اللي تزوجت عن حب تعاالي أبيج بكلمة راس

[لمساتـي]

اب اب

 

[yam_yam]

اللي خايفة منه حبيبتي ماله علاقة بالحب قبل الزواج و لا بعده

ممكن زواج تقليدي و يفشل و ممكن عن حب و ينجح
ممكن يكون اغلب اسباب الطلاق عن زواج الحب ان الواحد يطلع احسن ماعنده من شخصية و صفات و بعد الزواج تكتشفين العكس لانه كان يمثل

 

[شطانه طفله]

حبيبتي الزواج بشكل عام منه الناجح ومنه الفاشل
مو شرط زواج الحب فاشل ياما ناس تزوجوا عن حب وحياتهم فله شمعه منوره هههههههه والاخر فشل ذريع
مو شرط زواج الاهل فاشل مثل عيال العمه او الخاله او او من القرايب ياما ناس خذوا من الاهل فشلوا ونجحوا
مو شرط الزواج التقليدي فاشل ياما ناس تزوجت تقليدي ونجحت وفشلت


*** الزواج اهوا حسن الاختيار ***
مثلا عن حب بما انج ذاكره الزواج عن الحب
اذا الريال حااابج ويبيج ومقتنع فيج داخليا قبل خارجيا وراضي بعيوبج قبل مميزاتج ومايفكر يرفع عينه على بنت غيرج >>> نظام عنتر مثلا خخخخخخخخخ وبعد ما تختبرينه الف اختبار وشاري اهلج ويتشرف فيكم وحابهم هذا زوج ناجح ان شاء الله

اما الريال اللي يقولج انا احبج وابي اتزوجج وانتي ماتصدقين خبر تتلصقين فيه غصب وتتصنعين واهوا يتصنع هذا زواج فاشل ولا حول ولا قوه الا بالله

وحاليا هذا اللي صار براسي والله الموفق انشالله والله يسهل كل زوج زوجه ويكتب لهم الخير يارب ويرزقهم بالذريه الصالحه

 

[دبه موت]

انا خطوبتي من شخص عن حب بس ندمانة بقوووووهالمشكلة مو مني المشكلة من الشخص نفسه اكتشفت عنده انفصام في الشخصية وراعي بنات أعوذ بالله
وما عرفت هالشي الا بعد الملكة من ولد خاله بس تعذبت معاه حييييييل راعي مشاكل وهم وغم
ادعي لي افتك منه وارتاح بس

 

[M!$_ $heme]

كل ريال ممكن يشك سواء عن حب او تقليدي والمرأه نفس الشي ممكن تشك وهالشي يهدم الاثنين الحب والعشره

 

[قاهره عذالي]

ماله شغل زواج حب او تقليدي

هو ما خطبج الا ويعرف اخلاقج ومتاكد منها وواثق فيج

ودام انج مراه واضحه وكل شي يدري فيه عنج ان شاء الله ما بينكم شك

بس ترا الرجال اللي يخون مرته ويعرف حريم واجد وهامل مرته هو اللي يشك فيها

لان تلقينه يعرف متزوجات ويعرف حريم اشكال والوان ويخاف زوجته تكون مثلهم

 

[التوق]

عزيز قلبي :
حيااتي اجمعين ياارب والحمدلله والشكر لله وإن شاءالله مايدخل الشك بينا بيوم
وحبيبتي ربي يوفقج ويسخرلج ريلج يارب

لمساتي : مشكوورة منورة

يم يم : اي ممكن جذي في اشياء نتصنع فيها بس الله لا يجيب طاري طلاق إن شاءالله وحبيبتي فديتج ربي يوفقج


دبة موت :
ليش حبيبتي الطلاق مو حلو اعوذبالله منه استخيري ياقلبي وقومي الليل وادعي ان الله يهديه يمكن اهو توه بمرحلة طيش لكن كل الرياييل بعد ماتصير عندهم مسؤوليه يتغيرون يعني بيت وعيال ويظل يجابل عياله بالعكس يتغير 180 درجة يعني حرام توج صغيره ليش تبين الطلاق بالعكس ياقلبي تحملي والمرى الشاطرة اهي اللي تخلي الريال ينسى شي اسمه حريم الريال اذا مالقى اللي يبيه عند مرته بهذي اللحظة يكلم يدور اللي يبيه ماعليج الا بالدعاء وعسى ربي يوفقج يارب ويهديه ويسخره لج ومايشوف غيرج يارب

شطانة طفلة :
فديتج والله
ربي يوفقج ويكتبلج كل خير ؤاجمعين يارب فديتكم على دعواتكم الحلوة ويرزقكم بالمثل يارب والحمدلله ان الله جمعني فيه بالحلال
الحمد والشكر لله ومشكورين كل وحده ردت او رفعت الموضوع ربي يوفقكم ويرزقكم كل خير يارب

مس شيمي : المرى شي سيكيولوجي ان تشك بس الريال اذا شك اعتبره مريض اذا مرته شفافه معاه وصاينته و حاطته بعيونها
حبيبتي ربي يوفقج مشكورة حياتي


قاهرة عذالي : اي والله الحمدلله على كل حال وإن شالله مايدش الشك بينا والله يبعد عنا نوعية هالرياييل ويهديهم يارب ويسخرهم لنا
ومايشوفون غيرنا ويوفقنا اجمعين يارب

 

[الملكه روز قطر]

اااااااااااب

 

[زيووونتييي]

كل زواج عموما يمر بمشاكل اذا كان حب ولا تقليدي

انا متزوجه عن حب سنتين بس علاقة التلفون مهما كانت تكون حدها حدها سطحيه لما تعيشين معاه غير الريال مع العشره يبين وهم انتي راح تكونين بعينه غير عن اللي كانت بالتلفون بس هذا مو معناته شك وغيره واخر شي طلاق لا شكو كانا الحمدالله المره الذكيه تعرف شلون تمسك بيتها وريلها ايا كانت طريقة الزواج وعموما اول سنتين معروف كله مشاااااكل واذا كان الاحترام موجود كل شي يكون له حل

انا عمري 22 سنه وريلي 25 لما تزوجت كنت صغيره بس مع هذا الكبر بالعقل انا اللي عرفت شلون احافظ على بيتي وتعودت على طبايع ريلي وحببته فيني

زواج الحب مو فاشل بس المطفوقه مطفوقه تزوجت حب ولا تقليدي مخها بركبها .!!

 

[التوق]

زيونتي فديتج عسى ربي يسهل عليج ولادتج ويرزقج الولد المعافى المشافى يارب وترفعون راسكم فيه
وبكل الاحوال المشاكل موجوده سواء قبل ولا بعد كل يوم لازم مشكلة عدي وخربطييي جم مرة باليوم اتهاوش
وياريت على شي يسوى وإن شاءالله بعد الزواج اعقل وماسبب مشاكل ههههههه وحياتي ربي يوفقج ويسخرلج زوجج
ومايشوف غيرج يارب


مشكورة الملكة روز عالاب :*

 

[منيرة@]

متزوجه بعد حب

بس انا اشك فيه ودايما نتخاصم عشان كذا

 

[مهمهانه]

انا زواجي تقليدي يعني من الأهل وكنت اختيار خواته ........
بس كان خاطري أتزوج عن طريق حب لأني شفت اللي حوليني تزوجوا زواج حب سواء من أهلي وأهل زوجي وحتى صديقاتي وزوجاتهم الحمدلله ناجحه وفيها ود واحتراما وتقديررر حتى ريايلهم يسومون لهم كل اللي يبووونه ولا يقصرون عليهم بشئ وكل ما يكون فيه مناسب يحتفلون ولاينسوون يوم ميلادهم ولا حتى يوم زواجهم يعني احس اللي يتزوجون عن حب لهم تفاصيل خاصه فيهم ويستانسوون الله لا يغير عليهم ويحفظهم من كل شر .......
بالنسبة لي مثل ماقلت لج زواجي تقليدي ما اقول أني حياتي مب حلوه لا استغفر الله حياتي حلوه وزوجي زين بس حبيت أعيش نفس اللي تزوجوا عن حب واعيش نفس تفاصيل حياتهم واهتمام أزواجهم تنميتها تكون في زوجي وما ينسى مناسباتناا بس مافي انسان كامل والحمد لله على عطايا ربي ....
الله يسخر لج خطيبج ويوفقج في حياتج المستقبليه يارب

 

[موووني القحطاني]

فعلا مجتمعاتنا عمياء منقاده للعادات و التقاليد

واقسم لو نطبق الاسلام جملة وتفصيلا نكون اعضم الامم منطقا وعملا

 

[التوق]

كتبت رد شطوله وانمسح
منوررين العموم
وربي يوفقكم اجمعين