اللي تستخدم مسكارالانكوم هبينوز تدخل

[غير كل الناس]

بنات من كثر مامدحتوا هالماسكرا رحت اخذتها وانا كله استخدم برجوا :050103nbh_prv: رحت اخذتها

لاحظت انها تتكتل عالرموش يعني بصعوبه تنمسح استخدمت مناديل جونسون وقطن وكريم مزيل ماكو فايده تلزق عالرموش

وبغيت اسال هالشي صار معاكم ؟؟ :bbbiu:

هي حلوه بس مشكلتها تلزق ماتنمسح بسهوله

 

[نور اهلها]

قصدج القديمه وله اليديده دراما
ثنتينهم عندي وعادي يروحون

 

[جوك احلى جو]

حبيبتي من صجج استعملي زيت زيتون او

زيت لوز او

زيت عافيه

ومسحي ويهج كله يشيل مكياجج باقل من ثانيه

وفكي عمرج انا صرت ما اعترف بمزيلات المكياج من بعد استخدامي للزيت حاليا استخدم زيت دلال

 

[ريـــم إلغـــلآ]

رد : اللي تستخدم مسكارالانكوم هبينوز تدخل

رفع

 

[غير كل الناس]

الجديده

واخذها من بيضون 13 د

 

[meme318]

لو تجربين ماتجربين عليها ومثلها ماتلقين انا جربت كل شي مثلها مافيه !! يمشون الحال بس مثلها لا اهي وشانيل احلا ثنتين عندي_03ba:

 

[سمبتيكا ~]

آنا بـ حياتي ما آستخدمت غير ماسكرا لانكوم
كنت آستخدمها من كان سعرها 6 ونص عزااااااه
اللحين بـ 13 كل سنه يزيدون دينار ..

بس تدرين ليش مالتج تتكتل ؟ لانج شاريتها من بيضون
بيضون لاعطورات ولا مكيب آب ولاشي عندهم فرنسي كله تعبئة الآمارات
آخذيها من دينهامز آو الفرنسي .. آنا ما آعترف إلا بهالآثنين


بس بقولج ســر
آنا آخر مره شريتها من شهر تقريبا
آخذتها من دبنهامز الخبر ،، ومادري آحس آنها تتلزق وماتطلع رموشي إللي خابرتها ؟!

وبس تعبت خخخخخخخخخخ

​

 

[Maltesers]

رد : اللي تستخدم مسكارالانكوم هبينوز تدخل

امسحها بزيت بيبي اويل البخاخ اللي على لوز .. بسرعه ترووووح

 

[ميمي777]

رد : اللي تستخدم مسكارالانكوم هبينوز تدخل

انا استخدم مناديل جونسون مزيله للمكياج وتنظف عدل هذي تجربتي
والماسكرا هذي ما يختلف عليها اثنين حبيبتي

 

[واقعية حـلـم !]

ما لاحظت هالشي

ترى بيضون مو ثقة


دبنهامز اضمن لج

 

[نور عــيني]

رد : اللي تستخدم مسكارالانكوم هبينوز تدخل

سوااااااء بيضون ولا دبنهامز لانكوم اهي لانكوم

ماحسيت بالفرق بينهم

بس صح كلام البنات بعدي عن بيضون قد ماتقدرين

والاضمن دبنهامز والفرنسي وفافافوم

اذكر لمن اشتري هالمسكرا يكون معاها غسول خاص للعيون روووووووووعه

واتمنى افاادج كلااامي

 

[غير كل الناس]

الف شكر حبيباتي

بس الظاهر ان بيضون صج مو ثقه

عاد اخذت منهم عطر امواج ب 56د

 

[فوشيه عجيبه]

والله ما عندي فكره

 

[غير كل الناس]

اب اب

 

[Winter Q8]

يقولون بيضون قديم و محزر ..
خلج على دبنهامز و مراكز التجميل في الجمعيات اللي عليها دوس

 

[ذيبه مزاجيه]

يمكن انتي ماخذه ووتر بروف !!!! ما تطير من العين كلش اذا لانكوم ووتر بروف (ضد الماي) ,,

 

[غير كل الناس]

يمكن انتي ماخذه ووتر بروف !!!! ما تطير من العين كلش اذا لانكوم ووتر بروف (ضد الماي) ,,

الظاهر انتي صح

 

[فديت عيوني]

امسحي اي مسكرا تحطينها

بزيت زيتون

 

[شوشو العنزي]

مثل ما قالوا البنات يالذات رموشج مسحيهم كلينكس بزيت زيتون او لوز اللي يريحج
اهو اللي يوخرها

 

[امونه_الحلوه]

انا عندي اياها بالعكس ماتتكل الرموش ومرتبه يمكن ناتي تحطين وايد او مو موزعتها عدل انا امسحها بمناديل جونسون اند جونسون