اللي تعاني من التهابات في المهبل تدشي اهنيه

[متى تفرج بس]

مرحبا


بنات انا اعاني من التهاب بكتيري في المهبل وعطتني الدكتوره علاج وصرت زينه لمده اسبوعين بس وبعدها رد لي مره ثانيه
هالشي مضايقني حييييييييييييل لاني قبل بفتره تعالجت بعد وصرت زينه فتره بسيطه ورد رجع لي
كان عندي افرازات صفرا وفيها ريحه وحراره اشوي بالمنطقه ولما كشفت علي الدكتوره قالتلي لاتخافين هالشي بسيط ولايأثر عليج بعدين والقهر تقولي مافيه ريحه
واصلا الريحه قويه حيييل اشلون اهي تقولي مافيه مادري عنها افففف قهررر :eh_s(2):
منو تعالجت وصار زينه , عارفه الافرازات الكل يعاني منها بس موزيي احس اني مريضه مدري ليش
بنات اللي تعالجت وصارت زينـــــــــــــــــــــــه ولاعادت تشكي من هالشي تخبرني
انا بنت وقريب زواجي وخايفه هالشي يأثر علي مع ان الدكتوره طمنتني بس الهوس يلعب دووور

وعندي سؤال ثاني
قالتلي الدكتوره لااستخدم الغسول يوميا لانه يسبب جفاف
والغسول احسه يريحني وايد ويخفف الافرازات بس حبيت اعرف شنو اعراض الجفاف يعني شنو بيصيرلي اذا صار عندي جفاف
بنات رحم الله والديكم ردو علي واللي ماعندها علم ترفع الموضوع بالصلاه على محمد وال محمد
ورفع الله قدركم ان شالله وربي يشفي كل مريض ويرزق الكل باللي تتمنونه يارب ياكريم

 

[متى تفرج بس]

رد : اللي تعاني من التهابات في المهبل تدشي اهنيه

للرفع

 

[وردة الحياة]

عليج بالمره نقعيها بماي دافي يوم كامل وترشفي فيها مدة سبع ليالي

وبعدين الافرازات شي طبيعي بس انا مستغربه انج بنت مو متزوجه واللي اعرفه الافرازات طبيعيه للمراه المتزوجه
وبعدين لاتركزين وايد على الافرازات وتكبرين الموضوع عادي لا تحاتين
بعد الزواج استخدمي الغسول قبل ...... وتعطري حطي مسك الطهاره او مسك العروس بالمنطقه الحساسه وماراح تكون في ريحه انتي لاتحاتين
وبالنسبه للجفاف احس احسن من الرطوبه تحسين طول اليوم بانتعاش .. وفي غسول يكون استخدام يومي
ونشفي عدل بعد الماي


ونصيحتي عليج بالمرة ولا تخربطين وايد
والله يوفقج يارب

 

[دلوعت مودها]

المره نقعيها مع ديتول العنايه الشخصيه الاخضروماي وشوفي النظاااااااااااااااافه والريحه الحلوه
وتجنبي الحمامات العامه ونشفي قبل ماتطلعين من الحمام وغيري الملابس الداخليه باليوم اقل شي 3مرات,,,
وماتشوفين شر,,,

 

[ﺂلعيوטּ ﺂلناعسـﮧ]

المرة برؤحها نفعنتي كثير ؤمن اؤل مرة رراح تحسين

ؤعسى يرزقج بلي تمنينه يا قلبي

 

[ﺂلعيوטּ ﺂلناعسـﮧ]

انا عندي اكؤن جافه احسن من اني اكؤن رطبه ؤفي غسؤل تلقينه بالصيدليه بس ؤالله ماعرف اسمه حلؤ يطهر ؤيعقم ؤينشف المنطقه للبنات ؤالمتزؤجات

 

[متى تفرج بس]

رد : اللي تعاني من التهابات في المهبل تدشي اهنيه

ياقلبي كلكم ماتقصرون والله فديتكم

 

[سارووه الاموره]

حبي شربي ماااي دافي اول ماتقعدين من النوم حاولي تشربين قلاصين

وغيري ملابسج الداخليه ع طول

واذا دشيتي عزكم الله الحمام مسحي المنطقه قبل لاتلبسين الاندر وير واهيا غرقانه ..

وغسلي بماي وملح خشن الطبيعي ومره نقعيهم بعدين غسلي فيهم

ونصيحه لاتستخدمين غسولات انا مارجع الالتهابات غير هالغسولاات الطبيه ..

 

[bibi]

مرحبا


قالتلي الدكتوره لااستخدم الغسول يوميا لانه يسبب جفاف
والغسول احسه يريحني وايد ويخفف الافرازات بس حبيت اعرف شنو اعراض الجفاف يعني شنو بيصيرلي اذا صار عندي جفاف

أختي انتي كتبتي سبب مشكلتج ( الغسول )

المنطقة الحساسة تفرز بكتيريا نافعة وضارة ، والغسولات تقضي على البكتيريا النافعة وهذا اللي يسبب الجفاف وحكة و حساسية وراح يشجع البكتيريا الضارة على النمو وهي اللي تسبب الريحة والفطريات . عشان جذي وقفي الغسول واكتفي بالماي الدافي والتنشيف بفوطة قطنية .

وقد يكون السبب الثاني نقصان السوائل
نقصان السوائل يتسبب بالتهاب في البول والإلتهاب بينتقل للمنطقة أثناء التبول ولازم تكثرين من الماي وخلال أيام بتحسين بالراحة .

منقوع المرة مفيد لكن مو بشكل يومي ، لأن المرة عبارة عن مضاد حيوي وكثرتها موزينة لأنها بتقضي على البكتيريا النافعة .



كل شي بإعتدال حتى النظافة وإلا راح ينقلب مفعولها عكسي .

وسلامتج وماتشوفين شر