اللي تعرف عن الشفط تساعدني بليز

[SuGaR-LiPs]

قوه بنات

شلونكم .. شخباركم ؟! ..

بصراحه انا اول مره اكتب موضوع بالمنتدى ..

بس والله حدي محتاجه مساعدتكم

حدي مليت من جسمي وحدي ودي اضعف باي طريقه ..

تقريبا ماكو رجيم ما جربته .. ونوعي التزم اذا سويت شي ما اخربط وجذي بس جسمي ما يحرق بسرعه

لو وحده ثانيه سوت اللي سويته جان اختفت من زمان

صارلي فتره افكر اسوي شفط او اي شي يضعف بسرعه ..

بس مادري عند منو اروح ماعرف بهالسوالف وايد ..

عفيه اللي تعرف دكتور زين وشاطر بهالسوالف تقولي .. واللي مسويه شفط من قبل او عندها تجربه بهالموضوع تقولي تجربتها ..

بلييز بنات والله حدي محتاجه مساعدتكم مادري منو اسأل ماعندي احد يعرف بهالسوالف

بس اللي ابيه منكم تقولونلي وين اقدر اسوي العمليه او الشفط وعند اي دكتور وباي عياده حتى لو كان بره الكويت عادي المهم اضعف ..

اللي تساعدني بدعيلها من كل قلبي والله :eh_s(17):

وسوري اذا طولت عليكم ..​

 

[هنديه]

حبيبتي الله يعينج و يعيني و يعين الجميع .. انا عقب باجر انشالله باذن الله عمليتي بسوي شفط وشد عند د.عادل قطينه خوش دكتور وايد امدحولي شغله .. انشالله بعد العمليه اذا الله كتبلي عمر اقولج عن النتيجه

 

[salsa]

تقدرين اتابعين تجربني على هالرابط حياج الله:http://www.q8yat.net/showthread.php?t=283753

 

[تعبت اجامل]

سسسسسسسسسسسكر اقرأي موضوعي اللي توني منزلته في الصفحه الاولى بعنوان ( شوفوا عملية الشد والشفط وش سوت لي ) اتمنى تستفيدين قبل ماتطيحين طيحتي . اختك

 

[ام عيالها الغاليين]

أنا بصراحة أخاف من هالسوالف مرة كلش والله العظيم قررت أودي بنتي من كثر ماكانت نفسيتها زفت بس تعوذت من الشيطان ماعندي بنت غيرها وما أبي اظل طول عمري اأنب ضميري واخسر بنتي الوحيدة
يابنت الحلال عليج الرجيم وحبوب قاطع الشهية والشاي الأخضر وهالسوالف والله تضعفين انا بنتي لحد الأن منزله تقريبا 20 كيلو ومستانسه حدها والعايلة كلها تشجعها بعد ماكانت يائسة والله
وديتها عند عبدالعزيز الفرحان وحطيت ايدي بإيده والله العظيم الله يجزاه ألف خير

 

[SuGaR-LiPs]

هنديه .. بشريني بعد العمليه ناطرتج .. موفقه انشالله وتقومين بالسلامه حبيبتي .. وتسلمين عالمرور الحلوو

salsa .. شفت موضوعج وتحمست والله بس ابي اعرف النتايج شلون ويبين الفرق ولا لا .. وتقومين بالسلامه انشالله ^_^

تعبت اجامل .. انشالله بقراه بس مابي اتحبط لان بصراحه مليت من الرجيم حدي تعبت واحس ماكو حل الا الشفط .. وتسلمين حبوبه عالمرور ماقصرتي ..

ام عيالها الغاليين .. نفس كلام امي تقولي اخاف اسويلج واتحسف بس من كثر ما نفسيتي تعبت من هالسالفه رضت تسويلي .. شسوي مليت .. الله يخليلج بنتج وانشالله تضعف وتوصل حق اللي تبيه وترتاح .. ومشكوره حبوبه عالمرور

تسلمون عالرد يعطيكم العافيه ما قصرتو : )

 

[توتا5]

انا صارلي خمس ايام مسويه شفط وشد والحمد لله كنت خايفه بس الحمد لله الحين اقول باليت من زمان مسويتها
سوينها بطيبه
والحين كل ماقوم وشوف نفسي ينشق الحلج :eh_s(6): مع اني ليلحين مورمه بس النتايج مبينه
احمدك يارب