اللي تراجع عند الدكتوره فوزيه القطان وحملت رجاءا تدخل ؟

[مستكه]

السلام عليكم والرحمه



بنات انا بتوكل على الله وبروح اعالج عند الدكتوره فوزيه القطان لاني اجهضت من قبل والله ما كتبلي بعدها الحمل وانا الحمدلله مافيني شي ,,


وانشالله بأذن الله بقولها ابي احمل بتوائم فبتبدي معاي على طول بابر والا كلوميد ؟؟وهل تطلب مني اختبارات دم اسويها وشنو اهي ؟؟


بنات اللي عندها خبره ارجو انها ما تبخل علي وبدعيلها انشالله من كل قلبي والله يرزقني ويرزقكم ويعطيكم العافيه

 

[الشهدوالدموع]

اللي سااامعته انها واايد زينه ولها بهالسوالف ,,,والتحاليييل اكيد تبي تشوف عندج هرمون الحليب وغيرة من الهرمونات المهمه واهم شي هرمون الحليب مااايكون مرتفع لان اذا مرتفع لازم علاج بعدين حمل ..ولازم ماايكون فيج انتي او زوجج التهاباات لان الاتهابات تمنع الحمل واول شي راااح تدخلين عند دكتورة غير دكتورة فوزية هي دكتورة ريم ..واااااااااايد زينه تهبل وانا نفسج ...حملت وطرحت وبعد مااحملت والحين ببادي اعالج والله كريم توكلي على الله

 

[سارا ديور]

انا الشهاده لله ما اعرف حتى ويها

بس سامعه انها وااااايد زينه

 

[كويتيه وافتخر]

تهبل فوزيه
والحمدلله من اول شهر علاج حملت بفضل الله ثم فضلها
تسوي تحاليل اكيد وانا خذيت ابر والحمدلله والله يخليهم لي حامل بتوأم يارب تقر عيني بشوفتهم

والشهاده لله اهي نصحتني ما اخذ ابر قالت خل نشوف سبب اجهاضج بالاول قلت ما ابي ابي ابر
قالت اوكي وحملت وسوت لي تحاليل عن سبب الاجهاض طلع معاي اجسام مضاده صرفت لي ابر من الشهر الثاني اواصل عليهم لي نص الثامن علشان مايصير اجهاض
ترى عندها ناس حملوا بثلاثه واربعه وخمسه فدربالج من الابر اول شيء خذي كلوميد وسمعي شورها ترى زينه زينه تهبل ماشاء الله عليها
واناعني دخلت عليها على طول مادخلت على ريم
وبالتوفيق الله يرزقج اللي ببالج بتوام يسرون قلبج

 

[الفنانه79]

والله يالغاليه فوزيه واااااااااااايد زينه بنت عمتي كانت عندها واحملت بثلاث توائم ايهبلون بنتين وولد

ورفيجتي عندها يابت ثلاث توائم ولدين وبنت

الله يرزقج مثلهم يااااااااااااااااااااااااااارب

 

[مستكه]

الشهد والدموعو سارا ديور يعطيج العافيه

 

[مستكه]

تهبل فوزيه
والحمدلله من اول شهر علاج حملت بفضل الله ثم فضلها
تسوي تحاليل اكيد وانا خذيت ابر والحمدلله والله يخليهم لي حامل بتوأم يارب تقر عيني بشوفتهم

والشهاده لله اهي نصحتني ما اخذ ابر قالت خل نشوف سبب اجهاضج بالاول قلت ما ابي ابي ابر
قالت اوكي وحملت وسوت لي تحاليل عن سبب الاجهاض طلع معاي اجسام مضاده صرفت لي ابر من الشهر الثاني اواصل عليهم لي نص الثامن علشان مايصير اجهاض
ترى عندها ناس حملوا بثلاثه واربعه وخمسه فدربالج من الابر اول شيء خذي كلوميد وسمعي شورها ترى زينه زينه تهبل ماشاء الله عليها
واناعني دخلت عليها على طول مادخلت على ريم
وبالتوفيق الله يرزقج اللي ببالج بتوام يسرون قلبج

ياعمري والله تسلمين على هالدعوه الحلوه والله والله يرزقج وتقر عينج بشوفتهم انشالله ..........

طيب متى رحتي لها لان قاللولي من ثالث يوم الدوره عشان الابر بس اروح قبلها عشان التحاليل والا شلون ؟؟ وما قالتلج لأ على الابر لان بصراحه مابي كلوميد اب على طول ابرباذن الله والله يكتب اللي فيه خير

 

[مستكه]

والله يالغاليه فوزيه واااااااااااايد زينه بنت عمتي كانت عندها واحملت بثلاث توائم ايهبلون بنتين وولد

ورفيجتي عندها يابت ثلاث توائم ولدين وبنت

الله يرزقج مثلهم يااااااااااااااااااااااااااارب

تسلمين ياعمري ماقصرتي

 

[الريشة]

مستكة...
نصيحتي أول شيء سوي تحليل هرمون الحليب و لازم تكون عليك الدورة ثاني يوم أو ثالث يوم أو خامس يوم.
و اذا زين اخذي كلوميد ، و اذا مو زين عالجي هرمون الحمل أول بعدين اخذي كلوميد ، (بس لازم الطبيبة تسوي لك سونار داخلي عشان تشوف حجم البويضة زين ولا لأ قبل لا تاكلين كلوميد)و اذا ما حملتي من الكلوميد اخذي ابر .... يعني ابدي بالتدريج احسن ، لأن فيه حريم يحملون من الكلوميد على طول ، و فيه اذا طلع فيهم حليب و تعالجوا من الحليب يحملون عقبها على طول حتى بدون كلوميد و لا أبر.
و الخطوة اللي وراها اذا ما حملتي اهي : التلقيح الصناعي.
و آخر خطوة : طفل الأنابيب.
بس ان شاء الله تحملين من البداية قبل لا تدشين بالعميق.
بس انا عندي د/محمد قطب ، اللي معاها وايد زين همن، انتي و راحتك.

 

[مستكه]

مستكة...
نصيحتي أول شيء سوي تحليل هرمون الحليب و لازم تكون عليك الدورة ثاني يوم أو ثالث يوم أو خامس يوم.
و اذا زين اخذي كلوميد ، و اذا مو زين عالجي هرمون الحمل أول بعدين اخذي كلوميد ، (بس لازم الطبيبة تسوي لك سونار داخلي عشان تشوف حجم البويضة زين ولا لأ قبل لا تاكلين كلوميد)و اذا ما حملتي من الكلوميد اخذي ابر .... يعني ابدي بالتدريج احسن ، لأن فيه حريم يحملون من الكلوميد على طول ، و فيه اذا طلع فيهم حليب و تعالجوا من الحليب يحملون عقبها على طول حتى بدون كلوميد و لا أبر.
و الخطوة اللي وراها اذا ما حملتي اهي : التلقيح الصناعي.
و آخر خطوة : طفل الأنابيب.
بس ان شاء الله تحملين من البداية قبل لا تدشين بالعميق.
بس انا عندي د/محمد قطب ، اللي معاها وايد زين همن، انتي و راحتك.

يعطيج العافيه حبيبتي ماقصرتي والله كريم انشالله

 

[irresistible]

حبيتي توكلي على الله صراحة خوش دكتورة وحبوبة انا حملت عندها من اول مرة بس الله ما كتب طرحت بامريكا لاني تعبت من الطريج

 

[جروح تبتسم]

انا للامانه دخلت اقول اللي عندي
صديقاتي ثنتين ( والله العظيم )
وحده يابت ولد
والثانيه توأم ولد وبنت
ومعاي بالدوام تووووووووها مسويه اطفال انابيب وثبتو توأم 2 وواحد ذبل وتم برحمها سبحان الله

 

[مستكه]

توتا الله يعوضج انشالله بأقرب وقت

وجروح تبتسم ماقصرتي ياعمري وانشالله بروح لها


ويعطيكم لعافيه