اللي تعيين جديد (المعلمات )خبر سيء ضروري الدخول

[الأمل الأبيض]

اسوم اليوم جيكت ماسحين الموعد شكلهم تندموا



بس الاهم البيانات موجودة

 

[ahhaat]

الف مبروك ام عفاف الله يثبته ويقومج بالسلامه يارب.
بنات صج حتى انا احاتي الخبر اللي بالوطن الله يستر
بس مكتوب انه اللي سلم اوراقه قبل 30-4 ماينطبق عليه تاجيل التعيين لين السنه اليايه يعني حنا مو منهم ان شاءالله يمكن يقصدون اللي واعدوهم يعينونهم بعد الانتخابات

 

[ام عفاف الكويت]

اليوم مارضوا المدرسه يطلعوني دزيت مع المراقب ابي شهاده راتب يقول ماكو تعيين جديد
وكل رفيجاتي يدقون على الديوان معترف فيهم
انا لحد الحين يقول لي
انت غير مسجل في اي جهه حكوميه ؟
رفيجاتي بالعاصمه والجهراء ومبارك الكبير
انا الفروانيه في نفسي ؟

 

[@شمس الضحى@]

الله يعيييييييييييييييييييييييييييييييييييييييين

انا للحين كاتبين صرف الراتب 25-5 النصاااااااااابين

ام عفاف رووحي الوزاره احسن لاتقعدين تداومين وانتي مومتأكده وبالتوفيق ان شاءالله

 

[عالي مستواها]

بنات اليوم كلمت وحده من رفيجاتي قالت لي عن وحده اعرفها مثلنا متعينه معاي بمنطقة الجهرا التعليمية بس تخصصها عربي ومانزلها شي

عاد تقول داقين عليها المنطقة مدري الوزارة قايلين لها تراجعهم بكرا تاخذ " تشيك " بالمعاشات اللي طافت !!

تقول قايلين لها بس هي واربع مثلها بمنطقة الجهرا ماخذوا معاشاتهم !! شكوو انا اللي اعرفهم واجد ماخذوا معاشات تبع الجهرا بس هم يمكن يقصدون اللي تخصصهم عربي

بس حتى لو ... المفروض كلنا ينزلون لنا مع بعض مو كل تخصص بصوب

تصدقون بنات تعبت نفسيــًا من السالفة لاعت جبدي من الفرارة بالوزارة والمنطقة ماصارت صراحة المفروض يعطونا تعويض لأضرار نفسية وأدبية طالتنا


والله من جد متحطمه .. حرام عليهم انا حتى النقل ليلحين مادري شنو صار عليه .. بتخلص السنة وهم ماخلصوا سالفتنا . ماقدر اداوم بالجهرا السنة الجاية حييل بعيدة علي معااااااااااااااااناة بمعنى الكلمة

الله لا يوفقهم .. والله من جد كل يوم ادعي عليهم

 

[ام عفاف الكويت]

انا عربي

مانزلت معاشاتكم ؟؟

بشوف ان رضت الناظره تطلعني باجر تصحيح

 

[@شمس الضحى@]

مانزلت الله ياخذهم لو قاعدين في بيوتنا ولاقدمنا الا بدايه السنه الجايه احسن والله حدي منقهره منهم الله لايسامحهم

 

[رذاذ المطر]

اشفيكم حبايبي ... الراتب يحول للبنك 25 /5 ويصرف بعد 15 يوم من تحويلة هذا معروف

يعني في بداية 6 ينزل الراتب

بس بنات لاتصيرون حساسين

واللي تبي فلوسها تروح تاخذهم شيك من الوزارة يعطونها

 

[رذاذ المطر]

بليز بنات لاتدعون علي احد .... يمكن باللحظه تستجاب دعوتج

اصبروا اصبروا .. ان الصبر مفتاح الفرج

 

[عالي مستواها]

أبوي اليوم راح الوزارة عشان يشوف شصار على النقل قالوا ماكو شي بالكمبيوتر

تخيلوا بنات المنطقة التعليمية مضيعين كتابي اللي دزيته حق النقل !!

ههههههههههههههههه ابوي قلب عليهم الدنيا


المشكلة ينكرون انه وصلهم شي لما دق علي ابوي ورحت للسكرتارية خذيت نسخة من الكتاب ورقم المعاملة وتاريخها وبعد اسم الموظفة اللي استلمتها

عاااد ابوي استلم المهمة بعدها ههههههههههههههه

والله يا بنات .. منطقة الجهرا وحتى الوزراة نفسها فيها تسيب يشيب الراس .. أنا من خلال فرارتي هههههههههههههه شفت العجب العجااب .. المكتب فيه 6 او 7 موظفينهم بس للبلع

الحمد لله على كل حال

الرواتب قالوا ممكن نستلمها تشيك بس بتنزل بالحساب بعد اسبوعين " جنه كل مالهم يأخرون زيادة "

سحايب لا والله بدعي وادعي بعد .. لانهم فعلاً ضرونا ياعلهم ما يربحون

ادعوا بس بنات بتشكيلة الحكومة الجاية يغيرون الوزيرة .. باااجر بيقرونها

 

[ام عفاف الكويت]

الله كريم بس الحمدلله دخلو بياناتي بالديوان اليوم

 

[ahhaat]

:tek:
مبروووووووووك ام عفاف واخيرا

 

[كتكوته مكتكته]

[B]قوة بنات خل اقولكم شسويت بالوزارة اليوم
تخيلوا اول دخلت طبعا ضايعه مادري وين اروح واي قسم ادخل ؟؟ المهم مع السين والجيم رحت قسم رواتب منطقة الاحمدي والا موظفة يحليلها قالت توة اوراقج كانت عندي واحتمال معاشاتكم بتنزل بعد عشر ايام بس اذا الحين رحتي باجي الاقسام ومشيتي اوراقج بينزل ا نشالله بعد خمس ايام << يعني الموظفين مالهم خلق من قلب
المهم طرشتني حق واحد مصري اسمه عزمي واشوف ااوراقي واوارق غيري مكوده على مكتبه وهو قاعد يدخن برة بغيت اروح اكفخه لووول

مو ناوي يشتغل فيهم جان اخليه جدامي يخلصهم
وبعدين من قسم لي قسم ومن مكتب لي مكتب وطبعا مو بس انا في غيري بهدلوني حسبي الله عليهم مع انه هذي شغلتهم بس شنسوي اذا عليهم مالهم خلق يشتغلون وانطر يا . احم احم

عاد اخر محطة هو مكتب مديرة صرف الرواتب والاخت ما كانت موجوده حسافه المهم حطيت الاوراق على مكتبها
زين ما يضيعونهم لان مليون ورقه على مكتبها وشوفي عاد هيا وضميرها متى تصرف المعاش لما يصير لها خلق



اي ونسيت اقولكم سألت الموظفه اللي بقسم رواتب الاحمدي عند راتبي وانا متعينه 1-4 جان تقولي الخصم 1000 طلعت عيوني تقول هذي حسبه لانج مو مداومة من اول السنه
انا كنت ادري بس ما توقعت 1000 بالكثير توقعت 500
بس متى ينزلونه يااارب ونعوض الكراف والتعب [/B]

 

[ام عفاف الكويت]

مليت متى

 

[رذاذ المطر]

ان شاء الله بأذن الله عن قريب بينزل

صراحة انا ماني متلهفة عن الراتب كثر ماستانست وطرت من الفرحة يوم شفت التعيين

اصبروا بناات

كتكوتة كلامج صح مثل ماقالولي بس طااف مالي خلق ادوور بالوزارة

 

[ام عفاف الكويت]

المعاشات يوم الخميس الياي
انا سويت اوراقي بايدي ورحت خلصت
قالوا الاحد يدزون ورقه الصرف وبعد 5 ايام بالبنك بالتحديد الخميس وخصموا مني بس 900

 

[الأمل الأبيض]

هلا ام عفاف


بغيت اعرف شلون عرفتي جم اخصموا

انا طلبت تقرير راتب كاتبين صافي الراتب 38


مادري شالسالفة


بس جد ما صارت على المعاش طولها وهي قصيرة

 

[زيـטּ عَبْس]

شلون يابنات أطلع تقرير راتب؟؟ ومن وين

لان مخصوم مني 950

======

وترا المفروض ماينخصم مناا شي لان في معاي معلمات تعيين جديد نازل لهم راتب العطله كامل

واحترت وين أراجع

 

[عالي مستواها]

رورحوا للوزارة قسم الرواتب

في داخله مكان بروح بس للشهادات تقرير راتب

بس ترا تقرير الراتب يطلع لج راتبج كل شهر

مو الصيفية كم تنزل ؟

يعني بالعربي ما تقدرون تعرفون هل فعلاً في قرار للخصم أو نص ببطون هالحرامية

ولو كان فيه قانون يسري على أي تعيين ؟

يعني مثلاً اللي يتعين الكورس الثاني ؟ ولا اللي يتعين بشهر 4 مثلاً أو شنو بالضبط ؟

ماكو قانون أو إثبات واللي يأكد أنه السالفة خرطي أن البعض خصموا منهم 800 وبعض خصموا أكثر يعني نسبة الخصم مو ثابته

من نسأل ؟ مدري كلهم حرامية

 

[عالي مستواها]

بس معقول نزلت لبنات تعيين مثلنا رواتب كاملة ؟!

متأكدين بنات ؟ متى متعنين بالضبط


ترا بدش فيها على مسئوول لا تفشلوني

من حقنا نعرف .. السالفة مو سايبه


وحده من رفيجاتي متعينه وياي بتاريخ 4/1 نزلها عن شهر أربع 900 وشوي ؟! شلون ؟ محد يدري

هذا إن دل يدل على أنهم فعلاً ناس تمشي على الله والشغل على كيفهم في تسيب مو بس واسطات لا في أغلاط أكبر

ياليت السالفة بس واسطة راااضين فيها

بستأذن الأسبوع الجاي عشان سالفة النقل .. شسوي بعد حظي زفت أخلص من التعيين وبلاويه أدش بالنقل اللي شكله ماراح يتم على خير المهم إذا السالفة صج بدش على مسئوول وأقوله السالفة وأقول أبي أشوف القرار بعيني ورني ورقة مو بس كلام بدون اثباتات إلا يطلع لي دليل لو أدش على الوزيرة بكبرها

كلش ولا الظلم والحرمنة صراحة