اللي تعيين جديد (المعلمات )خبر سيء ضروري الدخول

[رذاذ المطر]

السلام عليييكم

شلونكم بنات شخباركم لكم وحشة

اشكر كل من شارك ودخل الموضوع وتابعنا بدون لا يشارك بهالموضع وحس بمعاناتنا

عالى
النور
ام عفاف

ان شاء الله بتنزل الرواتب في القريب وجعل ربي يبارك بالراتب ماوصيكم تصدقو منه

وعطوا اهلكم و خوانكم وخواتكم

جد راح نفقد هالاياام صج كانت ايام تعيسة واليمة بس الحمدلله ربي فرجها

اشوفكم علي خير واي وحدة فيكم تبي شي تسألنا واحنا ان شاء الله مانقصر معها

 

[ahhaat]

مرحبا بنات كيفكم ؟اشتقتلكم حييييييييييييييييييييييييييل والله راح نشتاق هالأيام ....>بتتصفق :eh_s(1):
انا نفس الشي قالت الموظفه انه راح يتأخر نزول الرواتب لأخر الاسبوع الجاي او اللي بعده بالكثير لانه كتاب التعيين يمر على اكثر من جهة واخر شي يروح لقسم الرواتب مو مشكله صبرنا شهرين نصبر بعد وش ورانا وكل تاخيره فيها خييييييييييييييييييره
سحايب الخير:tek:بنت عمي خذت الدوره على حساب الوزاره العام الماضي لكن اللي سمعته منها انه بعد ماتخلصين الدوره تاخذين الشهاده وتودينها للوزاره ويصرفونلج عليها زياده شهريه مبلغ يمكن 5 دنانير او شي مثل جذي على راتبج يعني ماتتساوى اللي معها الدوره مع اللي مامعاها هذا اللي اعرفه

 

[الأمل الأبيض]

بنات شفيكم جنكم ما صدقتوا تبون فراقنا هههههه



على قلبكم حبايبي



افكر افتح تجمع البنات المطرودات من الوزارة خخخ



اقصد الي تم توقيفهم هههه



شرايكم بس ؟؟



يمه ما صدقوا تبي تنزل معاشاتهم انحاشوا هههههههههههه

 

[ام عفاف الكويت]

لحد الحين مادخلت بالتلفون البيانات
حسبي الله ونعم الوكيل اخر الناس احنا
لا

 

[الأمل الأبيض]

ام عفاف راجعي المنطقة


اكيد ناقص ورقة ولا شئ


انا يالله الخميس الساعة 12 الظهر دخلوا بياناتي


لان بسسس كتاب المباشرة ناقص


يالليت عاد مو عندهم


تصوري كان عند قسم الاجازات يبوني اجي عشان اجيبه لهم لقسم التوظيف


كلمة وحدة من الادارة رفيجتها هناك ومشت اوراقي الحمدلله




انتي راجعي المنطقة الاحد و يصير خير ان شاء الله

 

[ام عفاف الكويت]

رايحه الاربعاء كان ناقصين ورقه وحطيتها لهم وملفي كامل كان ؟\

 

[عالي مستواها]

ام عفاف ليش جذي اخروج حييل


انا صارلي اسبوع تقريبـًا داشه بياناتي من جذي قدرت أخذ مرضيات .. الأسبوع اللي طاف بس داومت الأحد والأثنين والباقي سحبت عليهم :ggdw:

بس عاد والله احس قلبي يعورني أحس بتأنيب ضمير وفوق هذا مدري شسووا المدرسات اللي معاي دربوا الأطفال ولا لاء لانه احتمال يوم الثلاثا حفلتنا وانا ليما غبت الأطفال متنحين مو حافظين الفقرة

ما علينااااا .. نرجع لمحور حديثنا لازم لازم تراجعينهم يوم الأحد بالوزارة ما يصير ليلحين ما دخلت البيانات خلاص بعد قرار الاستثناء نازل من تاريخ 12 الشهر يعني له سبوعين المفرووض دخلوا بياناتنا كلها

اوف لو اني منج اقلب عليهم الدنياا بالوزاارة .. عاد انا حق الشكاااوي جاااهزة هههههههههههههههههههههههههه

بس اذا رحتي أم عفاف لاتدخلين على الموظفين اللي طايحن حظهم على طول اي قسم يدزونج عليه اطلبي المسئوول وحني على رااسه لما يمشي امورج

 

[الأمل الأبيض]

طيب روحي تأكدي شخسرانه

 

[ام عفاف الكويت]

اي قسم ادخل ؟

 

[كتكوته مكتكته]

عالي مستواها انا دخلت على الموقع
وبياناتي موجوده

بس موعد الصرف مكتوب
موعد تحويل الراتب فى حسابك يوم ___ من الشهر الحالى

مو حاطين لي رقم ليش؟؟؟

امبي ببجي متى ينزل معاشي


رفيجاتي نازلهم
3 الاف و600 دينار من ضمنه شهر 4 اثر رجعي


شسالفه فهموني ترى ضايعه ولا ادري وين اروح
انطر والا اروح اشيك

وعند منو اجيك؟؟


تكفون لا تطنشوني

 

[رذاذ المطر]

بنات خلص كل المعلمين بياناتهم كاملة

ام عفاف ماوصل قرار التعيين للمدرسة ؟؟

اذا لا روحي للمنطقة لاتسكتين

كتكوتة ان شاء الله بينزل بس بعد 15 يوم اعتقد او 10 ايام اذا بياناتج كاملة خلص امورج ماشية

 

[عالي مستواها]

كتكوته دام بياناتج موجودة خلاص ماكو مشكلة

بنات اذا بتجيكون روحوا لقسم الرواتب بالوزارة واطلبوا شهادة تفصيل راتب فيها تفاصيل المعاش كامل خلوها عندكم تنفع عشان تعرفون كم المفروض تاخذون كل شهر

بعدين روحوا لقسم الرواتب بالوزارة مقسمين كل منطقة تعليمية بروح روحوا للقسم اللي انتوا تابعين له واسألوهم متى بينزل المعاش ؟

هذا بحالة التعيين رسمي وبياناتكم موجودة بالسستم .. إذا قالوا لكم البيانات مو موجودة - وانا اتوقع انه كلنا بياناتنا حاليـًا مدخله بالنظام - لكن نقول " لو " مو موجودة روحوا لقسم التعيين ودشوا على المسئول قولوا له السالفة كاملة وانا متأكدة ماراح يقصر أبو عبد الله حييل خدوم

 

[ام عفاف الكويت]

الحين طلعت اليوم حامل باركولي \والله يعيني على المراجعات

 

[عالي مستواها]

على البركة ام عفاااف



الله يسهل عليج ان شالله

 

[رذاذ المطر]

ألـــف مـبـروك حلو الخبر جاء مع التعيين

جعله الله من خير عباده وحفظة كتابة

بس الحمدلله مافي تدريس ولا تعب كلها كم اسبوع ونعطل

 

[الأمل الأبيض]

ام عفاف ألف مليون وخمسمية مبروك >> صج مدرسة رياضيات هههههه



انتي ثاني وحدة تقولي اليوم انها حامل




لا تكونين انتي رفيجتي خخخخخخخخ




يالله على البركة بس لا تنسين سميها تعينه لانها بفترة التعيين واذا ولد تعيين




مو تنسين

 

[ام عفاف الكويت]

ههههههه يبارك بحياتكم
بس انا مابلغت احد ههههههههههههههه
انزين تعالوا خبر الوطن شنو التعيين الى اغسطس
بطو جبدي منطقة الفروانيه يومهم بسنه

 

[¤§ زيتونة §¤]

مبرووووك ام عفاف
الله يثبته لج حبيبتي

وديري بالج على روحج





الله يوفقكم يا بنات وتتوظفون وتاخذون معاشاتكم وتستانسون فيها

 

[ام عفاف الكويت]

حبيبتي واختي والله زيتونه ام الغاليه
يبارك بحياتج

 

[@شمس الضحى@]

أم عفاف الــــــــــــــف مبروووووك والله يبارلج فيه ان شاءالله


بنات تهقوووووووووون تنزل رواتبنا اليووووووم

موقع ديوان الخدمه بقول 25_5 بس لللحين مانزل شي