اللي تدش جعل ربي مايرزقها بواحد نفس زوجي

[شيوومه]

ياقلبي انتي الله يعينج

اول شي تسوينه الحين تقدمين عالديوان لاااااازم تضمنين لج وظيفه ولو بعد سنين مو مشكله نطري

وحاولي تكملين تعليمج ضروووووري مو تقولين لاا مااقدر غلطااانه الشهاده بهالزمن اهي سلاح المره

والا الرياييل ياحسره ماكوو اسم بس

وحقوقج تقدرين تسالين عنها محامي بالتلفون للاسف مااعرف شخص معين اذا حصلت برسل لج عالخاص

لكن ياحبيتي بالنهايه ابوج واهلج بيعرفون انج بتشتكين وهذي حقووقج عالاقل حقوق ولده

ابوج ليمتى بيظل يصرف ؟ بيكبر ولدج وبتتحسفين على سكوتج ؟؟

اخذي موقف وكلمي احد اخوانج او ا شخص تثقين فيه ويكلم ابوج عشان يشوف ولد عمج شنو الدبره معاه

ليمتى معلقه يعني ؟؟ هذا مو ولد عم هذا عدوو

الله يفرجها عليج ياااارب

 

[طنيانه]

شكرررااا ع المرورر بس قضايا ما اقدر ابي استشاري اسأله عن حالتي

 

[amami al-kuwai]

انتي تقولين ماتبين قضايا واستشاري راح يقولج لازم قضية نفقة

خلي ابوج يكلم عمج على هالموضوع

اذا ماشفتي فايده لازم ترفعين قضية

على الاقل توظفي اي شغله

 

[مفرفشه عالاخر]

دام ماهمج تطلقين هذا شي حلو عيشي حياتج انا اول مرة اكتب هالكلام واشارك بموضوع حساس نفس هذا

لكن زوجج حسبي الله عليه اسمحيلي .. مايستحي !! ووقح !!

شلون مايبي يصرف عليج توه يعرف ان الزواج مسؤوولة لما جاب ولد ؟!

حسبي الله عليه وبعد ياخذ من بيت الزكاة !!!!

عمه بعينه شهالقذارة مالومج لو كرهتي جنس الرجل لأنج جربتي سيئة قذرة

احلا شي كتبتيه ان ماعندج مشكلة تطلقين والاحلا انج تبين حقج

لازم تكونين قوية وابوج الله يهديه واضح انه طيب حيل ولا ليش يستحي من واحد مايستحي

اتصلي على اي محامية واعلنيها حرب وتطلقي واطلبي نفقه وخل يقصون من معاشه 200 مصرف لولدج او لج ويجيبلج خدامة وسايق طالبي بكللللللللللل حقوقج الي كفلها لج القانون

هذا حقج واحنا بندخل 2012 مافي شي اسمة الناس وما الناس

شكثر ناس قبليات وكويتيات تطلقو ورفعو قضايا مافيها شي !!!

لا تسكتين وطالبي بحقج وتطلقي واكسري ظهرة خل يعرف ان الله حق وخل يقصون من معاشه وتطلعين الفلوس من عيونة

الحق لو ما وصل بالطيب يطلع بالغصب

الدين والقانون والحق معاج

الباقي عليج انتي تحركين وحني على ابوج الله يخليه لج ترا كثر الدق يفك اللحام

حني وحني لين تاخذين حقج

وعليج بصلاة الوتر والاستغفار

 

[بعد الغروب]

الله يفرج همج ويهديه لج ويبعد درب المحاكم عنج ياااارب

 

[ديانا سبنسر]

ابوج مستحي من عمج وعمج ليش مااستحى من ابوج وولده قاط المراة وولدها على اهلها يصرفون علييها حبيبتي هذا حق ومافيه حيا وماحيا ارفعي قضية وخليه يعرف المسئولية عدل رفع ظغطي

 

[سنفوره8]

الله بفرجها عليج

 

[Australia girl]

والله مادري شقول بس ابوج حشم عمج وعمج للاسف مو حاشم ابوج

 

[عزوتي خمس صقور]

الله يعينج

 

[miss youyou]

حبيبتي إذا كان ريلج وأبوه ما إحترمو أبوج فا شلون أبوج مو راضي ياخد بحق بنته وحق حفيده والصراحة الحل الوحيد هو المحكمة والله يعينج عليه وينصرج وياخد بحقج منه في القريب العاجل إن شاء الله​

 

[يستفزني غلاك]

المشكله انه ولد عمج

بس كلمي ابوج خليه يواجهه و يطلق
او اخوانج والله يعينج

 

[سندس 90]

الله يفرج همممج يااارب

 

[طريق السعاده]

ادري موضوع قديم بس مدري وش صار عليه

حبيبتي اول شيء الله يفرج همك ويخلصك من هالحقير

ثانيا انتي بالغه راشده ام ومسؤوله عن طفل
ابوك مستحيل طال الزمن او قصر يشتكي ويتفشل من اخوه لانه متربي ويعرف العيب بس عمك ماقاعد يحشمه لكن ابوك مرح يطلع بالشينه
فانتي الي تتصرفين وقولي لابوك انا مو عشان الفلوس الله لايحرمني منك ولا يخليني انك ماقصرت باول حياتي ولا رح تقصر الحين عاززني ورازني ومعيشني ومعيش ولدي احسن عيشه ومامنك قصور
بس انا انسانه معلقه لاني عايشه مثل المتزوجات ولاني مطلقه وعايشه مثل المطلقات وهذا الشرع والدين مايرضاه ولا العرف
ولدي ابوه مايدري عنه حي او ميت ولا يسال عنه واذا كبر هالولد رح يحاسبني ويعاتبني ليشني مضيعه حقه وساكته !
وقولي لابوك ي يبه انا قررت اخذ حقي بنفسي ومافيها عيب ولا رح افشلك انا بدافع عن نفسي وعن ولدي وبضمن حقي وحق ولدي وبرفع قضيه طلاق !
يمكن يزعل ابوك او يقول تفشلينا واخوي ومارضى بس انتي عطيتيه خبر تالي شيلي نفسك وتحركي وارفعي شكوى بكل شيء بالاثباتات واكيد بيطلبون شهود عاد اهلك مابيطلعونك كذابه اكيد بيشهدون معك
خذي حقك ابوك ماقصر الله يجزاه خير ويخليه لكم ذخر بس مو مجبور يغطي بلاوي هالمحتال !!
ولازم تتصرفين انتي وتكونين قويه لان اذا سكتي انتي وخفتي مرح تاخذين حق ولد ولا حقك لان ابوك مستحيل يطلع بالشينه وبيرضى يتحمل الضيم اهم شيء مايغلط ويطلع بالشينه في نظره خصوصا لو عمك اكبر من ابوك ..

حاسه بوضعك لانه حييييل صعب بس يبيله جراءه وانتي صبرتي وحشمتي كثير جا الوقت الي تلمين باقي ايام شبابك قبل تنتهي

 

[Pinky -cat]

انزين ما في بعينه احد يعني ، وين اهلج عنه ساكتين ،و وين اهله ماكو ردة فعل ؟؟؟ عادي سهالات عمرج وحياتج
وانتي ساكته سنين ؟؟؟ اسمحيلي شي غريب الحين المرا اذا ريلها راح شهر تين وانتي سنين وساكته ناطرة شنو
يحن ماتوقع حبوبه صارله سنين يعني غسلي ايدج خلاص انتي تبين معجزه مثلا ؟


روحي ردي حقج اصحي وانسي هالانسان فكري بنفسج ووناستج وردة تذبل باول حياتها ليش؟ عشان منو؟

روحي حطي محامي وحرمية من الفلوس اللي مستانس فيها على حساب راحتج وبيتج وعيالج

 

[جوك احلى جو]

اذا اهو ما استحي علي ويه ومن عمه انتو تستحون لا يبا ماضاع حق وراه مطالب اربع سنين مو شويه الله ييسر امورج وان شاءالله تتوظفين باحسن مكان حبيبتي

 

[بـحـور الـشـوق]

الله يفرج همومج عاجلا غير آجل يا رب و يريح قلبج و عليج بالاستغفار و باذن الله ربي بييسرها توكلي على الله و ربج كريم ما يقصر

 

[في قلب البحرين]

الله اكبررررر
الله اكبر
حسبي عليه من ريل او من ولد عم واذا اهو مب كفوا ولا ريال وسمحي لي يعني بهل كلام

عنبوا وينه ابوه اللي هو عمج واخوا ابوج مايجوف اخوه مب راضي يسوي شي رسمي بالمحكمه علشان العايله والاخوه ورى مايتحجى وينصف المظلوم
او ورى مايجبره يطرش لج شهريه
وحق ولدج

جوفي واحد من الاثنين يا ابوج رطرش له واحد عود من العايله ينصفج وتجوفون لكم حل

او تروحون لمحامي ويناديه هو وابوه ويقول لهم ان تبون تحلون الموضوع بشكل ودي وينتهي الموضوع ويلزموووووووونه يمشي يهريه حق ولده

الله يغغربله صج اوادم غريبه الله يصبرج بس​

 

[الفدعه المزيونه]

الله يصلح حالكم ويفرج همج ويفرج ضيقتج ادعي بصلاه اخر الليل والله ينصرج حبيبتي

 

[ReD&FoSHia]

غلط اللي قاعدين انتي و ابوج اتسوونه
باجر ربج بيسالكم بولدكم بماله و بحياته و نفسيته
شنو هالمستحى اللي مايدش العقل
وانتي وين و ولدج وين يعني انتو الضحايا مو الريال ولا ابوج و لا عمج
عادي عندج الريال ياكل فلوسج و فلوس ولدج ؟؟؟
عادي عندج
انا بسميه ريال معنه اهو مو ريال بس لانه مايستاهل اقول عنه زوجج لانه الزوج يخاف على مرته و ولده بالاساس
مايقوم يبوق الحلال
ولد العم مايرضا علي بنت عمه المفروووض الا لي كان دني نفس
ومبين عليه دني نفس طمعان بالفلوس
اذا تبين الكلام الصح
روحي ارفعي قضية عليه و اخذي كل حقوقج
ذكرى الرشيدي تاخذ الحق مضاعف بس هل لج قدرة على الدفع
ولازم تراا ابووج يكلم اخووه ويعصب
ليش مو حاسبين ابوج بالحساب و القدر عندهم ؟؟؟؟