اللي تعرف فندق ببيروت ؟؟

[bambena]

بنات ابي فندق ببيروت قريب من السوليدير او الحمرا او بعين المريسه بس يكون سعره زين يعني احسن سعر من مونرو تقولي بليز واللي جربت نيويورك سويتس او تشارلز هوتيل او نابليون تقولي شلونهم

 

[BaiTotia]

مشاركة: اللي تعرف فندق ببيروت ؟؟

خل أعطيج خبرتي
أول مرة رحنا لها قعدنا بمونرو وايد حلو وهادي
حتى أسعاره مناسبة
بس الغرف صغيرة مو عودة

ثاني مرة قعدنا بسفير واااااااااااااااااااايد حلو حتى أسعاره زينة
و الريوق مالهم حلوووووووووووو كل شي جدامج >>>>أهم شي حق المتن
حتى قريب منه ستار بكس تروحين له مشي

و فندق ميريديان أمي تمدحه تقول حلو

و بكل الحالات كنا ناخذ تاكسي بس ثاني مرة أجرنا سيارة خاصة وايد زين إذا معاج يهال

و ديري بالج لا تسكنين بفنادق مو معروفة أو مو عالمية لأن الصراحة نظافة مو ذاك الزود

سفير وايد حلو أنصحج فيه حتى يحليلهم كل يوم يحطون لنا كاكاو باتشي و بطول ماي

إن شاالله قدرت أفيدج بشي

 

[كل الغلا]

مشاركة: اللي تعرف فندق ببيروت ؟؟

توني يايه من لبنان وسكنت بالميريديان ..مسوين سعر خاااااااااص مع الريوق .. وهو بالحمرا بنص السوق .. روحي لا يفوتج

 

[bambena]

مشاركة: اللي تعرف فندق ببيروت ؟؟

شكرا بنات

انا جربت المونرو وسفير الروشه وايد حلوين بس احنا مطولين شوي ابي ارخص من جذي لقيت نابليون وبيركلي اسعارهم وايد حلوه وبالانترنت شكلهم اوكي بس ودي احد مجرب ونيويورك يوست وايد حلو الكويتيين كله فيه بس للاسف ماكو مكان فولي بوكد

 

[ضوى العيون]

بصراحه انا كنت بسكن الطلبه بس اول مارحت بسفير الانه يعطونا عرض من السفارة
وفي فنادق اسعارهم حيل رخيصه وحلوين بس مشكلتهم قريب على المطار المكان مو شي بس سعرهم نص سعر ليله في فندق سفير

 

[New Mum]

انا سكنت فينيسيا بالتاكسي 3 دقايق للسوليدير صراحه حلو

 

[FANDA]

اختي انه سكنت بنابليون ليلة وحده بصراحه مو ذاك الزود الغرف حدها صغيره والنظافه مب كلش

 

[النبيطة]

انا سكنت باكرو بوليس في جونيه مو شي وكل شويتنقطع الكهرب وكان غالي باللصيف وغرفه تجب التكه
ويوحولنا الحساب على فندق نسيت اسمه بس فيه بارك مقابل كريب اوي شارع الكسليك مطله حلو وفيه بلكونه
قاموا اخترشو اكرو بليس الخايس تخيلي جونا على الفطور ونزلوا السعر في غرفه اكبر واعطونها ب 50 دولار
بس انا حايمه كبدي من الاوتيل ليش من الاول ناصبين علينا ويحاولون يكرهوننا باللفندق اللي ينحول عليه
اشوا ان حنا حولنا بس اذا تبغين السولدير بعيد شوي وعموما مو مثل اول
الحلو فيه شققق في برمانا ماراح تندمين

 

[sondos]

نا سكنت بالماريوت كان حلو ونظيف وراقى وعندهم سيارات توديج مكان ماتبين اى مشوار ب 30 دولار واذا قريب ب 15 دولار ............بس تدرين شنو سواقهم امينيين؟
طلعت مرة السوليدير ونسيت تلفونى بسيارت التاكسى مال الفندق بس انا ماكنت متاكده انى خليته بالسياره فماقدرت اتكلم عقبها بيومين جابه لنا واحنا رايحين المطار سمع التلفون يرن وشافه وعرف انه لنا من صور عيالى على الشاشه .......على قولته يبينون خليجيين