مادري احسج مكبره السالفه حيل
يمكن اهي ويانا بالمنتدى وانتي حاطه كلامها هني واسامي البنات
بس شكلكم مطيحين الميانه مع بعض والدليل تعرف ايميلج وداشه مسنجر وياج ..يعني ليش الحين تصيرين حساسه ومالج خلق عليها وانتي عطيتيها وجه من البدايه ... انا ما احب اطيح ميانه مع احد واعطيه رقمي او ايميلي لين اعرفه عدل و تمر شهووور على معرفتنا
ديري بالج مو اي احد تعطينه وجه من البدايه ترى الناس اطباعهم مختلفه وهذي والله نصيحه لاني جربت اكثر من مكان وفي ناس بالبدايه حليوين بس لا تعمقت معرفتهم وياج يغثونج خصوصا لا عرفوا انج هاديه ومسالمه خصوصا الحريم قطييعه
لا رحتي دوامج بتعرفين شلون بتصير وياج بعدين خصوصا من طريقة سلامها واسلوبها وياج خلي الامور تمشي من كيفها
ولا تحطين في بالج انها اقوى منج وان البنات بيقلبون عليج ويصيرون معاها !! تراها مو حرب واللي صار غشمره مو اكثر ومشي الميداني على خير واللي مو عاجبه حطي عليه block و delete من مخج وريحي نفسج
وترى صداقات الميداني ما تدوم ركزي على دراستج وبس
وهذي نصيحه من اخت والله ولا تزعلين من كلامي
