اللي تعرف اي شي عن الروماتوي..تساعدني..وتدعيلي بالشفاء

[أفوكادو]

السلام عليكم,,,,
خواتي الحبيبات أود الاستفسار والنصح
هل أحد يعرف عن
مرض SJOGREN`S SYNDROME
اعراضه كثيرة اذكر أهمها:
تعب عام بالجسم - ازرقاق الاصابع - جفاف بالعين والحلق والمهبل والجلد - عدم قدرة العين على مواجه الضوء - صداع .....
حيث ان اخصائي الروماتيزم في UK - قد صرف لي دواء Hydroxychloroquine
ملاحظة: الدواء نفسه يصرف لمرضى الملاريا
المهم انا الحين بعد سنة من اخذت العلاج استاءت حالتي وتعبت حيل بالتحديد 18/12/2006
وضاعفولي الجرعة الضعف بعد ما قمت (لا استطيع المشي والحركة - بعض الايام)
وعطتني الاخصائية دواء (ِArcoxia) استمر عليه لمدة اسبوعين فقط (بالاضافة الى الدواء اللي انا مستمرة علية)
ولكن الدوا بعد ما اخذته عشر ايام سوالي شي خطير وهو نزيف بالامعاء والقولون عفسني فوق تحت لمدة ثلاث ايام - العيد - والمستشفى تدرون بالعيد الاطباء خفر يعني مدودهين و مو عارفين شسوون معاي...واستاءة حالتي وقررت الدكتورة توقفه بالحال
والحين انا جدا متبهذلة والصحة
اللي تقدر تساعدني باي معلومة لا تبخل علي وجزاكم الله خير الجزاء ..

انا رايحة الى لندن بعد اسبوعين ولمدة اسبوع ...كرحلة علاج لزيارة لنفس الدكتور اللي متابعني بشوف شقولي
ومخلية اعيالي بالديرة :eh_s(16):
وخايفه خلال هالاسبوعين اشبصير معاي
...ادعولي بالخير...

وجزاكم الله خير​

 

[umhomood]

ماتشوفين شر حبيبتى الله يشافيك ويشافى كل مريض يارب هذا امتحان من رب العالمين ويارب تروحين وترجعين لاولادك واهلك بالسلامة اذا قدرتى تطمنينا عليك من هناك لاتتاخرين السلام0

 

[ii DareeN ii]

ماتشوفين شر اجر وعافيه انشاء الله تروحين وترجعين بالسلامه حق عيالج
بس للاسف ماعرف عن هالمرض بس اكيد برا بيفهمون له ويعطونج علاج تمشين عليه احسن من هني الي يحوسون الواحد حوس ​

 

[أفوكادو]

اخواتي //
دارين --- ام حموووود

جزاكم الله خير ....عسى الشر ما اييكم ولا يطريكم ....والعافية تلمكم وتحتويكم

 

[أفوكادو]

اخواتي //
دارين --- ام حموووود

جزاكم الله خير ....عسى الشر ما اييكم ولا يطريكم ....والعافية تلمكم وتحتويكم

 

[أفوكادو]

اخواتي //
دارين --- ام حموووود

جزاكم الله خير ....عسى الشر ما اييكم ولا يطريكم ....والعافية تلمكم وتحتويكم​

 

[أفوكادو]

اخواتي //
دارين --- ام حموووود

جزاكم الله خير ....عسى الشر ما اييكم ولا يطريكم ....والعافية تلمكم وتحتويكم​

 

[قـلب من ثلـج]

ماتشوفين شر حبيبتى
على فكرة فى امراض تشابه حالتج مثل الروماتيزم الذئبة الحمراء والروماتيد ودايما الاطبا يخلطون بينهم لازم متخصص وفاهم بعد اما عن العلاج وقفية لانه مايناسبج والدليل الاعراض الجانبية صج انة لكل علاج حتى البندول لة اعراض جانبية بس مو شذية
نصيحة حاولى تروحين متخصصيين وتدفين نفسج قد ماتقدرين ودهنى جسمج بفكس صج حار بس استحملى

 

[جكورة]

عسى الله يشافيج ويعافيـج ويردج لبيتج وعيالج متعافيــه.أهم شئ توكلي على الله ولاتفكرين وتوسوسين ترى النفسيه مهمه للعلاج......بالنسبه للمرض أول مرة أسمع فيــه سامحيني كان ودي أساعدج....

 

[سمسميه]

اول شي ما تشوفين شر حبيبتي والله يشافيج انشالله
انا مرت اخوي تعاني من نفس المرض وما بقى \وا ما خذته من الكويت ومن برا الكويت وانا بنفسي يبت لها قطره من مصر تمنع جفاف العين

بس تدرين كل هذا ما فادها

الي فادها اهو الحجامه

اي الحجامه
وايد تحسنت صحتها لما صارت تسوي الحجامه

وانشالله اكون فدتج

 

[أفوكادو]

الحجامة!!!
احد يعرف وحدة ثقة ومجربة ونظيفة؟؟

 

[*ستايل*]

الله يشافيج يارب

 

[حبيب قلبي]

الله يشافيج يارب بس انا تلخبطت الروماتوى اهو الروماتويد لان انا فيني الثانى بس الحمدالله ماتيينى ااعراض الى قلتى عنها ايينى عوار يذبح بجتفى وصار لى مع المعرض تقريبا 5 سنوات ولحد عرف شنو فينى ماعدا دكتورة مستشفي خاص اهى الى عرفت حالتى وان شاء الله على اخر الشهر موعدى بالاميرى وشوف شنو يسوون

 

[ضحكة الدنيا]

بالنسبه لهذه المرض بصراحه اول مره اسمع عنه وكان ودى اساعدج بس
ماتشوفين شر اجر وعافيه انشاء الله تروحين وترجعين بالسلامه
وبالنسبه لعيالج لاتحاتينهم لان النفسيه بتلعب دور مهم فى رحلة العلاج والله يوفقج حبوبه

 

[umhomood]

حبيبتى انا قريت عن دكتورة فى جريدة الوطن من فترة اسمها شيماء عبد التواب يمدحونها يارب تفيدك فى رقم بس مو متاكدة منه اهو 6083092واذا قدرتى تتصلين فى الجريدة وتسالين عنها يكون احسن يارب يشافيك ويعافيك ويشفى كل مريض0

 

[أفوكادو]

مشكورين حبايبي
انا اجلت سفرتي لان الدكتور (اللي متابعني في بريطانيا ) قال صعب
اسافر 6 ساعات اذا فيني نزيف فخفت من السفر

 

[**سهام**]

أسأل الله العظيم رب العرش العظيم ان يشفيك

 

[Dancing^Queen]

الله يشفيج انشاءالله ويخليج لعيالج وتفرحين فيهم معاريس وعرايس يارب
للاسف ماقدر افيدج بخصوص هالمرض


بالنسبه للاخت حبيب قلبي

اختي فيها روماتيد ، الم في المفاصل والعظام خصوصا لما تسوء الاحوال الجويه/ التعب/ الارهاق/ المجهود البدني
وبحكم ان عملها مكتبي ووايد وطباعه كمبيوتر تطور مرضها صارت ايدها تتيبس مرات ماتقدر اتحرك اصابعها وتنعكف علي حركتها
عيزت مابقا احد مارحاتله اهني
خاص او حكومه وكلهم بالنهايه صبه حقنه لبن نفس النتيجه مسكنات مسكنات
يقولولها مافي علاج بس مسكنات

راحت المانيا
اول شي سواه الدكتور قل كل تحاليلها بالزباله
وسوالها ثاننين
قالها لو تنطرين اكثر كنتي راح تتحرولين (بس بالالماني) وماراح نقدر نسويلج شي راح يتحور العظم ويقعد علي شكله وفي علاج مو مافي
وبدا وياها العلاج متعب مهلك يعطونها علاج كيميائي نفس اللي ياخذونه مرضا السرطان يكافينا ويكافيكم الشر بس جرعاته مخفهه واقل يعني لاقرعت ولا مرت بسايد فاكتهم بالقوه نفسها
والحمدالله استجابت والمرض الحين صار كامن وقفت الحين لانها تبي تحمل واستشارت الدكتور قالها تقدرين تحملين مايضر راح يوقف باذن الله
بس عقب الولاده نرد انكمل العلاج
وعلي فكره اهي كان فيها صدفيه بسيطه وحده بصبع ريلها العود <<< ياولد
والثانيه بركبتها بس عنونه مقل البصمه العنونه
قالها هذي من الروماتيد اهو السبب فيها نوعين منه <<< بري وبحري علي قولتها
والله يشافيكم ويشافينا كلنا يارب

 

[ملاك1980]

لا حبيبتي ما تشوفين شر انشاءالله والله لو ادري اي شي عن هذا المرض جان فدتج فيه وسلامات ما عليج شر انشاءالله

 

[طير الحب]

ماتشوفين شر اجر وعافيه