اللي تخلي ريلها وتنام في بيت اهلها ؟؟ شحـــــــــــقه ؟؟

[جوجو.]

ماحب هالحركه ولو اني مو متزوجه
مشكوره

 

[عقد اللؤلؤ]

بصراحه أنا من وجهة نظري ماله داعي الوحده تنام في بيت أهلها ... صج انهم اهلها وتحبهم ويحبونها... ويشتقون لها بس
أحــلى شي تكونين يم ريلج علشان ما يتعود ع فراقج .... انا للحين ما تزوجت بس عرسي قريب واصلا قايله حق أهلي أنا كل يوم بزوركم بس نومه لا ما انام واخلي ريلي ... لان حتى اهو مو راضي ع هالشي .... وعسى الله لا يحرمني منه​

:ggdw:

 

[سارة علي]

ولا مرة سويتها لان هو عودني على هالشئ ولا مرة خلاني انام بيت اهلي
لدرجة ان مرة سافرنا مدة 9 شهور ورجعنا وكنت حيل متشوقة اني انام بيت اهلي
واقعد مع امي وخواتي واهلي لكنه رفض بحجة انه مايستغني عني
عشان جذي انا بعد تعودت عمري ماخليته ينام بروحه لكن يوم ردينا للسفر تحسفت اني مانمت عندهم
لاني ماشبعت منهم ولا من القعده معاهم

 

[طالبه جامعيه]

وووووووووووووووواااااااااااااو الموضووووووووع يشوووووووووووق حده عجييييييييييبه
بالنسبه لي انااام في بيت اهلي اكييييييييييييييد لو مرتيين بالشهر مثلا هالاسبووع اي والاسبووع الثاني لا والثالث اي والرابع لا عرفتووو

وما اروووووووح هناااك البمعه لا

اروووح الخميس اول ما اطلع من دوااااااااااااااااااااااام حق اهلي واغير ملابسي واكييد زيت على شعري وكريماات تعرفوون طول الاسبووع ما احط شي عشاان ريلي

واعوده كل خميييييييييس لازم يقطني

مثلا الخميييييس الظهر احط كريماتي وزيوووتي واقعد اسوووووولف على اهلي ولما اخلص منهم يعني بليل ارووووووح خذ شووووووور خاااص واسووي شعري واتبخر واتعطر والبس ...... وارووووح بيتي

 

[al3ethri]

ماكو اسبوع يمر من غير ماانام فيه عند اهلي هذا تقريبا العام بس هالسنه خففت وايد
لان بيتنا الله يحفظهم صيحه ويهال عسى الله يخليهم فما اقدر عالازعاج
لكن اذا اتفقت مع اختي نروح ننام هناك لان اخواني وريايلنا يروحون الشاليه
نسهر بالبيت على راحتنا مع حريم خواني واهما بصراحه يهبلون والحمد لله كلنا على قلب واحد
مع امي وابوي تصير خوش يمعه الله لايفرقنا وريلي بعد عيني مايقول شي اصلا احسن نرد مشتاقين لبعض وتغير

 

[SoSa !]

اذا كان عنده خفاره انام ببيت اهلي

 

[ريماا]

اول سنة زواج كنت انام ببيت اهلى الانى موقادرة اتأقلم انى ابعد عن اهلى
بس الحين نو وى فى بيتى ارتاح اكثر

 

[ودي بطفل احضنه]

اولا شاركرلج على الموضوع

وانا عن نفسي انام عند اهلي كنوع من التغيير

متفقه انا وخواتي انام عن اهلي نتيمع وانغير جو اشوي

ومتطمنه على زوجي انه بيكون مرتاح وكل شي عنده جاهز

اكل وشرب لاني ساكنه بشقه عند اهله ومو مقصرين معاي ولا معاه...،

 

[SPIDER-WOMEN]

انا ماانام بيت هلي الا اذا كانو مثلا رادين من السفر ( سفره طويله طبعا ) وغير جذي نوووووو لااااااا

 

[arwa-center]

مافيها شي لمن انام عند اهلنا
يعني الحين احنا بينا اتفاق ما اروح اهلي طول الاسبوع بس ازورهم الخميس وارجع السبت

من حقي هالشي.يمعت الاهل ماتنمل والريل لاحقه عليه شنو مو شايفه خير اظل متعلقه برقبته 24 ساعه حتى اهو يمل

 

[**Jumana**]

اللحين أعرس و عندي ريل و تالي أهده و أنام عند أهلي؟؟؟؟

جنه الموضوع غلط ... وخاصة بالويك أند أحس انه أكبر غلط لأنه الريال وقتها يكون راااااايق و باله مرتاح لأنه ماكو دوامات ..

فليش أضيع هالفرصه و أهده وأروح عند أهلي؟؟

لاحقة عليهم ان شاء الله مو رايحين مكان ... متى ما بغيت أطل عليهم بس ماله داعي أهد الريل و انام برا

هذي وجهة نظري يا حلوة

 

[حور العين 2008]

انا اقولج ليش علشان يفضالة الجو ويب وحدة علي افراشها

 

[cat^q8]

والله انا مع كل وحده ما تنام في بيت اهلها ،، لي الحين ما لقيت سبب مقنع يخلي عذر عشان تنام الزوجة ماعدا سبب التدلع

 

[cat^q8]

@@ ويييييينكم ؟

 

[sunshine22]

شوفي ياقلبي

احنا بهالموضوع شفت قسمين

قسم يبي ينام<<<وانا مؤيد للنوم ببيت الاهل هذول اهلي امي وابوي واخواني وعزوتي وقت الشده الزوج طول الاسبوع وجهي بوجهه افج شوي واتسوق مع خواتي وانزور وثاني يوم الصبح وناااااااسه نتريق براااااااااااا ونتكلم ونتناقش وانا اهلي حييييييييييييييييييييييل مترابطين وما نستغني عن بعض
ممكن في ناس بيت اهلها شرايك والا امها ميته سمالله عليكم والا ابوها ميت والا بنظرها انها عايشه بقرف وما صدقت تتزوج وتفتك
فالمسألـــــــــــــــــه مسأله ترابط اجتماعي امي لو تبيني انام لاخلي الدنيا وانام اصلا تتضايق من يوم الجمعه قبل لي رجعنا انا وعيالي تقول يوووووووووووووه بتروحون اقعدو بعد بس هالحزه لا بيتي وزوجي والغسيل والمدارس مااقدر صج
ما انصدق يجي الويك اند ونطيييييييييييييييييييييييييير لاهلنا خصوصا انه صغار لاحقين على القعده بالبيوت

طبعا اللي بحالتي عندي اسم الله عليهم 3 عيالي بس لازلت انام
اقولج ليش عشان ما تستغربين
1- بيت اهلي بعييييييييييييييييييييييد عن بيتي ومااشوفهم الا نهايه الاسبوع وكذالك كل جماعتنا
2- شقتي كانت اجار وامل منها والحين سكنت عند حمولتي وهمن امل منها خالتي طالعه24 ساعه وماكو احد بناتها يجونها كل ويك اند وانا على قلوبهم انا بعد عندي اهلي
3- يشتاق الزوج لزوجته ويصير فجه شوي ممكن تسوي تقشير ببشرتها ممكن تتفخ شفايفها ممكن تسوي اي شي ما تقدر تسويه بشقتها
ممكن تشتريله هديه اذا بتفاجأه وهو دايم يوديها ما عندها سياره
وممكن وممكن
4- ما عندي سياره على كيفي مثل البعض عشان اروح لاهلي يومياااااا وما اضطر انام عندهم
-----------------------------------


عموما الحالات تختلف والوجهات كذالك

وكلن يحسب الناس نفسه اللي بيت اهلها قريب ويوميا عند امها ما تحس بشعوري وشعور غيري وتنظر على النومه انها صعبه
لانها ما جربت بعد المسافه
وكلن وظروووووووووووووووفه بالنهايه

 

[eman84]

والله انا اقوول كل وحده خل تقضب بيتها و عيالها احسن لها ولا تعود الريال ان يكون عنده وقت فراغ
حلاته و اهو بالديوانية والا طالع يفكر و يحسي حسابج في وحده ناطره مو مهيت ؟!؟؟ اذا جذي عيل شالفايدة من الزواج ؟ كل واحد بصوب حتى لو ويك اند خواتي سهروا وياهم طلعوا تمشوا او اشتروا افلام يعني مو حاله هالبنات بالويك اند شايلين قشهم و رايحين
عسى ما شر ؟!؟

 

[عسولة الكويت]

انا كنت انام بس الحين كبرت مسؤليتي انا واعيالي اسم الله عليهم وقشنا واجد وماينامون الا بفرشهم برا البيت يتفززون للصبح
وزوجي مايفضا الا نهاية الاسبوع نسهر مع بعض واي وقت ابي اروح لاهلي مومشكله

 

[أحب الخير]

النوم في بيت الأهل حلو و تغيير وكسر روتين
بس النوم بحضن الزوج أحلى
و مهما كانت وناستي ببيت أهلي ما أقارنها بوجودنا مع بعض

 

[BlackRose]

انا الحمدلله ساكنة ببيت اهلي

ماخذة طابق فوق ومأجرة عندهم

يعني ماعندي اي مشكلة بهالسالفة

 

[Bronze ● lady]

باختـــصاار







اناا ماأيد الزوجه الا تهد زوجها
وبيتها ( ولاحظي حطيت زوجها قبل بيتها )
وتروح تنام بيت اهلها عشان ولاشي !!


وأفضل الزوجه الا تلتزم ببيت زوجها ,
وماتفارقه وتروح بيت اهلهاا الا لسبب مقنع
او شي يجبرها انها تناام ببيت اهلها <<



هذا راي باختصار