حبيبتي ام عبدالرحمن
لا تتوترين ولا شي
اهم شي تروحين انيقة لبسج مو الوان وايد
وتكونين واثقة من نفسج لما يسألوونج
والاسئلة تقريبا كانت كلمينا عن نفسج قولي وين درستي وليش اخترتي هالتخصص
واذا مشتغلة من قبل وين اشتغلتي وشنو كانت وظيفتج والاشياء اللي تحسين كنتي مميزة فيها
واذا قالولج ليش طلعتي من وظيفتج قولي ابي اطور حياتي العملية مابي اكون واقفة بمكاني
صدقيني دشي وانتي احساسج انج رايحة تدردشين لمدة ربع ساعة او نص ساعة وبتحسين بارتياح لان مافيها شي يخوف
اهم شي الثقة بالنفس
وراح يسألونج ليش ممكن نختارج من بد كل الموجودين هني قولي قدراتج
وراح يسألونج شنو عيوبج .. اذا تبين اجابتي انا قلت لهم انا عن نفسي مو شايفة فيني عيوب او نقص لاني اذا اكتشفت اي عيب بشغلي اعدله على طول واذا فيه شي انا مو منتبهة له اكيد اول ما انتبه له راح ينتهي
اتمنى اكون فدتج ومرة ثانية اهم شي الاناقة والثقة بالنفس والارتياح لا تبينين لهم اي توتر
