اللي تدش جعل ربي مايرزقها بواحد نفس زوجي

[طنيانه]

السسسسسسسسسلاااام عليكم ورحمه الله وبركاااته ...

مادري من وين ابتدي ..

بنااات انااا متزوجه من 5 سنوات من ولد عمي ولي اربع سنوااات قاعده ببيت اهلي انا وولدي ..
بعد ماتزوجت زوجي شاف ان الزوااج مسؤؤليه ومو راضي يصرف علي ولا على ولدي
وصارلي اربع سنوات معلقه مو راااضي يطلقني لانه مستفيد من بيت الزكاه يصرفون له بأسمي واسم ولدي مع انه موظف ..
ومااقدر اطلب الطلااق بالمحمكه لان عندي اسبابي ,, وطول هالسنوات الاربع ابوي يصرف علي وعلى ولدي ..:eh_s(2):

بنااات حطو نفسكم مكاااني اربع سنوات ابوي يصرف علي والله صعبه وانا مو موظفه
وربي تعبت :eh_s(11):

شغله ثانيه اناا رحت بيت الزكاه وطلبت يحولون المبلغ بأسمي واسم ولدي بس قالو لازم شكووى من المحكمه انه ماايصرف علييييج وانا خايفه اروح للمحكمه ومااادري شقول بالضبط وشنو اللي يبونا مني يعني ارفع قضيه ولا غيره ..

وابوي مستحي من عمي مايقدر يرفع عليهم قضيه وويقول انا مستعد اصرف عليج
بس انا افكر بمستقبل ولدي وماقدر اسكت عن حقي ..
خصوصا انه اذا ولدي تعب مايعطيني اوراقه عششان اودي المستشفى الا بعد مليون وااسطه :eh_s(16):

ابي تساعدوني شلون احل مشكلتي ابي اخذ حقي وحق ولدي طول السنوات اللي راحت
بعرف شلون نظام الششكوى بالمحكمه من دون قضيه ومابي ابوي يدري ..
وشلون ارد حقي منه واللي عندها خلفيه بالمواضيع اللي جذي لاتقصر..



وان شاء الله اللي ترد ربي مايرزقها بواحد نفس زوجي متستر بلباس الدين وهو شيطان
الله ينتقم منه:yaaaaaarb:
ملااااحظه .. ماهمني يطلقني او يخليني معلقه لان خلاص كرهت جنس الرجال من وراه ولا ابي اتزوج كل همي شلون اضمن حق ولدي عن طريق شكوتي بالمحكمه

وربي محتاجتكم لاتخلوني :eh_s(2):

 

[إلشآمخة]

لا حول ولا قوة الا بالله _ انا اقوول يالغاليه دبري رقم المحاميه ذكرى الرشيدي واستشيريها وقولي لها عن ظرووفججج _ والله يوفقج ويأجرج من مصيبتج

حبيبتي انتي بنات الناس ماتستاهل _ والله يهداه ابووج ليش مايتحرككك​

 

[الشيرازية]

الله يفرج ضيقتج والله ماعندي فكرة بهالمور بس اخذي استشارة من اي محامي واهو يفهمج كل شي

 

[ملح على الجرح]

الله يوفقك وييسر أمرك ويسهل لكي كل عسير يارب وياخذ لك ربي حقك من زوجك ويارب يكون بعونك

أسئل الله لكي الفرج والتيسير والتوفيق

أكثري من الاستغفار فانه مفتاح للاقفال

للاسف ماعندي خلفيه عن المحاكم بس حبيت أشاركك بدعوه لعلها تريح بالك

ومثل ماقالت الااخت شوفي رقم المحاميه ذكرئ الرشيدي ويارب تساعدك

والله يكوون في عونك

تقبلي مروري

 

[~ بنت الهدى ~]

حالته غريبه زوجج

الله يفرج همج يارب

 

[يحبني برشآ]

الله ييسر أمورك ويفرجها عليك ، مآعندي خلفيه والله

 

[sosowaty]

لا حول و لا قوة الا بالله ما عندي فكرة و الله يفرج كربتج وهمج

 

[طنيانه]

الله لايحرمكم الاااجر على هالدعوات الطيبه
ولاهنتوا ع المرور

 

[طنيانه]

بنااااااااات بالله عليكم اللي ماعندها خلفيه عن الموضوع ترفعه مأجوره ان شاء الله

 

[تُخْفِي غَلَاها]

,’

لا اله الا الله
الله يفــــرجهـــا علـــيج يارب

.,​

 

[أعشقني]

الله يفرج همج يارب مالج الا الدعاء بنص الليل والصلاة
الله ينصرج على الظالم ويوريه يوم يارب

 

[وحيدة خالد]

الله يفرج همك ويصلح حالك

مافيه الا انك دافعين عن حقك وتروحين للمحكمة ولازم يتحرك ابوك لاتضيع حقوقك وولدك حراام والله

الله ينصرك على من ظلمك *

 

[سكوتي بذوقي]

لاحول ولا قوة إلا بالله

الله يفرج همك يارب اختي

ويكون بعونك

 

[$$king moon$$]

الله يعينج ولاتسكتين حبيبتي حتى لو ولد عمج مومعناته يعلقج ٤ سنين
وبعدين اصابعج موسواااا اذا الله رزقج بزوج صالح
شالمشكله وافقي وعيشي حياتج
وقلبي معاج

 

[لوفيه]

لفترض ان اول سنة زواج مو قادر يصرف وحاس انها مسؤولية

اوكي وباقي 3 سنين معقوله للحين حاس انها مسؤولية؟؟؟؟؟

ليش تزوجت وحملت مرتك دام انك مو ريال عليك الاعتماد؟؟؟

واهله وين بيت عمج شرايهم ؟ يعني عادي اللي قاعد يصير

والله ماقول غير ربي لايحرمج من ابوج ويخليه ذخر وماتحتاجين لاحد بوجوده

 

[فــوكسيه]

هذا وهو قريب لج يسوي جذي
الله يكون بالعون ويفرج همج
ارفعي عليه قضيه بالمحكمه وحطيلج محامي والله يكون بالعون
ياشين الي يتزوج وموقد المسؤوليه
اتذكريني بسالفه طليقي مايسمع الكلام الي لما اشتكي عليه

 

[om MaRyooM]

الوالد غلطان
المسألة مو بس فلووس
هذا قاطج انتي وعياله والمفروط ابوج يتصرف
واتوقع عم مارح يرظاها علا بنته تعيش نفس الوضع


من رايي اختي
انتي سكتي واايد ويه الوقت اللي تاخذين فيه حقج
وتعرفين مصيرج
كلمي ابوج ولازم تكون لج كلمة قوية ووقفة وحده
وان مانفع صارحي عمج

 

[!الجادل الصعب!]

ابوج مستحي من عمج و عمج ليش ماستحا منكم ؟!
والاخ الي مايبي يتحمل مسؤوليه لايرحم ولا يخلي رحمة الله تنزل ؟!
حتا معاشكم مان فيه عليكم
باجر وراج روضه و مدرسه لولدج شكو الاوراق عنده ؟!

واتوقع اي شكوا لو ابوج مادرا .. هالبليد بيدري وبيعلم ابوج
اتوقع !!
قولي لابوج سكت واجد عن حقي والله مايرضا .. السالفه مو سالفة مصرف
يطلقج غصب عن عينه ٤ سنين مو شوي ترا بيروح عمرج وباجر تلاقينه معرس
وتنقهرين علا عمرج الي ضيعتيه !!
ارفعي قضيه والله ليتبهذل ٤ سنين نفقه مادفعها + شهور الملجه
نفقة الولد ونفقتج ونفقة المتعه .. وربي لتسحبينه علا وجهه ويتادب

دقي علا اي محامي واستفسري منه عن هالشغلات بيفيدج اكثر
وموفقه ياقلبي
حيل سالفتج ماينسكت عنها

 

[Queenleo]

ابوووج صج سالفه ثاانيه
يعني استحى من عمج ووومافكر ابنته
ووعمج ماستحى من ابووج من تصرفات ولده الي محسووب على الرياييل
اول شيء بقولج استخيري بموضوع الطلاق
واذا خيره فالله بيسهله
ثاني شيء
بابا المحاكم ماتخرع ولا اهي بعبع
المحاكم انحطت عشان الضعيف ياخذ حقه من بعدالله سبحانه
اذا انتي استحيتي وخفتي وفلانه خافت وفلانه شلوون بالله بتعيشوون
ووبتاخذون حقووقكم
والمؤمن القووي خير واحب الى الله
انا اقووولج
السالفه مايبيلها شيء
رووحي المحكمه وقولي برفع قضيه كيت ووكيت وريلي مايصرف علي
يسون له قضيه ويدزون له كتاب بموعد الجلسه
وولما يحكم القاااضي يغصبه يدفعلج نفقه حتى من غير طلاق
حقج اذا انتي كويتيه وولولدج وسايق وخدامه واجار شقه اذا تبين
ووطلبي حضانه الياهل
عشان حزتها تقدرين تباشرين اوراقه الرسميه بنفسج
وماتحتاجينه
ووخل اقولج شغله اذا استخرتي وقررتي الطلاق
فلا تقولين كرهت جنس الرجال حبووبه
لان فيهم الصالح والطالح
وهذا قنووط من رحمة الله
فتعوذي من ابليس ووربي وولدج واستغفري وان شاء الله الله بيرزقج على قد نيتج ويعوضج تعبج بوولد الحلال الي يصوونج
وعلى قولتهم الطراق الي مايذبحني يقووويني
والوحده مطلووب منها تكون قووويه بهالوقت الي قلوا فيه الرياييل ولا بياكلوونج ويمصمصوون بعظامج

 

[برنسيسة2007]

حبيبتي قولي لبيترالزكاة انا مو محتاجه فلوس وحرام اخذها علي ذنب انا ميسورة الخال خل يقطعونها واذا قطعوها قدمي اوراقج على بيت الزكاة واسالي مشايخ في حالتج يجوز الكذب
اختي انا فاهمه عليج انتي بنت ناس وابوج اصيل وفاهمه شتقصدين مستحي من عمج
لكن نصيحه ابوج خله يكلم عمج على التعليقه انهرلا يعلق بنتي لا الله يرضاها ولا الاخلاق قدام الناس يعلقها
وفي سياق الحديث يبين ابوج ان حنا ما نبي شي حتى فلوس بيت الزكاة اللي ياخذها اذا يبينا نمشيها له ويطلق بنتي ماعندي مانع لانه يمكن ابوه مايدري فيها-او خلي السالفه توصل من الحريم يعني امج توصل هالسالفه لان الرجاجيل يتعيبون من الامور هذي فخليها تطلع من امج وخلها تثني على ابوج انه يقول لايحد بنتي على بيت الزكاة بمذا اهله راح يدرون عن بيت الزكاة
ولكن لاتروحين محاكم ولاتروحين من ورا ابوج
واذا انصكت الحلول بوجهج الجئي لرب العباد وادعيهزليل ونهار ساجده واخر الليل وباذن الله تنحل امرج
واذا تقفلت الابواب