اللي تخلي ريلها وتنام في بيت اهلها ؟؟ شحـــــــــــقه ؟؟

[حصووونه]

ياختي فجو عن الرجال شوي خلوه يتنفس ومنو قال اللي تخلي بيتها بالويك اند تعطي مجال للرجال يخربط اللي يبي الخربطه يسويها ولاهمه ماينطرج تروحين لاهله خلي عندج اعتزاز بنفسج مجلبه بالرجال جنه بينحاش مو بالطريقه هذى تحافظين على بيتج والحمدالله اهلي يفقدوني ولي غرفه وذكريات ولازم استريح عند اهلي لو يوم واحد موشرط يومين انام واقعد بحضن بابا وماما الله يخليهم لنا يارب

 

[دلوعة إبوها]

تدرون عاد هسالفه قاهرتني وانا لو ريلي طلع دماني ما اطلع من بيتي

 

[سفيرة العشق]

ياختي فجو عن الرجال شوي خلوه يتنفس ومنو قال اللي تخلي بيتها بالويك اند تعطي مجال للرجال يخربط اللي يبي الخربطه يسويها ولاهمه ماينطرج تروحين لاهله خلي عندج اعتزاز بنفسج مجلبه بالرجال جنه بينحاش مو بالطريقه هذى تحافظين على بيتج والحمدالله اهلي يفقدوني ولي غرفه وذكريات ولازم استريح عند اهلي لو يوم واحد

اي والله صاجة يوخيتي
انا بصراحة معودته كل نهايه اسبوع انام عند بيت اهلي واطلع مع خواتي ونتسوق
وكافي لمن تردين يشتاقلج ويحس بفرق لمن تروحين عنه ....

 

[دلوعة إبوها]

ليش متزوجه اذا تبين اتفجين عن ريلج اشوي انا مو معاكم بهسالفه والله ان الحريم مساكين الريال اكبر ممثل بسالفة ان اكون مشتاق

 

[ام عيون عسلية]

شدعوووه افج عنه شوووووي ؟؟!!


اذا اهوه مايقدر ينااام بالسرير بدووووني وحتى الشقه مايقدر يقعد فيهاا بدوووني !! اقووووله لألألأ تعود تنااااااام برووووحك .. وتعوود تقعد بروووحك؟؟!!

.................

وكذااا مره اكوون مجهزه نفسي على اني انام عند اهلي .. يدق علي واهوه بالسرير ويقووولي موقادر انام بروووحي .. شرايج امرج ؟؟

واكوون انا بنفس الحاااله تقلبت بسريري ليمن قلت بـــــــس !!!

..............

كل هذاااا وتقووولون فجووو عن ريايلكم شووووي؟؟؟!!

بذمتكم شنووو رااايكم ؟؟!!


:nbvppw:

 

[om_7amny 85]

انا النومه عندي مقدسه
اموت اذا ما انام
اروح اليمعه بيت امى على الغدي و انام لثانى يوم عاد يا ارد العصر او بليل على حسب
بعدين انا ابيت حمولتى يعنى قبل لا نطلع من الشقه انظفها عدددددددددددددددل و ازهب شغله و اقب
عاد و ناسه لما ارجه البيت عقب النومه يكون ولهااااان علينا
وهم بعد وناسه ابيت امي انفرش على الارض انا و عيالى و خواتى
اصلن خواتى يكيفون اذا ييت انام عندهم

 

[cat^q8]

ام عيوون عسلية


نفس حالتي بالضبببببط

 

[احبج يا الكويت]

مااعرف انام برا بيتي حتى لوعند اهلي مادري ليش احب اقعد بمكاني

 

[bent-al-asool]

يعني شنو يبي يصير يوم واااحد ما يأثر إذذا عفس اليت ونرد ثاني يوم نضبط الوضع

نرتاح من بعض شوي ولا على طووول مجابلته بتلوع جبودنا من بعض

راااحه واستجمام من الريل شوي

 

[om_3azoz]

انا عن نفسي ساكنه في بيت اهلي فماله داعي انام عندهم لووول شقتي فووق طول الوقت اكون تحت عندهم
ما اروح انام بيت اهلي اروح انام بيت عمي لووول العكس لمن ريلي داوم كنت اروح بيت عمي انام

 

[أحلى همبه كويتية]

مااعرف انام برا بيتي حتى لوعند اهلي مادري ليش احب اقعد بمكاني

انا مثلك بالضبط :denya:
الليلة اللي انام فيها عند اهلي بس لما يكون مسافر من غير شر :krkrkr:
وطبعا بالليلة هذي ما أنام ليما الصبح وأنطر بس متي يرجع زوجي عشان ارد حق فراشي ومكاني

الله لا يغير علينا وعليكم

 

[طفلة الشتاء]

الصراحة بنات خير الامور الوووووووووووسط.....يعني مو حلوة كل ويك اند اتقضينه نوم في بيت اهلج هم زوجج له


حق فيج ..خصوصا اذا كنتي موظفة ومشغوله بالدوام طول الاسبوع....يعني كافي قعدتج الصبح وانتي رايقة لا دوام ولا شي ..لها

جوها الصراحة...

ونفس الشي النومة مرة بالشهر عندهم ...ما راح تنهي الحب الفيكتوري بينكم ولا راح اتخلية يمشي سيدة اذا كان عندة

خرابيط..الصالح صالح والطالح طالح.... وأول وتالي كل وووووحدة وظروفها ..

 

[حافيه القدمين]

فعلا المره المفروض ماتهد زوجها زواره وترد عشان مايتعود

 

[ربي يفرج لي]

انا ماايد بس هو وناسه لما انام عندهم

 

[Q8Lady]

بصراحه انا من رايي ان اكبر غلط المرة تنام عند اهلها وتخلي ريلها بروحه .. لان اذا لعب الشيطان بمخه والشيطان حي ما مات يدري انها كل اسبوع مو موجوده فينتهز الفرصه وينطلق .. خير الامور الوسط .. لا تكتمين على انفاسه وتلزقين مثل وحده اعرفها حتى نفاسها ماتكلمه ابيت اهلها اتشيل قشها وترد حق ريلها عقب 20 يوم !!! وشنو ريلها يخونها من وراهها اللهم لا شماته واهي ماتدري ... ولا تهدين ريلج على حل شعروا على قولتهم بس الأحسن ماتنامين برا بيتج حتى لو نومة بيت الأهل وناسه
وتقبلوا مروري

 

[cat^q8]

الله يخليلكم رياييلكم

 

[أم عبداللطيف]

خوش موضوع والله حلو

بالنسبه لوجهه رأي الخاصه بجاوب على أسئلتج

هل النومة في بيت الأهل زينة ولا لأ ؟

طبعا لا موزينه شنو موقعج بالاعراب يايتهم ونايمه عندهم وأعرف ناس وااايد تنام في بيت أهلهم عشان والله تعبانه ومالي خلق والحمال متعبني ومن هالحجي واهي حق الطلعات اول وحدة تشوفينها بالويه وتعذر بالحمال والتعب بس عياره ومالها خلق زوجها ووتكون الام لاعبه دور بهشئ

وجم يوم تنامين في بيت اهلج ؟؟

الا للضرورة القصوى وحالات

واصلا ليش تنامين ؟؟

الا اذا مرضت مرض جايد وأيام نساتي في بنتي ويوم كنت عقب عملية واذا كان مسافر واذا دوامه شفت بهذي الحالات فقط لا غير
وهل كان راضي من البدايه ولا كان معارض وبعدين استسلم للأمر والواقع ؟؟

طبعا مراح يرضى بس الظليمة شينه ريلي عادي عنده بس أدري مليون بالاميه مو راضي الله يرحمنا يبي مرته وعياله بالبيت اذا ياي على طول جدامه وانا من نفسي ما أحب انام في بيت أهلي احس خلاص تعودت على شقتي وفي بيتي مااقدر مو مثل بيتي وراحتي لو شنو يصير الله يتمم علي وعلى بنات المسلميييين يارب

 

[فارسة خالد]

انا انام في بيت اهلي اذا بنات خالتي يو عندنا بالويك اند وناموا ابيتنا عند خواتي اقوله بنام هناك والبنات متيمعين حيااااااتي عاد اهوه يضيق خلقه طبعا ما انام الويك اند كله واذا رديت الشقة من باجر لووووووووووووول القى الكفر ومخدته بالصالة وحايس المطبخ فديييييته ههههههههههههههههه وفوق هذا مو نايم عدل

 

[ba6a 7elwa]

انا ما أايد فكرة الزوجه تنام ابيت اهلها لا ويك اند و لاغيره بس اللي ريلها دوامه بالليل الله يعينها !
بس اللي ريلها دوامه عادي اشووف ملاه داعي تنام بره!!
في ريايييل ينطروونها من الله عشان يكون بروحه و يخربط!<<<البعض مو الكل

 

[أثير الورد]

انا بصراحه قبل كنت انام فى بيت اهلى كل خميس ويمعه
اما الحين احس ما اتراااح الا فى بيتى وغرفتى