ويطلعون لي البدل والدرااريع الحلوه يعطوني رايهم ..
اما زوجي لا يتسووق معااي وكل ما اسأله شرايك بهذا وهذا يقوول كيفج اذا عاجبج اخذيه ..
بس هم عاادي اتسوق معااه

 

[أم ريــــــم]

أحيانا أروح معاه ، وأحيان كثيره أروح مع أهلي
بصراحه هو مايقصّر بس انا من نفسي اتوتر عشانه أقول اكيد مل والا لاعت جبده من النطره
اظل على اعصابي لين نطلع ، أما مع خواتي ارتاح لي رحت السوق ،


والامر في النهايه راجع لنفسيّة الشخص
لان اكو اشخاص يرتاح لمن يروح معاهم للسوق !

 

[om.googi]

لأن وقت التسوق غير , شي أكيد الوحدة بتحوس بروحها احنا ولا مليون محل ندشه نركب لنا بدلة على عدالها فا مستحيل راح يتحمل اللويـه (هذا عن نفسي)

اما اذا وقت طلعة فيها عشى أوسينما لا عادي ويـاه ..​

 

[^_^ حوراء ^_^]

عاد امس متهاوشه ويا ريلي بالسوق و قايلتله

على قص رقبتي ادخل السوق معاك مره ثانيه

 

[om MaRyooM]

انا اذا بتسوق ق اشياء خفيفة وسريعة احب يكون معاي


بس اذا بلف على راحتي ماحب يكون معاي لأن ادري بيزهق

 

[ام زايد العتيبي]

انا اللي ما ابي يروح السوق معاي لاني اغار عليه وايد من هل المفاصيخ ولا اهو حرام يوديني وينطرني بره المحل لين اخلص ولا يتحلطم بس انا ما ارتاح اذا اهو معاي من هل اللي يخوززون فيه ولا جنه في احد يمه وشايل عياله

 

[A.E]

هههههههههههههههههههه مت من الضحك احس حركات ازواجكم مثل اخوي الكبير ما احب اروح معه <<طموشه

احس اخوي الكبير ينرفزني حييييييييييييييييييييييل اما اخوي اللي عمره 14 فديته ههههههههههه يحب الفرفره في السوق

 

[noona90]

انا مثلك من اول ماندخل يبدا خلصتي ..خلصتي ..تعبت ,, تساليه وش رايك بشي معين يكون الرد انتي حرة خذي اللي تبيه او مااعرف غالبا
وبالاخر اطلع متضايقة مايخليني اعرف اتسوق وفرفر بالسوق براحتي كله يلا يلا تعبت نعست <نصاب غالبا

 

[noona90]

انا ريلي عكس الرياييل وانا عكس الحريم


ريلي يحب الشوبينق و يمووووت عالاسواااق واذا رحنا مجمع يحب يدخل محل محل ويشوف شي شي عشان يشتري وماعنده مانع يقعد من الصبح لي الليل يتسوووق (لا تنضلووونه)


انا العكس اتملل بسرعه وما احب ادش كل المحلات :ch12:


انا اعرف المحلات اللي ابيها واللي تناسب ذوقي .. فبس ادش هالمحلات اما اهو يبي يدخل كل المحلات

وكلما مرينا صوب محل يقولي دشي اقوول ما احب هالمحل يقولي اشدراج يمكن امنزلين شي حلو !!

عشان جذي احب ارووح السوووق بروحي


بس ويين ما يخلي من يسمع اني بروح السوق يلبس قبلي لوووووووووول

:ggdw:
مشالله عليه زوجك انا مثله
عقبال زوجي يسير كذا<<احلمي بس